Poti persoonlek marki gi na nyun dienstyari
1 Yu de koloku nanga den sani di yu e du na yeye sei? A bun fu tan go na fesi na yeye sei, ma disi e aksi muiti. Poti marki gi wi srefi nanga gi wi osofamiri de wan yepi. Wan marki di wi poti fu doro na wan kabapunt pe yu e poti yu muiti go. Fu prisiri Yehovah dan wi marki mu de ini akruderi nanga en wani. Fu dat’ede meki wi e suku fu kisi na denki fu Yehovah èn wi e feti na baka theokratis marki, net soleki Yesus (Yoh. 17:4). Na so fasi wi sa feni furu prisiri nanga satisfaksi na ini wi libi fu dienst gi Yehovah. — Joh. 15:10, 11.
2 Sortu marki ini na tori fu na meki go na fesi fu den Kownukondre belang yu ben doro na ini na dienstyari di pasa? Dati furu sma ben doro na marki di den ben poti wi kan si na ini na nomru fu sma di ben teki dopu. Ooktu tintindusun ben teki na yepi- nanga gewoon pionierdienst tapu den. Bun furu sma ben seti sani fu dini pe na fanowdu de moro bigi. Wantu brada ben doro wan persoonlek marki di den ben kisi na kari fu go na Gileadskoro, Bethel ofu (na ini wan tu kondre) na bedinari-opleiding-skoro.
MARKI DI BEN SA KAN WEG-GO-KON
3 Marki de di fiti èn di de fu yu kan doro den? Gi nyun sma fu go na fesi na yeye sei, dan regelmatig fisiti fu komakandra èn a teki prati na a theokratis dini-wrokoskoro ben sa de tumsi moi marki. Efu yu no e gi regelmatig kommentaar tapu den komakandra dan fu san-ede yu no ben sa poti dati leki wan marki? Tra sma kan nyan bun fu yu studi nanga ondrosukuwroko, èn yu eigi anu tapu na waarheid sa kon moro steifi. — Hebrewsma 10:24, 25.
4 Den feni yu bun fu teki prati na a velddienst? Yu e du dati regelmatig? Yu e leisi den nyun publikatie te den kon, sodati yu kan hori na srefi futu nanga na tumsi moi leri fu na getrow srafu? Efu yu doro den marki dati kaba, dan gi yusrefi abra èn dopu no ben sa de marki di fiti fu wegi-gokon?
5 Yu e lei wan bijbelstudi? Yu ben begi fu kisi yepi fu opo wan? Yu ben tyari gobaka fayafaya èn na sma di abi belangstelling di yu ben miti ben pristeri fu studeri nanga en? Efu wan sma di yu e studeri nanga en bun nofo fu teki prati na a velddienst, yu e lei en op na ini na diniwroko?
6 Yu ben poti gi ibri mun wan yurumarki? Ofu yu ben proberi na yepipionierdienst? Kande yu de srefi na ini na okasi fu bigin nanga na gewoon pionierdienst èn fu prati ibri mun 90 yuru na bun nyunsu nanga trawan. Te na ten sa doro dan yu sa abi na prisiri fu kisi na spesrutu opleiding tapu na pionierskoro. Den brada ben sa mu feti a baka na grani fu dini leki dinari na ini na diniwroko èn owruman. — 1 Tim. 3:1.
7 Den persoonlek marki di wi e poti na wi fesi mu tyari wi kon moro krosbei na Yehovah èn yepi wi fu du en wani moro bun. Paulus ben taki taki ’a ben frigiti den sani di ben de na en baka èn ben langa ensrefi go na den sani di ben de na en fesi’. A ben gi wi dek’ati fu abi wan positief yeyefasi fu na sei fu theokratis sabi, sodati „na ini na marki di wi ben go na fesi”, wi ben sa „go doro fu waka ordelek na ini na srefi routine”. — Fil. 3:13, 16.