„Feni kowroeati gi joe sili”
1 Wan sma di e wroko tranga èn e tjari wan hebi lai, e meki moeiti foe kisi kowroe-ati nanga jepi foe wan kenki. Disi de joisti a sani foe san Jezus Kristus e gi sma wan kari. Ibriwan sma di e teki a „tjatjari” foe Jezus tapoe den èn e tron en discipel, ’e feni troetroe kowroe-ati gi en sili’. — Matt. 11:28-30.
2 Foeroe sma a mindri wi de troetroe druk nanga na sorgoe foe den ibridé fanowdoe. Ede foe osofamiri moesoe sreka eerlek sani a fesi gi den osofamiri. Heri ipi wroko e teki a ten foe osowefi. Srefi den pikin abi en druk troetroe nanga skoro, osowroko nanga tra pikinpikin krawerki. Ija, foe troe wi de wan pipel di abi en druk troetroe. San e meki wi feni kowroe-ati troetroe èn san e gi wi kolokoe? Disi no e kon foe di wi abi wan doronomo prati a den komakandra èn na a velddienst di abi waarde?
A TJATJARI FOE KRISTUS E GI KOWROE-ATI
3 A kari foe Jezus ini Matteus 11:29 wi ben sa kan tjari kon na so wan fasi na fesi: „Kon nanga mi na ondro mi tjatjari èn tron mi disipel” (Ingrisi NW-Verwijsbijbel, voetnoot). Foe na kari disi wi e kon si taki na teki foe na tjatjari foe Kristus wani taki foe libi wan libi foe gi wisrefi troetroe na Gado leki discipel foe Jezus Kristus (Matt. 16:24-26). Fa disi e gi na sili kowroe-ati dan?
4 Kowroe-ati di wi e kisi, de na a fosi presi wan inisé ondrofeni foe prisiri èn na sékerfasi dati wi leki discipel foe Kristus tanapoe na ini wan krosbé matifasi nanga Jehovah Gado. A de na vréde foe na jeje di wi sabi foe di wi sabi na waarheid èn de doeman foe na wroko (Jak. 1:25). A de wan dipi vrede na ini wi ati èn wan satisfaksifasi na ini a libi di hé moro ala prakseri di de. — Joh. 14:27; Fil. 4:6, 7.
5 Ini na kristen gemeente na theokratis gronprakseri foe makti de wan sani di wi e hori na prakseri. Disi de wan prenki taki Gado no de wan ’Gado foe broeja, ma foe vréde’ (1 Kor. 14:33). Vréde nanga orde di e gi kowroe-ati de krin foe si tapoe wi gemeente komakandra. Nanga aladi brada nanga sisa weri troetroe baka wan langa dé foe trangawroko, dan den sabi leki wan ondrofeni, taki tapoe den gemeente komakandra den o feni kowroeati. Den sabi ooktoe dati te den kon biten na tapoe den komakandra èn den abi wan boen prati na ini, den e jepi meki a vrede èn kowroeati kon gi trawan toe. — Odo 10:22; Jes. 48:17.
6 Theokratis osofamiri e gi kowroeati toe èn Jehovah e blesi den. Papa nanga mama di e poti boen prakseri tapoe den wroko, den libi nanga waka, èn den fanowdoe foe den pikin, kan bow den na jejesé nanga jepi foe wan doronomo osofamiribijbelstudi èn doronomo fisiti foe komakandra (Ef. 6:4). Papa nanga mama kan leri den pikin na ini na velddienst èn jepi den foe ondrofeni na prisiri di e kon te wi e taki nanga trawan foe na waarheid. Na fosi sonde foe a moen e gi wan heri moi okasi foe go makandra nanga na osofamiri ini na velddienst. Trowmasra nanga papa de wan fonten foe kowroeati efoe den e teki fesi ini jeje afersi (1 Kor. 11:3). Disi abi na ini toe na loekoe tapoe regeling foe soboen studi èn broskin. Trowoema nanga mama kan meki foeroe boen kon foe disi foe di den sa wroko krosbé makandra èn ori baka gi den seti disi. Theokratis orde èn kowroeati sa de na baka-pisi gi ala sma. — Ef. 5:22; 6:2, 3.
7 Nanga na waka na baka Jehovah Gado nanga Jezus Kristus, ala troe kristen e gi tra sma kowroeati nanga na waarheid èn den e sori persoonlek broko-ede gi ala sma di wroko tranga èn di e tjari wan hebi lai. Sori boiti gi joe kompe kristen taki ooktoe joe e broko ede gi den sma na ini joe gebied ofoe pe joe de toe (Matt. 5:43-45; Openb. 22:17). Abi faja ini na kristen diniwroko. Teki na kari foe Kristus èn ’feni kowroe-ati gi joe sili’.