Teki ala wiki prati na a diniwroko, e gi moro prisiri
1 „Wi no kan tapoe foe taki foe den sani di wi ben si èn jere” (Tori foe den Apostel 4:20). Den wortoe disi foe den apostel Petrus nanga Johannes ben tjari kon na krin dati na préki foe na boen njoensoe ben de wan toemsi prenspari pisi foe den libi. Foe ala den apostel a bijbeltori e ferteri wi: „Sondro foe stop ibridé den tan foe leri na ini na tempel èn foe oso-na oso èn meki na boen njoensoe foe na Kristus, Jezus, bekenti.” — Tori foe den Apostel 5:42.
2 Na faja disi nanga san a boen njoensoe ben meki bekenti, èn di ben tan go dorodoro, ben de ooktoe wan marki foe na apostel Paulus, bika „ala sabat a ben abi na gwenti foe hori wan lezing na ini na synagoge èn hari den djoe nanga den Griki kon na en sé” (Tori foe den Apostel 18:4). Srefi di a ben de leki straf’man ini en égi oso pe sma ben hori wakti gi en, a ben abi na gwenti foe préki doronomo èn gi leri foe na boen njoensoe foe na kownoekondre. — Tori foe den Apostel 28:30, 31.
3 Teki doronomo wan prati na a boen njoensoe ben gi wi brada nanga sisa na ini a fosi jarihondro foeroe blesi èn prisiri. Sonwan di sma ben si leki sma di no ben kisi leri èn gewoon sma, ben kon kisi a fasi foe taki fri èn sondro foe frede nanga bekwaamfasi foedi den ben waka baka Jezus na ini den fasi foe taki (Tori foe den Apostel 4:13). Fa a ben moesoe gi den prisiri foe sabi dati a gi leri foe den ben wani taki ferloesoe gi foeroe reti-ati sma!
NJANBOEN FOE DEN ALA-WIKI VELDDIENST SETI
4 Wan schema foe de ala wiki doronomo na ini a dienst, kan jepi joe foe kisi den sortoe blesi disi. Na tapoe wi kalender na fosi sondoe èn so ooktoe di foe toe èn fo satra foe ala moen den e poti prakseri a tapoe leki spesroetoe dé gi na velddienst. Joe e hori joesrefi na a schema disi? Te joe e doe disi èn poti ete wan weekend kon moksi nanga disi, dan ala wiki joe ben sa abi wan foeroe nanga prisiri prati na a velddienst. Foeroe seti den afersi na sowan fasi dati a winsi fa-a-no-fa ala weekend den e go na ini a dienst. Den gemeente e seti sani ala satra nanga sonde gi velddienstkomakandra. Foeroe gemeente orga velddienstactie na mindri wiki.
5 Efoe joe no e teki doronomo prati na a diniwroko tapoe na fosi sonde èn di foe toe èn na di foe fo satra foe na moen, foe san-ede joe no sa poti disi leki wan marki èn na sowan fasi proeberi foe abi wan prati na a diniwroko ala wiki? Joe boekstudieleider nanga prisiri sa gi joe a jepi di de fanowdoe foe seti wan praktis schema dati fiti joe persoonlek omstandigheid. Hori na ini prakseri dati na boen njoensoe ’moe préki’ na ini ala natie (Markus 13:10). Soboen foe san-ede joe no ben sa loekoe den rai di gi djaso na ondro begi sodati joe ooktoe kan teki prati ala wiki na a prenspari wroko disi?
BLESI DI JOE KAN KISI
6 Kande joe no man abi sowan bigi prati na a préki foe a boen njoensoe leki den pionier. Ma efoe joe go ala wiki doronomo na ini a dienst, dan a diniwroko foe joe sa kon moro boen èn joe prisiri na sowan fasi sa kon moro bigi. Di Jezus ben seni den sébitenti sma go na doro, ’den ben drai kon baka foeroe nanga prisiri’ èn ben ferteri den ondrofenitori (Lukas 10:17). Srefi na ondro moeilek omstandigheid a teki foeroelési prati na a prékiwroko kan meki joe prisiri kon moro foeroe.
7 Ala sma e kisi dek’ati foe poti ten na wan sé foe ala wiki den kan prati a boen njoensoe nanga trawan. Te joe e doe disi, dan joe bewaamfasi leki wan leriman sa kon moro bigi èn joe prisiri sa kon moro bigi, èn ala disi foe na glori èn grani foe Jehovah.