Meki ten gi na velddienst
1 Troe kristen alaten abi foeroe foe doe (1 Kor. 15:58). A ten foe wi foeroe sani e teki en abra. Foe dat’ede a de fanowdoe foe doe ala wi ferprekti a wan boen fasi. Foe dat’ede spesroetoe sorgoe nanga prakseri moesoe gi na wi préki ferprekti, sodati wi kan de séker taki wi kan doe wi diniwroko dorodoro. — 2 Timotéus 4:5.
2 Foe kan jepi wi foe seti wi ten, dan bepaalde dé de ini a moen leki spesroetoe velddienstdé. Den dé disi tanapoe na tapoe wi kalender. Den de na fosi sonde nanga na di foe toe èn di foe fo satra foe ibri moen. Gi den sma di kande de ongeregeld ofoe inactief, a kan de wan sani di e gi dek’ati, efoe den kisi na kari foe go nanga wi na den spesroetoe dé disi di poti gi na dienst. Foeroe sma e gebroiki na fosi sonde foe na moen leki wan dé pe na heri osofamiri e abi wan prati na a préki foe na kownoekondre.
3 Ooktoe a ben sa de boen te na di foe toe nanga na di foe fo satra foe a moen ben sa kisi spesroetoe prakseri. Ala di prékiman de di kande abi na mogelekheid foe meki ibri satra de wan tijdschriftdé a Genootschap e gi wi dek’ati foe doe spesroetoe moeiti foe de na tapoe ala toe dé foe na tijdschriftwroko. Te wi teki den toe spesroetoe tijdschriftdé disi na ini wi schema dan a sa de wan troetroe sani dati wi sa teki aladé prati na ini a panja foe tijdschrift. A boen di sa kon te wi e teki alaten prati na a tijdschriftwroko wi no moe teki leki wan soso sani.
4 Te wi de bezig nanga na tijdschriftwroko, dan wi moe erken taki tra sma abi en druk ooktoe. Den satra nofotron sma e gebroiki foe doe pikinpikin sani na oso ofoe go doe boskopoe. A de foe dat’ede wani sani di fiti foe gebroiki sjatoe pristeri di e wiki na belangstelling foe na sma gi wan bepaalde artikel. Na prenspari marki foe wi moe de foe kisi den tijdschrift nanga na boskopoe foe libi di den abi na ini na oso foe sma di de na wi sé. Wi kan go wan tra lési baka foe taki go moro dipi nanga na ososma, ma a fosi fisiti foe wi moe de sjatoe èn let tap a tori. Te na ososma sori wan aparti belangstelling, dan a no de foe taki taki akroederi nanga dati wi moe gi wan kotoigi èn seti sani foe kon baka.
POTI MARKI A JOE FESI DI JOE WANI DORO
5 Foe de wan jepi gi joe moro fara, joe ben meki wan boen seti foe joe ten leki wan marki di joe poti na joe fesi? Te joe poti persoonlek na joe fesi foe gi moro ten na joe diniwroko, prati moro boekoe ofoe meki moro boen gobaka, dan joe sa kisi jepi foe poti bepaalde sani a fesi foe wan trawan. Disi kan wani taki wan toe activiteit di no de so prenspari sa moe poti na wan sé. Den winimarki di e kon foe disi, e meki na ten nanga moeiti di de fanowdoe foe doro den marki di wi ben poti na wi fesi kon boen srefsrefi. No wawan wi sa kisi na firi taki wi ben doe wan sani èn wi sa kisi satisfaksi, ma san de moro prenspari, na dati wi sa poti den kownoekondre afersi na a fosi presi. — Matt. 6:33.
6 Na ini wi libi leki troe kristen na grani di wi abi foe préki na boen njoensoe, e teki na moro prenspari presi. Foe dat’ede meki ibridé foe na wiki di boen kan de wan dé di wi e poti spesroetoe na wan sé gi na prékiwroko èn di wi kan poti na tapoe wi schema foe a réde dati. Foeroe sma abi ibri satra nanga sonde na tapoe na schema foe den gi na dienst èn dati boen. Ma trawan kande no man foe doe dati. Ma te na fosi sonde nanga na di foe toe èn a di foe fo satra foe na moen poti leki spesroetoe velddienstdé na wan sé, toe sa abi wan definitief minimum foe ala moen velddienst.
7 „Na ten di libi abra kon sjatoe” (1 Korintesma 7:29). Foe di disi de so meki a libi foe wi foeroe nanga kristen wroko. Foe kan doro a marki disi meki a ten di wi e gi na a prékiwroko, moe de na tapoe na lijst foe sani di wi e poti a fesi foe trawan. Disi e gi wi na djaranti taki wi kan tan abi wan gesontoe èn boen prati na a diniwroko.