Troe vréde nanga sékerfasi
1 Na tapoe wi „Sma di e kibri den soifri retifasi”-kongres foe na bigi dréten di psa ben meki bekenti dati na ini april nanga mei na boekoe Troe vrede nanga sékerfasi — Fa joe kan feni dati? ben sa gebroiki na ini na velddienst. Na tapoe a fasi disi wan toemsi bigi prijse singi ben sa opo na a heri grontapoe go na Yehovah, „na Gado di e gi vréde”, èn na en Manpikin, „na Vrede kownoe”. — Rom. 15:33; Jes. 9:6.
2 A de troetroe wan sani di fiti dati wi sa kan pristeri na boekoe disi na ini a ten di den Verenigde Naatsi kari „na internationale jari foe vrede”! Foeroe sma e broko den ede nanga a tori foe troe vrede nanga sékerfasi. Son sma e ferwakti dati den Verenigde Naatsi sa meki disi doe kon. Ma Jehovah dienstknegti e sabi dati Gado kownoekondre na ini anoe foe Kristus Jezus de na wroko-sani di Jehovah sa gebroiki foe tjari troe vrede nanga sékerfasi kon.
3 Ma no loekoe psa na sani disi dati na ini a sani di, taki na tapoe a kongres wan warskow ben gi ooktoe, namkoe dati wi no e taki dati na sani san den Verenigde Naatsi taki foe 1986 de na kon troe foe 1 Thessalonika 5:5, pe tanapoe: „Te den e taki: ’Vrede nanga sékerfasi’ dan wan pori wantronso na ini wan momenti sa kon a tapoe den.” Wi no sabi o langa Jehovah sa gi den naatsi pasi foe doe wroko gi vrede nanga sékerfasi, ma na sani di taki kan de wan stap di kan wani taki wan sani èn di kan tjari moro sani kon omoro wi e doro na „bigi benawtoe”. — Matt. 24:21.
SREKA JOESREFI NA TAPOE A PRISTERI FOE A BOEKOE
4 Bifo na veldtocht na ini april nanga mei e bigin, dan wi moe lési pisi foe na Troe vréde-boekoe so dati wi sabi san tanapoe ini algemeen na ini. Efoe wi lési na stof foe den toe fosi kapitel, dan sondro degedege wi sa miti nanga toemsi moi punt di wi kan gebroiki ini na pristeri foe na boekoe na ini april nanga mei.
5 Baka te wi taki tori foe takmakandra nanga wan oso sma, wi ben kan taki: „Na kolokoe tamara disi foe troe vrede nanga sékerfasi de boen krosbé. Mi abi wan boekoe na mi foe a tori disi di abi na prakseri foe sma. Loekoe pikinso na kommentaar disi na ini na fosi paragraaf foe na boekoe.” Wi kan lési paragraaf wan èn dan go moro fara: „Na prenki dja na a bigin foe na kapitel o meki oen si fa wan sma di e teken e si na grontapoe paradijs. Joe no ben sa feni en wan moi sani foe libi na so wan fasi nanga joe lobiwan na ini so wan birti foe vrede nanga sékerfasi? [Gi na oso sma okasi foe piki.] Na boekoe disi sa jepi joe foe ferstan fa joe kan feni so wan sortoe vréde nanga sékerfasi; a boekoe e kostoe soso f1,00.”
6 Gi wan tra pristeri wi ben sa kan naki bladzijde 19 opo èn taki baka te wi ben lési Openbaring 21:3, 4: „Djaso wan moi paragraaf tanapoe di e sori krin omeni wi abi na kolokoe tamara di Gado pramisi fanowdoe.” Baka te wi ben lési paragraaf 24, wi ben kan taki moro fara: „Loekoe pikinso ooktoe na prakseri na ini paragraaf 28 na tapoe na tra bladzijde. [Lési na paragraaf] Na boekoe disi ben tjari kon na doro foe jepi joe foe leri sabi a loesoe foe Gado gi den problema foe a grontapoe èn foe ferstan moro betre san a ten di e kon wani taki. Foe f2,00 a de foe joe.”
7 Go spesroetoe baka na sma di a fesi kaba ben sori pikinso belangstelling èn pristeri den a boekoe disi. Kande wi e feni en wan sani di fiti foe memre na ososma na a takmakandra di joe ben abi kaba foe na njoen seti di Gado pramisi èn foe taki moro fara taki wi abi wan boekoe pe e tjari kon na krin san wi moe doe foe feni troe vréde nanga sékerfasi. Wi ben kan naki bladzijde 91 opo, kan lési paragraaf 12 èn kan taki moro fara: „San de moro ete fanowdoe foe de séker foe tan a libi? A boekoe disi e gi foe bigin dja bodoi foe den sani di Gado e aksi. Wi e pristeri en foe wan bijdrage foe f2,00”.
8 A boekoe disi de ooktoe wan toemsi moi publikatie, foe libi en na baka gi sma di na ini a ten di psa ben studeri nanga wi, ma di te now ete no ben teki na sé foe Jehovah. Wi ben sa kan lési paragraaf 1 tapoe bladzijde 175 èn moro fara ben kan sori a tapoe dati a boekoe sa jepi den foe si fa den moe teki na joisti sé now foe feni vréde nanga sékerfasi.
9 Meki wi meki plan now foe pristeri na boekoe Troe vrede nanga sékerfasi — Fa joe kan en? na ini na spesroetoe veldtocht na ini april nanga mei. Dan wi sa jepi trawan foe feni na troe vrede nanga sékerfasi di komoto foe „na Gado di e gi vrede”. — Rom. 16:20.