Den blesi foe na dini foe Jehovah
1 „Loekoe! O boen èn o switi a de te brada e libi makandra na ini wánfasi!” (Ps. 133:1) San wi ben doe na ini na dienstjari di psa now na jeje sé, e sori taki disi de so. Foeroe réde de foe wi gebroiki den wortoe disi foe na psalmsingiman. Meki wi go loekoe wantoe foe den.
BLESI DI WI BEN ONDROFENI
2 Fersfers na ini wi prakseri de ete na „Kownoekondregro”-districtskongres. Na programma meki wi warderi kon moro bigi gi na grani foe kan libi ini a ten disi foe kownoekondregro. A de krin taki Jehovah e meki wan toemsi bigi wroko e doe nownow èn wi ben kisi na dek’ati foe teki wan volledig prati na ini (Neh. 6:16). Wi wani gebroiki den heri boen rai di wi kisi na tapoe na congres, ini praktijk. Disi sa gi wi tranga foe moeilek ten di de na wi fesi.
3 Ete wan sé foe na dinijari di psa di e gi dek’ati, ben de na faja nanga san foeroe ben poti densrefi gi na pionierdienst, soleki fa na rapport foe april ben e taki. Ini a moen dati 255 pionier ben de, jepi pionier nanga spesroetoe pionier de na ini toe, dati ben de 25 procent foe na totaal nomroe prékiman foe wi. Den pionier ben meki rapport foe 17.209 joeroe foe den 25.963 velddienstjoeroe, sowan 65 procent foe na totale nomroe joeroe. Troetroe wan heri moi prijse singi!
4 Den rapport e sori toe taki foeroe prékiman di fadon go na ini inactiviteit, ben kisi jepi foe kon de actief baka èn dati trawan ben si na fanowdoe foe go moro geregeld na ini na velddienst. Joe sabi trawan di joe kan gi dek’ati ete èn joe kan jepi den? Efoe disi de so dan wi wani gi joe na rai foe taki foe disi nanga joe boekoestudieleider noso wan tra owroeman.
PERSOONLEK MARKI
5 Jehovah e tjari sani now gawgaw go miti wan hémarki, bifo na bigi benawtoe loesoe kon. Disi e poti wan marki foe tranga fanowdoe na na wroko foe wi èn a pasi di ben seti gi wi de krin foe si. Foe dat’ede a no ben sa de boen gi wi foe loekoe wi persoonleke situwasi èn poti gi wisrefi ini a dinijari 1985 marki di warti ala moeiti? Foeroe ben feni disi heri boen foe den kan poti den prakseri moro tranga tapoe den sani di den ben sa wani foe doe.
6 Joe sa kan sreka sani na sowan fasi taki na ini na dinijari 1985 joe ben sa kan go na ini na jepi pionierdienst? A moen december 1984 èn ooktoe den moen maart nanga juni 1985 alamala abi féfi satra nanga féfi sonde. Augustus abi féfi satra. Joe ben sa kan de ini na jepi pionierdienst ini wan noso moro foe den moen disi? Noso disi de na jari na ini san kande joe kan sroiti joesrefi na ini den rij foe den gewone pionier? Go prakseri disi pikinso na ondro begi.
7 O moro wi prati na ini na velddienst e kon moro bigi, wi moesoe meki foeroe moeiti foe meki na kwaliteit foe wi dienst kon moro betre. A jari di psa november wi ben bigin nanga wan serie artikel ini Wi Kownoekondredienst, nanga titel „Meki wi leri bekwaamheid kon moro betre”. Foe san-ede joe no sa lési den artikel disi baka èn skrifi wantoe ede prakseri? Joe ben sa kan poti den na ini joe bijbel leki wan pikin jepi foe memre joe.
8 Bigin wan njoen bijbelstudie sa de wan sani di de foe prijse toe foe wroko na en. Begi foe kisi wan èn wroko na en. Tan poti joe prakseri tapoe den sma di ben teki boekoe noso na a wan noso tra fasi ben sori belangstellling. Te joe e bigin wan bijbelstudie poti dan wantenwanten na prakseri tapoe na organisaatsi foe Jehovah. — Loekoe bladzijde 93 nanga 94 foe na Wi diniwroko-boekoe.
9 Joe abi wan boen schema foe persoonlek studie? Disi de fanowdoe foe kan kakafoetoe gi den moeiti foe Satan foe broko wi bribi. Son sma e feni taki a e wroko boen foe opo mamanten froekoe èn lési pikinso, te a de tiri ete èn den e firi densrefi switi ete. Trawan ben poti bepaalde neti ini na wiki na wan sé foe studie. Awansi sortoe schema joe abi no gi okasi taki tra belang noso wroko kon a mindri. Efoe te nanga now joe ben feni en hebi foe meki wan schema foe studie, foe san-ede joe no e meki moeiti foe kon kisi na gwenti, foe meki wan schema foe studeri den njoen boekoe di ben komoto na doro tapoe na districtscongres?
10 Foe sani kan waka boen gi joe nanga den marki foe joe persoonlek di joe ben poti gi joesrefi, joe sa moesoe tjari bepaalde ofrandi. Meki theocratis regeling teki na fosi presi ini wi libi bikasi a grontapoe e „psa gwe” (1 Joh. 2:17). Efoe wi e loekoe go na baka tapoe na dinijari di psa now èn e loekoe na fesi ini na dinijari di bigin njoennjoen now, meki wi abi na faste bosroiti foe gi wi boen krakti. — Lési Filipisma 3:16.