Vréde nanga sékerfasi — Wan howpoe di joe kan bribi a tapoe
1 A moro bigi pisi foe den sma na ini a ten disi e angri foe abi vréde nanga sékerfasi. Ma troe vréde makandra nanga sékerfasi, de wan sani di a grontapoe disi no kan graboe. Miljoenmiljoen sma e libi ini kontren pe oorlog de. Boen foeroe trawan e bribi dati na froewakti tapoe vréde èn sékerfasi no de wan sani foe howpoe a tapoe foe terrorisme nanga guerrilla-feti ede. Foeroe sma e frede foe libi na oso foe den di abi hebi beveiliging baka te doengroe fadon, te ogridoe sma gersi taki den abi na makti. Troetroe weiniki sma de di e libi wan korostoe libi.
2 Na ini mei nanga juni wi ben prati foeroe exemplaar foe na boekoe Troe vréde nanga sékerfasi — Fa joe kan feni dati? Den sma di e angri foe kisi moro betre omstandigheid, e bréti nanga a boskopoe foe vréde. Leki kristensma wi e poti prakseri tapoe na gebod foe Jezus: „Pe joe e go ooktoe na ini wan oso, taki fosi: ’Vréde moe de nanga na oso disi.’ Èn efoe wan mati foe vréde de drape dan joe vréde sa rostoe tapoe en. Ma efoe a no de so, dan a sa drai kon baka na joe” (Luk. 10:5, 6). Leki sma di e teki presi gi a Gado foe vréde wi e go na sma tapoe wan fasi pe wi e lobi vréde. Den foetoe foe oenoe de srekasreka nanga na soesoe foe na boen njoensoe foe vréde. — Efese 6:15.
WAN BOEN EKSEMPRE NA INI A FETI BAKA VRÉDE
3 Efoe Jehovah pipel wani foe pristeri wan vréde boskopoe, dan a de so foe si dati den moe libi wan libi foe vréde ini a gemeenschap èn den gemeente foe den. Wi moe de eksempre foe sma di e feti baka vréde, Petrus ben skrifi en kompe kristen „foe te foe kaba foe a feni wi boen sondro flaka èn sondro doti èn ini vréde” (2 Petrus 3:14). Fa wi kan tron eksempre leki kristen di e feti baka vréde.
4 Na ini a fosi presi wi e hori vréde matifasi nanga Jehovah, na Gado foe vréde. Wi e erken en makti leki na Moro hé Soeverein èn wi e gi jesi na en komando (Psalm 34:14) Vréde, wan froktoe foe en jeje, moe de foe si ini wi libi. — Gal 5:22.
5 Na eksempre foe wi leki kristen di e feti baka vréde wani taki ooktoe dati wi abi respeki gi sma di abi makti. Disi de gi hé lantiman, onderwijzer, basi, papa nanga mama nanga owroeman (Rom. 13:1, 2; Kol. 3:22; Ef. 6:1; Hebr. 13:17). Te wi e libi wan tiri èn vréde libi dan wi e moi na boskopoe foe wi. Wi e sori dati wi „wani feti na baka den sani di meki vréde go a fesi èn den sani di e dini foe bow makandra” (Rom. 14:19). Gi wi vréde nanga sékerfasi ini wan njoen seti foe sani de wan howpoe di wi kan bribi a tapoe.
NA PRISTERI DI WI O WROKO NANGA EN NOW E MEKI VRÉDE GO A FESI
6 Ini december wi sa prati na howpoe foe wi nanga trawan foe di wi o pristeri na boekoe Troe vréde nanga sékerfasi — Fa joe kan feni dati? makandra nanga na Njoen Grontapoevertaling foe den Santa Boekoe foe wan bijdrage foe f 9,00. Foe di miljoenmiljoen sma na ini na grontapoe foe tide e hori densrefi bezig nanga na tori foe vréde èn sékerfasi, dan a pristeri disi de wan sani di de toemsi actueel.
7 Den toe fosi kapitel foe na boekoe abi toemsi moi punt foe takmakandra. Kande joe wani lési den toe fosi paragraaf tapoe bladzijde 5 gi na ososma. Ofoe joe ben sa kan sori na paragraaf 11 tapoe bladzijde 8 pe na den pramisi foe Gado di no e misi poti abrasé di foe libisma tirimakti. Loekoe ooktoe paragraaf 28 nanga 29 tapoe bladzijde 20 nanga 21. Sorgoe dati joe go fisiti baka ala sma di e sori belangstelling ofoe di teki na pristeri èn proeberi foe opo wan bijbelstudie.
8 Meki wi tan gi bodoi foe na troetroe howpoe di Jehovah, na Gado foe vréde gi na djaranti foe en na den sma di o soekoe vréde èn leri den fa a sa kon troe nanga jepi foe en kownoekondre ini anoe foe Jezus, na vrédekownoe (Jes. 9:6, 7). Meki na eksempre foe wi foe wan vréde libifasi tan rikomanderi oenoe leki kristen di o „soekoe vréde èn e feti baka dati”. — 1 Petr. 3:10, 11.