Bigin a dienstjari 1984 boen
1 „Wan jari san ini foeroe sani ben doe na jeje fasi! Fa disi de wan moi fasi foe skrifi foe a jari 1983. Heri esi wi sa kan prisiri nanga a bericht foe heri grontapoe ini a Jariboekoe foe 1984. Ma fa a de nanga den persoonlek marki foe joe? Joe miti den? A jari 1983 ben de wan jari ini san joe ben doe sani na jeje fasi? Wan sjatoe loekoebaka na den theocratis activiteit foe joe ini 1983 kande kan jepi joe foe feti njoen agen baka wan jari foe activiteit di e gi prisiri. — 1 Kor. 9:26; om, blz. 118-120.
2 Foe den bericht di kon inisé e kon na krin dati foeroe foe wi ben doro den persoonlek marki ini 1983. Sonwan meki den nen skrifi na tapoe a Theocratis diniwrokoskoro, trawan go fostron ini a prékiwroko, ofoe den bigin den fosi bijbelstudi. Trawan tron pionier ofoe den kisi kari foe tron speciaal pionier. Sonwan ben kisi na aanstelling leki dinari ini a diniwroko èn trawan leki owroeman. Ala den sani disi e gi prisiri èn den e prisi Jehovah. Ma kande wan toe persoonlek marki de di joe no ben man miti. Kande sani di joe no ben man foe si na fesi ben tapoe joe. No meki dati meki joe lasi ati. Kande joe man foe miti den marki disi na ini a dienstjari 1984.
WI PERSOONLEK MARKI
3 Joe ben man foe tanapoe ini a jepipionier-wroko na ini a jari 1983? A sa man foe joe poti dati leki marki ini a jari 1984? Wan sjatoe loekoe tapoe na kalender sa jepi joe foe meki plan na fesi. Joe si foe eksempre dati fo moen de nanga féfi satra? Sosrefi toe fo moen de nanga féfi sonde. September nanga december abi srefi féfi heri weekeinde! Efoe joe abi a satra nanga a sonde fri foe na prékiwroko, dan joe sa man foe meki foeroe foe den joeroe di joe abi leki marki efoe den dé dati joe e wroko ini na velddienst so foeroe leki joe kan. Srefi efoe joe no kan gi joe nen leki gewoon pionier ofoe leki jepipionier, kande joe kan gi moro joeroe ini a velddienst èn meki na kwaliteit foe en kon moro boen.
4 Joe lési den boekoe di ben kon na doro tapoe na „Kownoekondre wánfasi”-districtcongres, kaba? Èn fa a de nanga Oen diniwrokoboekoe? Joe lési èn joe doe den rai di gi ini joe diniwroko? Joe ben man foe ori a bijbellésiprogramma foe 1983 bij? Wan boen studischema sa jepi foe abi wan moro betre prati na den komakandra. Foe san-ede joe no sa poti den marki disi gi joesrefi foe a jari 1984? Na jeje fasi a sa tjari boen gi joe efoe joe man miti den. — Ps. 1:2.
5 Sosrefi toe a fisiti foe na gemeenteboekoestudi de wan prenspari pisi foe na anbegi. Ini januari 1984 wi e go studeri na Tégo libi boekoe na ini Sranan Tongo. Efoe wi e go alatron tapoe na komakandra disi, oen prisiri sa kon moro bigi te wi e pristeri a boekoe na ala sma di abi belangstelling. Wan tra marki gi iniwan foe oenoe moe de, foe opo studi nanga jepi foe a boekoe disi.
OSOFAMIRI-MARKI
6 Wánfasi ini a osofamiri de wan toemsi warti sani ini Jehovah ai. Disi e kisi krakti te osofamiri e ori den theocratis activiteit èn e feti makandra foe kisi gemeenschappelek marki. Oten ben de a laatste tron di joe go makandra nanga joe trowpatna oso na oso? Joe man poti wan moen na wan sé pe na heri osofamiri kan tanapoe ini a jepipionierwroko ofoe gi moro ten na a prékiwroko? Joe e poti ala moen wan pikin ten na wan sé foe go makandra leki osofamiri ini a prékiwroko? Den di e doe so, e ondrofeni bigi prisiri, foe di den e tai kon moro stéfi na wan na ini a dini foe Jehovah.
7 Joe ben abi na ini 1983 wan geregeld osofamiristudi? Ala sma e wroko makandra na a sani dati di seti? Ala den memre foe na osofamiri e go geregeld ala wiki na ini a prékiwroko? Sowan sa poti disi gi densrefi leki wan marki na ini 1984.
8 A feti a baka na kisi foe tra marki sosrefi toe kan meki na wanfasi ini a osofamiri kon moro stéfi. Den kringkomakandra e gi den memre foe na oso-famiri wan boen okasi foe wroko makandra ini a Friwanidienst. Ooktoe someni sani de foe doe foe ondrow na Kownoe-kondre-komakandrapresi. Den owroeman sa sori joe nanga prisiri fasi fa joe kan jepi.
9 Wi kan de séker dati Jehovah sa bréti te wi e feti a baka a kisi foe jeje marki. Kande foe bigin, joe kan teki gi joesrefi toe ofoe dri foe den marki di kari na tapsé. Te joe miti den dati, dan joe kan feti a baka foe miti trawan. Teki a faste bosroiti foe tan go moro na fesi na ini a jari 1984.