Pristeri a boen njoensoe — Ini Januari
1 Ini januari a prékiwroko nofotron e go makandra nanga spesroetoe tjalansi foe na alenweer ede. Joe sreka joesrefi a fesi foe teki na tjalansi disi?
2 Efoe a weer e kon takroe troetroe na ini januari, san joe e go doe dan foe kakafoetoe gi den omstandigheden èn fa na a fasi disi ’doe joe diniwroko dorodoro’? Fa joe e go pristeri a boen njoensoe na sma di kande e hori den feestidé wel?
NA SROTO
3 Wan boen koni foe si sani nanga wan positief fasi de den sani di de leki a sroto. Efoe a weer takroe, sreka dan boen a fesi gi na dienst foe di joe e weri joe krosi boen. Son gemeente abi gebied di fiti di kan wroko boen na ini alaten. Otogroepoe di e wroko na ini tra gebied, kan teki den regeling di fiti foe kibri den prékiman tége den sortoe weeromstandigheden dati sondro foe den lasi toemsi ten ini na velddienst. Ini son gebied a e wroko boen te joe aksi na ososma efoe joe kan kon pikinso na inisé foe kan leg na réde foe joe fisiti uit.
GI KOTOIGI NA INI JANUARI
4 Ini a moen januari foeroe sma no abi moni. Son sma kande na baka den féstidé den abi moro lostoe foe taki foe kerki afersi. Wi e doe boen efoe wi e meki boen gebroiki foe disi te wi e taki sani leki disi: „Wi kon foe si taki foeroe sma ini a pisi ten disi foe a jari spesroetoe de bezig nanga kerki afersi.” Joe ben sa kan aksi den: „Joe e denki taki den sma na ini joe birti ini a ten disi e prakseri moro mendri na Gado? [Gi okasi foe piki.] Fa dati e kon, fa joe denki?” Baka na piki foe na ososma joe ben sa kan go doro nanga joe takmakandra èn pristeri na Mekisani-boekoe.
5 Den féstidé psa now èn den skoro bigin baka, ma te now ete okasi de alaten foe prati a boen njoensoe. Owroeman sa wani foe sreka sani gi na velddienst. A boen efoe kande wi e prakseri taki efoe sonde mamanten froekoe wi e bel na den doro foe sma, kande wi e stoor sma di wani sribi moro langa. Kande a moro ferstandiki foe hori na velddienst pikinso moro lati leki san wi ben gwenti. Hori ooktoe na ini prakseri dati, efoe sma e aksi oenoe efoe wi ben abi wan switi ten nanga den féstidé a no de ferstandiki foe ati den firi foe soso na na sé foe den fasi foe prakseri foe den féstidé. Efoe den e aksi spesroetoe fa joe e prakseri foe den, joe kan piki den akroederi nanga na waarheid èn nanga respeki. Den bodoi tapoe bladzijde 138-140 foe den boekoe Tak-go-tak-kon nanga jepi foe den Boekoe sondro degedege sa de wan boen jepi gi joe.
6 Tapoe den tijdschriftdé ini januari wi abi ooktoe na okasi foe pristeri den heri moi artikel ini den januari uitgave foe Na Wachttoren nanga Ontwaakt!. Te wi e lési den tijdschrift disi èn langaten a fesi e kon sabi den artikel disi heri boen, dan wi sa kan pristeri den na wan moi fasi di e hari sma kon.
7 Nanga aladi kande na weer e gi spesroetoe problema, Jehovah pipel no sa meki dati hori den a baka foe pristeri a boen njoensoe fajafaja. Wi e howpoe foe kan doe foeroe boen na ini a dienst foe Jehovah ini a moen januari èn nanga en boen-ati taki wi feni kowroe-ati. — Matt. 25:21-23.