Jepi studi foe „gesontoe wortoe” kon de wan pisi foe den
1 Na apostel Paulus ben skrifi wortoe di ben abi koni nanga boen rai di ben tron wan ségi gi Gado pipel ini na fosi jarhondro. Den wortoe disi tron wan pisi foe na Wortoe foe Gado di skrifi ondro santa jeje èn den de foe bigi warti gi na disiten kristen gemeente. Paulus ben ferstan taki den sani di a ben skrifi ben de ondro na tiri foe na santa jeje foe Gado èn a boo de foe na boen foe den sma di boo lési èn doe na rai. A ben taigi Timóteüs: „Tan hori na a patron foe gesontoe wortoe, di joe ben jere foe mi, nanga na bribi nanga lobi di de na na sé foe Kristus Jezus.” — 2 Tim. 1:13.
2 Fa Timóteüs ben sa kan doe disi? Na a fosi presi a ben kisi na rai foe Paulus: „Ma joe tan na ini den sani di joe ben leri èn na ini san joe ben go bribi foe di joe ben overtoigi joesrefi, foe di joe sabi foe sortoe sma joe ben leri den” (2 Tim. 3:14). Na jongoe Timóteüs ben kisi leti nanga jepi foe Paulus nanga tra sma na ini na pasi foe na waarheid. A ben gro kon bigi èn a ben tron wan heri boen bedinari foe na boen njoensoe, wan krosbé mati foe Paulus, wan sma tapoe soema joe ben sa kan bow foe jepi trawan foe den ’hori densrefi na a patron foe gesontoe wortoe’. Joe denki taki Timóteüs ben sa kon tron na heri boen kristen man di a sori taki a de, efi a no ben arki, leri èn poti ini en libi den marki foe a kristen sma di a moe de? Kwet’kweti! San wi e leri now foe disi na na sé foe wi frantwortoe toe leri tra sma gesontoe wortoe?
3 Wi moesoe doe ala san wi kan foe meki na waarheid wroko na ini na ati foe wi bijbelstudi. Efoe wi man foe doe disi, dan na sani di e troesoe den foe doe a wani foe Jehovah, kan gron na tapoe na opregti winsi foe plisi Jehovah èn foe meki tra sma jere den heri moi pramisi di de na ini en Wortoe. Efoe wi wani, taki na waarheid moesoe wroko na ini na ati foe tra sma, dan wisrefi moe tanapoe stéfi ini na waarheid toe. Dati de troetroe so nanga wi? Na heri moi eksempre di wi e gi nanga wi boen fasi foe tjari wisrefi, e de wan krin bewijsi foe na stéfi fundamenti foe wi (1 Tim. 4:12). Efoe wi fasi foe taki de soifri èn wi fasi foe tjari wisrefi nanga wi brada nanga sisa e gi wan boen eksempre, wi e prenki na njoen sma dé wi dé èn dan moro fara wi e sori toe taki na waarheid de na ini wi ati (Ef. 4:29, 31, 32). Foe di wi e weri a njoen sma disi di wi de, wi kan rikomanderi na kristen libifasi disi gi trawan.
TJARI SMA DI ABI BELANGSTELLING GO NA A ORGANISAATSI
4 Joe abi wan jepi programma gi joe bijbelstudi? Efoe joe ben bigin wan bijbelstudi, joe e tjari den geïnteresseerde sma na wan doronomo fasi kon na a organisaatsi? Wantoe fasi de foe doe disi. Joe kan ferteri den foe den komakandra ini na kownoekondrezaal èn ferklari gi den a marki foe den. Safrisafri joe kan ferklari gi den na réde foe den sortoe komakandra dati — na publiki komakandra a wan wiki, — na Wachttoren-studi a tra wiki, nanga so moro fara, — nanga san joe e wiki na lostoe foe kisi moro bijbelsabi. Baka wan pisten joe kan sori tranga, taki wi no de tevréde foe wi wawan kon sabi na boen njoensoe, ma taki wi wani prati en toe nanga trawan. Gi bijbelstudi dek’ati foe taki nanga den birti, famiri, mati èn tra sma. Sreka den a fesi tapoe na momenti dati den sa go nanga joe ini na velddienst oso-foe-oso. Sori den taki na leri sabi foe na waarheid de soso na bigin. Trawan toe moesoe leri sabi na boen njoensoe foe na Kownoekondre. — Matt. 24:14; 28:19, 20.
5 San ben taki foe na jepi foe bijbelstudi, de net so boen toe foe gebroiki te wi e jepi wi pikin. Wi wani bow na ini den wan opregti warderi gi Jehovah, en Wortoe nanga en organisaatsi sodati wi toe ben sa kan „tan hori wisrefi na a patron foe gesontoe wortoe.”