Wan gro di e go doro e meki a de fanowdoe foe doe sani eenvoudig
1 Den bigin wortoe foe Jesaja kapiter 54 e aksi na organisaatsi foe Jehovah di gersi wan oema foe sreka ensrefi tapoe prisiri gro. Gro, kon moro foeroe èn njoen krakti didon a den fesi. Na kontroe foe na span profétitori dati kon meki wan kefarlek bigi gro kon foe troe anbegi di wi e si now o moro Jehovah e meki a tjari kon makandra wroko go moro esi. — Jes. 54:1-4; 60:22.
2 Na orga pipel foe Jehovah kan hori na srefi foetoe nanga na disiten gro di Jehovah e gi? Den bakapisi foe Jehovah blesi de wan tjalansi di den moe piki èn wi bréti foe si dati Jehovah ben gi en pipel na fanowdoe jeje foe koni nanga ferstan (Kol. 1:9, 10). Wi moe èrkèn dati Jezus Kristus ben tiri afersi di ben abi foe doe nanga kontroe foe Jehovah prakseri tapoe wan boen, koni èn wondroefasi nanga jepi foe na getrow „srafoe”-klasse. — Matt. 24:45-47.
DOE SANI EENVOUDIG DE FANOWDOE
3 Wan prenspari sani ini a loesoe foe problema di e doe kon foe na esesi gro gersi taki a didon na ini a doe foe sani na wan eenvoudig fasi. Na organisaatsi foe Jehovah di wi kan si nanga ai, bewijsi dati den e ferstan a prenspari sani disi. Ini den jari di psa den ben teki foeroe maatregel foe doe sani eenvoudig ini a tori foe oso nanga njanjan sani tapoe kongres, lektuurbestelling èn na seni foe boekoe di bestel, na kisi foe sani di a gemeente abi fanowdoe, kari sma gi avondmaal, strooibiljet nanga kringkomakandraprogramma. Prékiman, pionier, gemeente, owroeman nanga dinari na ini a diniwroko, opziener di e waka lontoe, èn Na Genootschap alamala ben njan boen foe disi.
4 Now a gersi dati a de a pasi foe koni èn foe si sani na wan boenfasi foe go moro fara foe doe sani eenvoudig. Wi abi na overtoigi dati ooktoe den sani disi sa abi na blesi foe Jehovah foe di den e gi na okasi foe ontvang na gro di e kon moro fara leki wan prijse gi en.
SAN GRO ABI LEKI BAKAPISI
5 Na ini den jari di psa den brada na ini Nederland ben si wan aparti gro ini a nomroe foe gemeente. Na gro na ini na nomroe foe pionier ben moro bigi srefi. Soso wawan na ini den fo jari di psa 23 njoen gemeente opo èn a nomroe foe gewone pionier ben gro nanga 50%! Nownow joe abi 944 gewone pionier èn 310 gemeente di ibri moen e gi rapport foe velddienst na a Genootschap. Fa a de wan moi sani foe si dati den brada nanga sisa alape e kisi boen vréde foe meki na wroko foe den na ini a kotiwroko foe den kon moro foeroe èn dati doesoendoesoen man foe go na ini na pionierdienst! — Matt. 6:33.
6 Foe kan sorgoe gi na hoeveelheid wroko di na gro disi e tjari kon nanga en, meki a doe foe sani moro eenvoudig de morofara fanowdoe. Ai kostoe boen foeroe ten foe skrifi ibri moen pikinmoro 1400 gemeentebericht èn den bericht foe aparti gewone pionier na ini na administratie foe na Genootschap. Ooktoe joe abi net so wan gro ini a nomroe foe brifi di e kisi foe gemeente èn pionier. Foe na gro disi na ini na hoeveelheid brifi meki a no alaten wi man foe piki so esi tapoe prenspari brifi soleki wi ben sa wani dati, spesroetoe na ini a ten foe bepaalde druk ten na ini a jari. Na fanowdoe foe doe bepaalde sani eenvoudig, sodati wi kan gebroiki den sani di wi abi nanga wi ten so boen leki wi kan, de soboen krin foe si.
WAN MORO EENVOUDIGFASI FOE SKRIFI BERICHT
7 Foe bigin nanga 1 september 1986 wi sa go abra tapoe wan moro eenvoudig fasi foe skrifi bericht foe gewone pionier èn seni den go na a Genootschap. A sani disi èn tra procedure foe na organisaatsi di kenki wi tjari kon a krin kaba gi den owroeman. Den bodoi di wi e gi na ini na inlegvel disi moe jepi ala sma foe ferstan den eenvoudig sani na ini a tori foe na fasi fa pionier moe meki na rapport foe den. Te wi sabi finifini san e taki dja, dan owroeman nanga pionier esesi kaba sa man foe si san den winimarki de gi densrefi èn gi na Genootschap èn moe meki den alamala man foe waka baka na procedure disi sondro moeiti te den e meki den velddienst-bericht foe september.
8 Na persoonlek ala moen formulier Bericht foe gewone pionier (S-200) no sa seni go moro na a Genootschap; foe dat’ede meki gi na dienstjari 1987 wan voorraad foe den formulier disi no sa seni go na den gemeente. Foe bigin na bericht foe na moen september 1986 dan ala gewone pionier sa gebroiki na velddienstrapport (S-4) te den e gi rapport foe den prékiwroko na a gemeente. Na joeroe marki foe gewone pionier e bereken na tapoe na gron foe na heri jari. Na sekretaris foe na gemeente sa tan skrifi ibri moen na velddienstbericht foe na pionier soifri tapoe wan karta foe gemeente prékiman (S-21). Nanga disi na djaranti e de dati na gemeente na a kaba foe na dienstjari abi na soifri nomroe foe joeroe, omeni lektuur prati èn tra activiteit. Te wan pionier no doro en joeroe foe a moen, dan a moe sorgoe foe poti a réde na bakasé foe na S-4 rapport, netleki fa a ben doe dati a fesi tapoe na formulier bericht foe gewone pionier (S-20). Na sekretarsi sa skrifi na réde disi ini na kolom „Opmerking” tapoe na karta foe gemeente verkondiger. Soleki wi sa si bakaten na ini na inlegvel disi, dan wan sani sa seti foe ferteri a Genootschap na a kaba foe na dienstjari foe na totaal joeroe foe ibri pionier èn réde di kande sa poti a tapoe na rapport dati foe san-ede den no ben doro den joeroe.
9 Na sekretarsi foe na gemeente netleki a fesi sa tan seni a gemeentebericht (S-1) na na Genootschap. Na bericht sa abi a tapoe na totaal velddienstwroko foe prékiman, jepi-pionier nanga gewone pionier. Disi no kenki. Wan sani foe na bericht dati di sa de trafasi de tapoe na bakasé foe na S-1 formulier, ruimte sa de foe ferteri a Genootschap te wan pionier kenki gemeente ofoe te wan kenki foe nen feni presi ini na geval te wan sisa e go trow. A fesi dan den pionier ben kan ferteri a Genootschap taki den e kenki gemeente ofoe nen foe di den ben poti den bodoi disi na bakasé foe na pionierbericht foe den. Now na sekretaris de fanowdoe foe ferteri wi foe den kenki foe di a poti den na bakasé foe na gemeentebericht. Alatron te wan kenki foe nen skrifi, na Wachttoren-Identifikatie- nanga Toewijzingkarta foe na pionier (S-202) sa moe seni go baka nanga jepi foe na sekretaris èn na Genootschap sa seni wan njoen karta gi na pionier pe na kenki tanapoe.
10 Na a kaba foe na dienstjari na sekretarsi sa tan seni na gedetailleerde rapport foe na gemeente (S-10) go na a Genootschap netleki den jari na fesi. Foe bigin nanga september di e kon dan na sekretarsi sa skrifi na bakasé foe na S-10 formulier den nen foe ala sma di bigin nanga 1 september de gewone pionier èn skrifi na totaal nomroe foe joeroe foe den moen di den ben de pionier te na a kaba foe na dienstjari.
11 Na a ten disi den gemeente moe abi wan voorraad foe na vereenvoudigd formulier aksi foe de wan gewone pionier (S-205). Wi e aksi foe gebroiki soso na njoen aksi-formulier disi. Alaten te den poti wan njoen pionier, den sa seni wan blanko aksi formulier, sodati na gemeente alaten sa abi wantoe eksemplaar ini voorraad.
MORO PERSOONLEK JEPI MOE GI
12 Na heri skin foe owroeman, èn spesroetoe na Dienstkomte foe a gemeente, sa wani broko ede persoonlek nanga den pionier. Den aksi di e kon now sa jepi den owroeman foe si pe den kan asisteri den pionier: Den de boen na ini moro foeroe foe den pisi foe na diniwroko ofoe den moe kisi leri na ini na gobaka — nanga bijbelstudiewroko? Den e sori den froktoe foe na jeje èn den e wroko a ini vréde èn ini wanfasi nanga makandra? (Rom. 14:19) Wantoe abi jepi fanowdoe foe meki wan praktis schema? Den pionier e sori boen studiegwenti èn den abi wan prati na komakandra? Owroeman di e doe ala san den kan foe jepi pionier, sa wani foe gebroiki a koni foe si sani na ini a tori foe den fanowdoe èn omstandigheid foe den pionier èn sa abi geregeld kontakti nanga den.
13 Na lobi belangstelling di owroeman e sori gi na tanboen gi den pionier, wi e warderi srefsrefi. Na ini den brifi foe den gi Genootschap, pionier alaten baka e poti kommentaar di e sori fa den de tangi dati den abi wan lobi skin foe owroeman di abi wan faja belangstelling gi den. Sontron disi ben wani taki dati den ben man foe tan na ini na foeroetendienst.
14 Den e aksi foe owroeman dati den hori na den hémarki di poti gi pionier, makandra nanga den joeroe di den moe doro. Ma efoe wan pionier abi foe doe wan pisten nanga problema sodati a e kon a baka nanga en joeroe, dan owroeman di de nanga opo ai sa do esesi foe gi jepi na presi foe gi na rai dati na pionier libi na pionierwroko efoe a no e go na fesi. Den no moe gi pasi dati problema tan go doro foeroe moen bifo den gi jepi, noso na pionier kande ben sa kon so fara na baka nanga en joeroe dati a e lasi ati èn wani tapoe wroko.
15 Na problema de so dati na ini wantoe moen a kan loesoe? Efoe dati de so, fa den owroeman kan gi jepi? Efoe a de wan persoonlek problema di na pionier srefi moe loesoe, den owroeman kan meki a firi switi foe di den no wawan e gi en dek’ati èn e prijse en, ma e gi ooktoe praktis rai.
16 Owroeman moe de voorzichtig èn no moe go bemoei foe soso nanga persoonlek ofoe osofamiri problema efoe den no e aksi a jepi foe den. Ma efoe ai go foe wan serjoesoe problema èn a gersi dati na pionier foeroe moen baka makandra no sa man foe doro en joeroe, dan den owroeman kan kon na a bosroiti dati a de moro boen gi na pionier foe poeroe en nen leki pionier te leki a problema loesoe.
17 Na presi foe skrifi go na a Genootschap dan pionier moe taki nanga den owroeman foe moeilekheid di den kan abi. Ini moro foeroe geval pe jepi moe gi moro fara, dan kande a de moro boen dati den owroeman skrifi. Na a ten foe a fisiti foe na kringopziener den pionier moe firi densrefi fri foe go na en foe taki foe afersi di ben sa kan abi krakti na tapoe na pionierdienst foe den. A waka na baka na procedure disi e gi wantoe winimarki. Den owroeman e sabi na sma foe soema a tori e go. Den man foe ferstan a sma di a de èn fa ai denki — ofoe a abi faja ofoe e kibri ensrefi, de ordelek ofoe pikinso broejabroeja. Den sabi den omstandigheid foe en osofamiri, den gesontoe, en schema foe grontapoewroko èn tra sani di abi krakti na tapoe a man di a man foe pionier. Wi e denki dati den owroeman de ini wan boen positsi foe sabi ofoe wan sma ben sa moe proeberi foe tan na ini na pionierdienst ofoe dati a sa de moro boen gi en, dati wani taki foe a ten disi foe tapoe nanga na foeroetendienst.
18 Efoe den owroeman baka te den taki nanga a pionier kon na a bosroiti dati na problema de foe wan pisten èn dati a moesoe man foe doro a joeroe di lasi bifo na kaba foe na dienstjari, dan den kan gi soso dekati èn boen rai. Ma efoe na pionier moe kakafoetoe gi wan ongewoon situwasi di a no abi na ini en anoe, sodati ai kon so fara a baka nanga en joeroe, dati a no kan doro den disi moro bifo na kaba foe na dienstjari, dan den owroeman moe bosroiti ofoe gi en na spesroetoe konsideratie, di de ini paragraaf 18-20 foe na inlegvel ini Wi Kownoekondredienst foe mei 1978. Efoe den feni dati wan gron de foe sori speciale konsideratie dan den kan poti wan notisi na tapoe na karta foe na gemeente prékiman èn gi na pionier dek-ati foe doe en moeiti foe a ten dati foe doro den joeroe èn no foe broko en ede nanga joeroe di lasi. Efoe den owroeman feni dati a problema no de foe wan sjatoe ten èn den omstandigheid e meki a de wan ferstan sani dati na sma di a tori e go foe en tapoe nanga pionierdienst, dan den moe ferteri na Genootschap foe dati foe di den e seni na formulier di de foe na wroko dati kon. Soso ini situwasi pe den owroeman no de séker dati na sani san tanapoe na ini na inlegvel abi foe doe nanga a tori disi, dan na dienstkomte foe na gemeente ben sa moe skrifi na Genootschap foe kisi moro bodoi. Den moe sorgoe foe gi ala finifini tori foe na problema, èn ooktoe wan bericht foe den velddienstjoeroe di na pionier ben doro na ini a dienstjari di psa.
19 Te a dienstkomte foe na gemeente na a kaba foe ibri dienstjari e skrifi den nen foe ala gewone pionier èn totaal nomroe foe ala den velddienstjoeroe, dan wan sjatoe brifi moe skrifi pe den réde tanapoe na ini foe san-ede son pionier no ben man foe doro den joeroe foe den. Den moe skrifi san den ferwakti de dati den pionier na ini na njoen dienstjari sa go na fesi. A Genootschap no sa gi piki na tapoe dati efoe a no de fanowdoe.
20 Ooktoe wi e aksi kringowroeman foe poti moro prakseri na den fanowdoe foe den pionier. Na fisiti foe na kringowroeman na a gemeente sjatoe èn kande no e gi en foeroe ten foe wroko nanga ibri pionier. Ma foe di ai loekoe den bericht, e kon makandra nanga den pionier èn e wroko nanga den na ini na velddienst, a sa si pe na fanowdoe foe jepi èn gi dekati de. A sa wroko ini na velddienst someni leki a kan nanga pionier nanga prékiman sofara en schema e gi pasi foe dati. Pe foeroe pionier de dan na a ten foe wán fisiti wroko nanga sonwan èn na tra fisiti wroko nanga trawan. A sa ferteri den owroeman foe san a si foe den sma di abi jepi fanowdoe èn gi rai san den ben sa kan doe foe jepi den pionier foe go na fesi.
JOE BOEN NOFO FOE DE GEWONE PIONIER?
21 Foe joe kan de boen nofo foe go na ini a gewone pionierwroko, dan wan sma moe dopoe siksi moen kaba èn de wan geregelde prékiman. A moe de ini a positsi foe doro na velddienst joeroe foe doesoen joeroe ini wan jari. Ooktoe a de prenspari foe a abi wan boen moraal èn e sori taki a de wan boen eksempre leki kristen. (om blz. 115, 116). San disi wani taki? Sortoe égifasi den owroeman mag ferwakti foe wan sma di gi wan aksi-formulier foe na gewone pionierdienst?
22 De wan eksempre na ini waka nanga libi wani taki dati wi de krin na skin èn na jejefasi. Wan sma di den e rikomanderi gi na pionierdienst, moe abi wan boen nen foe wan toemsi moi kristen waka nanga libi inisé èn dorosé foe a gemeente. A de wan sma di e gi ensrefi foe dini Jehovah nanga en heri ati èn dorodoro. Na froktoe foe Gado jeje de krin foe si na ini en libi. Wan pionier ini a fosi presi moe broko en ede foe na wroko di de na ini a gi foe kotoigi foe na Kownoekondre èn a meki foe discipel. A moe man foe gebroiki a bijbel tapoe wan boenfasi a den doro, tjari gobaka na den sma di e sori belangstelling èn opo bijbelstudie èn hori bijbelstudie. Pionier moe wroko nanga na skin foe owroeman makandra dorodoro ini den seti di a gemeente seti foe velddienst nanga komakandra.
23 Foe kan de boen gi na jepi-pionierwroko ofoe gewone pionierdienst, dan foe sensi a ten dati wan sma ben kon a fesi foe wan kroetoe komte ofoe sensi wan sma den ben teki baka baka di a ben sluit uit, dan wan heri jari moe pasa fosi. Boiti foe dati dan wan sma di na a momenti disi de na ondro restriktie no sa boen gi grani soleki pionierdienst te leki ala restriktie poeroe na pasi.
24 A de wan sani di de ferplekti foe tanape difrenti moen na ini na jepi pionier bifo wan sma kisi rikomanderi leki gewone pionier? Nono. Ma gewoonlek a de moro makriki foe hori na a schema foe wan gewone pionier efoe wan sma ben dini fosi leki jepi pionier. Owroeman sa wani abi wan rédelek sékerfasi dati a sma di e aksi foe go ini na gewone pionierdienst sa tan doro ibri moen 90 joeroe èn man doro a kaba foe na dienstjari na marki foe 1000 joeroe. Sani no sa poti na tapoe wan sma di a Genootschap no ben skrifi spesroetoe foe en.
25 Te wan memre foe na gemeente vul wan formulier foe aksi foe tron gewone pionier èn ai doe disi na a fesiman opziener foe den brada feni en boen, dan na dienstkomte foe na gemeente sa poti prakseri na tapoe disi wantewante. Na loekoe foe na aksi disi no sa poti na tapoe wan tra ten foe di wan foe den owroeman foe na komte no de wan noso toe wiki. Wan tra owroeman kan teki en presi foe a ten di a no de. Efoe na dienstkomte foe a gemeente feni na aksi boen foe tron gewone pionier dan na skin foe owroeman moe sabi disi bifo na aksi seni go na a Genootschap sodati den kan abi a prakseri wantoe tra sani di den tra owroeman kan abi.
26 Na njoen formulier aksi foe de gewone pionier, e aksi dati den owroeman skrifi na gemiddelde velddienstactiviteit foe a sma di a tori e go foe en foe den siksi moen di psa. Den owroeman moe de rédelek séker ini a tori foe a sma di e aksi foe tron gewone pionier sa kan doro na geregelde basis den joeroe. Na gemiddelde foe siksi moen prékiwroko foe wan prékiman no afoe de wan joisti prenki foe san a kan doe te ai go foe langa. Efoe na bericht wan ofoe toe moen de kefarlek hé leki den tra moen foe di ini den moen dati ekstra moeiti e doe dan disi kan teki na prakseri. Nanga tra wortoe, den opziener moe abi wan heri overzicht tapoe na velddiensactiviteit di na pionier sa meki ini den siksi moen di e kon. A sma kan abi wan hé joeroe gemiddelde, ma efoe ai doe weiniki na ini na diniwroko, dan den owroeman kan gi en na rai foe wroko na pisi foe en diniwroko di a fanowdoe foe kon moro boen bifo den skrifi en nen leki gewone pionier. Efoe den owroeman no kan feni na aksi foe de pionier tapoe a momenti dati den e kisi dati boen, dan sékerséker den moesoe meki a sabi dati den no sa seni na aksi go na a Genootschap èn tjari den réde foe dati kon a krin. Den owroe man moe tjari kon na krin na san a moe wroko foe de boen gi dati. Efoe bakaten den owroeman abi na prakseri dati den kan feni na aksi disi boen èn na fosi aksi foe tron pionier e gebroiki, dan na bigindatum di ben aksi biginbigin moe kenki.
GO NA FESI NANGA FAJA
27 Na ini 1962 wan kenki ben tjari kon foe tjari gewone pionier kon na ondro na seti foe a gemeente pe den de na ini. Jehovah ben blesi na sani dati? Efoe na gro foe wi foe wan ala moen gemiddelde na a heri grontapoe foe 33.560 gewone pionier èn „fakansi” pionier ini 1962 go na 322.821 gewone pionier èn jepi-pionier ini a dienstjari 1985 de wan marki, dan wi kan kon tapoe soso wán krin bosroiti. Ija, Jehovah ben blesi den seti srefsrefi di ben abi leki marki foe jepi den pionier nanga den kownoekondrebelang go na fesi. Now wi abi na overtoigi dati a sa blesi den kenki di wi ben taki doe den na ini den paragraaf a fesi kon moro fara. Jezus ben taki: „Na koni e kon de regtvaardiki nanga jepi foe en wroko” (Matt. 11:19). O troe disi ben sori dati a de ini a tori foe na progressief meki kon moro eenvoudig foe seti foe na organisaatsi nanga procedure di ben tjari kon na ini den jari di psa foe fiti wisrefi na a esesi gro foe a tjari kon makandra foe a bigi ipi kon na Jehovah krin anbegi. — Openbaring 7:9; Jesaja 54:2.
28 Pionier nanga faja de troetroe wan blesi gi den gemeente. Den de wan toemsi moi pisi foe na piki tapoe den faja begi foe wi na „na Masra foe den kotiwroko” foe abi moro wrokoman na ini den laatste dé now di na kotiwroko de bigi (Matt. 9:37, 38; Joh. 4:35, 36). Meki ibriwan foe wi doe loyaal san de ini en makti foe tranga den anoe foe ala sma di ben fiti den omstandigheid foe den kan dini na ini den lo foe den pionier (Odo 3:27). Fa disi sa tan gi wi kolokoe omoro wi e gi grani na wi hemel Tata foe di wi ’e meki foeroe froktoe èn e sori taki wi de en discipel’! — Joh. 15:8.