Sori warderi gi na pionierdienst
1 Jezus ben gi en discipel na dek’ati: „Begi na Masra foe na kotiwroko dati a seni wrokoman go ini en kotiwroko” (Matt. 9:37, 38). Son sma e sori taki den e ferstan a fanowdoe foe disi foe di den e doe moro na ini a prékiwroko. Na ini Sranankondre wi ben abi kaba na ini november 1985 wan hémarki foe 48 gewoon pionier èn ini april 1985 joe ben abi sowan 317 jepipionier. Ala moen njoen pionier e kon a tapoe èn den toe e ondrofeni den winimarki èn blesi di na moro bigi activiteit disi e tjari kon.
2 San de wan toe foe den blesi di den sma e kisi di kan meki a prati foe den kon moro bigi na a diniwroko, sodati den kan pionier? Foe go denki èn taki aladé foe a Wortoe foe Gado, de kaba wan aparti winimarki. Dati den e tjari a ten di den gi na ini a velddienst go doro te sowan 90 joeroe, ben abi ini algemeen a bakapisi dati den e miti moro sma di abi belangstelling, e prati moro boekoe, e tjari moro go-baka èn e opo moro osobijbelstudie. Disi wani taki dati den e gi moro na jejefasi, èn e jepi moro sma foe leri sabi a waarheid èn tron discipel foe Jezus Kristus. Ete wan blesi foe na pionierwroko de, dati wan sma e kon moro kolokoe nanga dati. — Tori 20:35.
GI DEK’ATI NA DEN PIONIER
3 A no ala sma man foe pionier, ma wi alamala moe sori warderi gi na pionierdienst èn moe gi dek’ati èn hori baka gi den sma di ben teki a toemsi prenspari wroko disi a den tapoe. Fa wi kan doe disi? Wi kan seti sani foe wroko makandra nanga den pionier ini na oso-foe-oso diniwroko èn pristeri foe tjari makandra nanga den gobaka. Pionier nofotron no abi nowan sma foe wroko nanga den makandra na bakadina. Joe kan meki ten fri na bakadina gi na prékiwroko ini na schema foe joe sodati joe kan wroko makandra nanga den pionier?
4 Dek’ati nanga moreel jepi de prenspari. Wan opziener di e waka loekoe den gemeente, ben ferteri dati a no ala sma ben e gi dek’ati ini den wortoe di den ben taki gi pionier. Joe moe warderi foeroe na prensparifasi foe na pionierdienst èn sori warderi gi den sma di ben kan seti den afersi so dati den kan abi wan prati na a tak foe dienst disi. Wi alamala moesoe tan meki wi égi lobi gi na velddienst èn gi na pionierdienst kon moro tranga.
5 Den sma di de kaba na ini na pionierdienst, kan sori dati den e warderi a grani foe den troetroe foe di den e span densrefi tranga na ini Jehovah wroko (Luk. 13:24). Wan marki foe joeroe de di wan sma moe doro. Nofotron ofrandi moe tjari foe wan sma persoon foe kan tan doe a wroko (Hebr. 13:15). Efoe wan sma wani tan tranga na jejefasi, dan a de fanowdoe foe tan hori asrefi tempo nanga a jeje njanjan di na getrow èn koni srafoe e gi. Ala disi e aksi bigi moeiti nanga wan boen planning, soleki pionier di sani e waka boen nanga den e ferteri.
6 Na apostel Paulus ben ferklari dati na „heri meki-wroko te nanga now ala joeroe e geme èn makandra e njan pina”. Na ini a ten disi na geme disi e doro wan hémarki (Rom. 8:22; 2 Tim. 3:1). Ma sonwan foe den sma disi nanga ala prisiri wani jere na Kownoekondreboskopoe disi. Foe di den e broko den ede nanga a tan boen foe den èn foe di a ten kon boen fara kaba meki ala memre foe a pipel foe Jehovah di kan meki presi gi na pionierwroko moe go wegi go-kon sondro foe meki spotoe na dienst disi foe kan teki en na en tapoe. Joe kan doe disi? Na moen april e gi wan moi okasi foe doro na marki foe joeroe foe na jepipionierdienst. Efoe joe kan seti en so dati na ini april èn mei joe kan de wan jepi-pionier, dan a sa gi joe wan boen tesi san pionierwroko de now troetroe èn joe sa ondrofeni Jehovah blesi di e kon moro foeroe tapoe den moeiti foe joe. — Psalm 34:8
7 Te wi e poti den Kownoekondre-afersi a tapoe a fosi presi èn nanga ala san wi kan e teki prati alaten èn dorodoro na a velddienst, dan wi e sori wi warderi gi Jehovah wroko, èn ooktoe gi na pionierdienst.