Boen maniri ini na velddienst e grani Gado
1 Na apostel Paulus ben skrifi gi den Korintesma: „Na no wan enkri fasi wi e gi pasi foe sma naki foetoe, dati sma no feni fowtoe tapoe wi diniwroko” (2 Kor. 6:3). Akroederi nanga dati a ben gi den Filipisma na rai foe ’tjari densrefi na wan fasi di fiti na boen njoensoe’ (Fil. 1:27). Na rai disi di skrifi nanga jepi foe santa jeje e tjari krin kon na fesi dati kristen maniri de prenspari. Joe maniri ini na prékiwroko e grani Gado?
2 San wani taki abi maniri? Den e taki foe manirifasi leki na kewoon fasi fa wan sma e doe, fasi foe doe noso, fasi foe tjari joesrefi èn den abi foe doe nanga na fasi fa wi e handri nanga trawan. Wortoe di abi foe doe nanga boen maniri de respeki, hoffelekheid, sori belangstelling gi trawan, sori taki joe e firi gi trawan, switifasi nanga tact. Gi son sma kande boen maniri kande no de prenspari ma ini den ai foe kristensma a no de so. Wi e ferstan taki foeroe san wi kan meki doe kon leki kristen na mankeri foe boen maniri kan broko en saka.
NA NA OSO FOE OSO-WROKO
3 Te joe e waka foe na wan oso go na a tra oso, joe e sori na wartifasi di sma e ferwakti foe wan dienstknegti foe Gado? Na fasi fa joe e weri krosi èn fa joe e tjari joesrefi a e kroederi nanga na serjoesoefasi foe na boskopoe di joe e pristeri? A no kan tra fasi, taki wi wani abi wi pikin nanga oenoe ini na velddienst, ma den e kisi na leri foe reprisenti na waarheid na wan joisti fasi? Den e arki èn no e pré te na prékiman e taki nanga na ososma? Te den pikin de foeferi noso den e hari na prakseri foe trawan poeroe, na ososma no sa kisi ala winimarki foe san na prékiman e taki. Pikin-nengre di e kisi wan boen leri e tjari grani kon gi Jehovah, den papa nanga mama èn na gemeente. Di a ben aksi foe toe jongoe brada, di ben préki a boen njoensoe gi en, wan oema ben taki a ben de troetroe wan prisiri sani foe taki nanga den toe jongoesma disi . . . di ben weri den krosi so moi, èn den ben winsi taki moro jongoe sma ben sa teki den eksempre. A de krin dati a fasi fa foe weri krosi nanga boen maniri ben naki en ati.
4 Fa wi e sori boen maniri ini wi taki? Na apostel Petrus e taki taki te wi e taki dan wi moe sori wan „sakafasi nanga dipi respeki.” (1 Petr. 3:15). Disi de prenspari troetroe speciaal te wi e taki nanga sma di no wani gi leti te a tori de so. Te wi e taki na wan dogmatis fasi noso grofoe noso nanga wan hémemre, wi kan taki dan dati wi maniri e grani Jehovah? Boen maniri e aksi tact nanga switifasi. Wi no moesoe dwengi na ososma foe teki boekoe ofoe foe arki wi boskopoe efoe a no wani doe so. Sosrefi toe a de prenspari foe de wan boen arkiman, foe di disi toe de wan pisi foe kristen boen maniri. Te na ososma e taki dan wi moesoe arki na san a abi foe taki. Disi e sori respeki. Wi sa sabi dan san de na ini en prakseri èn so wi sa kan jepi en moro boen. — Odo 18:13.
5 Efoe wi e wroko ini na gebied dan boen maniri e aksi taki wi no tanapoe na bosoe na tapoe na pasi pe sma moesoe waka noso na fesi den oso. Sma di e waka psa a no moesoe de so taki den moesoe waka lontoe foe kan psa wi.
NA GOBAKA NANGA BIJBELSTUDIE
6 Te wi de a ini wan tra sma oso, dan kristen maniri e wani taki wi tjari wisrefi leki fisitiman, nanga di wi e sori warderi gi na switifasi di den e sori wi èn wi e tjari wisrefi fansoenlek. Na sma di e hori na studie ofoe e meki na gobaka moesoe hori a ten di na ososma e gi en pasi foe hori a studie boen na prakseri. A moesoe de stipt. Efoe na prékiman abi pikinnengre nanga en, den moesoe sori respeki gi na ososma nanga en goedoe. Na no wan enkri fasi wi sa wani foe meki sma stotoefoetoe noso feni fowtoe. — 2 Kor. 6:3
7 A no de wan sani foe degedege, boen maniri ini na velddienst e grani Jehovah Gado. Meki a de so taki wi alamala „e tjari wisrefi na so wan fasi dati wi warti na boen njoensoe.” — Fil. 1:27.