Oen jongoewan — Feti na baka warti marki
1 San den marki ini joe libi? Foeroe jongoewan no abi nowan jeje marki. Ma a no boen foe poti jeje marki na joe fesi èn foe doro den nanga winimarki.
2 Foeroe foe den jongoewan foe wi ben kon si fa a de wan soso sani foe feti na baka marki foe soekoe goedoe na skinfasi, ondro san ooktoe na waka na waka na baka wan moro hé grontapoe opleiding de. Den kon na a bosroiti, dati den sortoe marki disi no de warti foe teki na risico foe den kefar di ben sa kon èn di den ben sa kan poti densrefi na ini. San joe e tron ini a grontapoe kan de leki wini gi joe so langa a seti foe sani disi e tan èn a hari go esesi now na en troetroe kaba. Ma theokratis marki di joe e feti na baka ondro na leti foe Gado, sa gi now persoonlek satisfaksi èn te foe kaba tjari joe go na tego libi.
THEOKRATIS MARKI
3 Oenoe leki jongoe sma na ini ten disi e waka soekoe warti sani? Ini Odo 2:1-5 na rai e gi na wi ’foe feni na sabi foe Gado’. Joe no kan ferwakti noiti foe kisi sabi foe Gado efoe joe no studeri en Wortoe. Nanga jepi foe geregelde persoonlek studi joe e meki na materiaal foe bijbel di meki foe tjari joe kon moro krosbé na Jehovah, go moro dipi ini joe froestan èn joe ati. Joe sa leri moro èn hori moro na joe ede. Nanga disi joe sa kisi na jepi foe de srekasreka moro boen foe teki bosroiti te joe kon tanapoe na fesi moro prenspari afersi. Efoe joe poti joesrefi a tapoe, dan no wawan joe lési bekwaamheid e kon moro boen, ma ooktoe a gebroiki foe na tongo èn na maksin foe wortoe.
4 Ala disi joe no kan kisi na ini wan dé. Meki jeje lepi-fasi gro e aksi ten nanga pasensi. Ma efoe joe e poti persoonlek marki na joe fesi èn e go doro-nomo a fesi, dan joe kan kisi jeje lepi-fasi.
5 Joe e feti na baka kristen dienst grani? Joe abi wan persoonlek marki foe gi ibri wiki wan bepaalde hoeveelheid ten na a oso-foe-oso wroko? Joe e proeberi foe tron wan bekwaam leriman na tapoe gobaka nanga osobijbelstudi? Son sma di de ete na skoro, ben poti ibri jari leki marki foe de wan ofoe moro vakantie na ini na jepi-pionierdienst.
6 San de den marki foe joe foe na krosbé ten di e kon? San foe eksempre joe wani doro na a tra jari èn a jari a baka? Joe poti leki marki foe tron wan gewone-pionier bedinari?
7 Efoe joe de wan jongoe brada, joe e feti na baka a grani foe dini leki dinari na ini a diniwroko èn te a ten doro foe dati foe tron owroeman? Te joe poti faste marki èn tapoe wan joisti fasi e proeberi foe doro den dan joe kan abi wan libi di abi moro warde.
8 Hori na ini prakseri dati son gemeente owroeman, kring-nanga district-opziener, zendeling nanga sma tapoe Bethel ben de wan dé jongoe sma ini na waarheid. Ma den ben doe den moeiti èn ben gro ini sabi èn ini waarheid foe dini brada nanga sisa foe den. Na eksempre foe den na ini faja èn san den doe, moe gi joe dek’ati foe meki wan boen gebroiki foe na ten di joe abi ini joe jongoe jari.
9 Marki moe de praktis èn moe seti so dati joe ken doro den. Ala sma de na skinfasi, na froestan èn na den firi foe den tra fasi. Ooktoe difrenti fase de foe jeje gro. No ferwakti foe dat’ede foe doro wan sani soso foe di wan tra sma man foe doe dati.
10 Joe kan abi na overtoigi dati joe e meki Jehovah de kolokoe efoe joe e feti na baka jeje marki. Efoe joe e proeberi foe doro den marki disi èn joe e man foe doro den, doe dati dan nanga faste bosroiti foe gi a moro boen pisi foe joesrefi. A de warti den moeiti foe joe èn a sa meki dati now èn ini den jari di e kon joe kisi blesi foeroe. — Fil. 4:13.