Wan lo spesroetoe lezing di e bigin ini februari
1 Foe bigin nanga 1 februari 1983 wan lo foe féfi spesroetoe lezing e hori, di komoto foe na njoen boekoe Joe kan libi foe tégo ini wan paradijs na grontapoe. Joe moe sorgoe dati joe de drape foe kan njan boen foe ala lezing disi èn tjari den sma nanga joe di abi belangstelling.
2 Djaso den titel de foe den lezing nanga den kapitel di sa behandel:
1 — „Teki sabi ini joe foe Gado nanga Kristus” (Kap. 1-6)
2 — „Na libi foe now èn ini a ten di e kon” (Kap. 7-12).
3 — „A tiri foe Gado èn a ten di e kon gi joe” (Kap. 13-18)
4 — „Wan paradijsgrontapoe — Oten èn gi soema?” (Kap. 19-24)
5 — „San joe moe doe foe libi foe tégo?” (Kap. 25-30)
3 Ala den lezing sa de 45 minuut. Bekwaam takiman moe gebroiki. A stof moe tjari kon na krin tapoe wan logis fasi, no leki wan samenvatting ofoe wan takimakandra foe wan boekoe ma leki wan lezing. A no sa de fanowdoe foe lési paragraaf foe na boekoe, ma prakseri kan poti foe den (brada nanga sisa) tapoe prenki ofoe, eksempre di fiti na a stof èn den disi sa tjari kon tapoe na publiki. Ibri takiman sa moe sreka ensrefi boen na fesi. A moe go denki boen a fesi fa a sa tjari a stof. Na takiman moe poti krakti boen na a thema foe a lezing te a de taki foe den edeprakseri di komoto foe den kapitel di a kisi. (Loekoe Handleiding foe na Theokratis Diniwroko skoro, blz. 134-158 nanga 168-171)
4 Gemeente di de ini a birti efoe den wani kan kenki takiman na mindri makandra sodati wan takiman kan hori en lezing ini moro leki wan gemeente. Foe disi kan de so, dan na bigin datum foe na lo lezing kan djompo èn den datum kan kenki efoe dati de fanowdoe nanga kringkomakandra efoe na fisiti foe wan kringkomakandra na ini prakseri.
5 Kari sma di abi belangstelling foe makandra nanga joe kon arki na den lezing disi. Te wi e kari na tori di sa taki a wiki dati, dan foeroe tron disi sa jepi den foe si o boen a de foe de drape. Den lezing sa jepi wi alamala foe kon sabi na njoen boekoe moro boen èn foe presteri en na wan moro boen fasi ini na velddienst.