Groepoe publiki taki teki foe na njoen Schepping-boekoe
1 Ini januari nanga februari 1986 aiti publiki taki sa hori di teki foe na materiaal ini na njoen Schepping-boekoe (Mekisani-boekoe). Na a bigin foe na fosi lezing na fesiman sa taki dati disi de wan groepoe foe aiti lezing, di abi foe doe nanga makandra, èn di gron na ini na materiaal foe na boekoe disi. Gi ala sma ini na gemeente dek’ati, sosrefi toe den jongoewan, foe tjari den égi boekoe kon a den groepoe lezing disi.
2 Te a e hori a lezing na takiman sa sori go na difrenti bladzijde èn ferklari prenki di e leri sma sani èn di e jepi foe tranga en lezing. Na a kaba foe ibri lezing den sa taki san o behandel a wiki di e kon.
3 Djaso den titel foe den lezing e kon now èn den kapitel foe na Schepping-boekoe tapoe san den gron:
1 — Fa na libi ben bigin? (Kapitel 1-4)
2 -Den olo a mindri libisma nanga meti (Kapitel 5-8)
3 — Wi universum di e gi joe lespeki-frede èn na planeet grontapoe (Kapitel 9, 10)
4 — Den mekisani de kotoigi foe na koni foe Gado (Kapitel 11-13)
5 — Na wondroe foe na libisma ede-tonton (Kapitel 14)
6 — Foe san-ede wan foeroe nanga lobi Gado e gi pasi dati pina de (Kapitel 15, 16)
7 — Foe san-ede joe kan abi fertrow na ini na bijbel (Kapitel 17, 18)
8 — Kon ini aanmerking gi na paradijs di moesoe kon ete (Kapitel 19, 20)