Sori tangi foe di joe e meki joe dienst gro
1 Na anbegi foe Gado wani taki foe dini en. Na den Israèlsma na anbegi foe Jehovah ben aksi foe den gi jesi na en gebot, a doe foe en wani leki wan pipel di ben de soso gi en wawan (Exodus 19:5; Jozua 24:14, 15). Gi wi leki kristen na anbegi foe wi gi Jehovah abi na ini en taki wi e préki na boen njoensoe foe na kownoekondre èn e leri tra sma den waarheid di wi ben leri (Mattéus 28:19, 20). Te wi gi jesi na a gebot foe Jezus dan wi e dini èn anbegi Jehovah troetroe.
2 Foeroe prékiman e teki bepaalde okasi foe abi wan moro bigi prati na a préki foe a boen njoensoe, foe di a wroko disi de so krosbé nanga na loesoe foe tra sma (Romeini 10:10-15). Na moen mei de spesroetoe toe foe sori tangi foedi wi e meki wi dienst kon moro foeroe. A réde disi foe de tangi krakti ben poti a tapoe nanga na Avondmaal, di ben memre wi san Jehovah ben doe gi wi foe di a ben sorgoe foe na loesoeprijs di Jezus ben pai nanga en offer. Wi e prisiri dati na toemsi bigi sori foe lobi di Jehovah ben sori foe di a ben gi en égi Manpikin leki na loesoeprijs (Romeini 5:6-8). A tra pisi foe den dé foe mei e gi foeroe boen okasi ete foe wi dienst kon moro foeroe.
DEN WINIMARKI FOE DIENST DI KON MORO FOEROE
3 Moro velddienst-activiteit e tjari persoonlek winimarki kon. Te ala dé wi abi foeroe foe doe na ini na préki foe na boen njoensoe, dan sma ati nanga memre e poti na tapoe na bijbel. Disi kan meki wi jejefasi kon moro bigi èn dati sa kon de foe si na ini na fasi di wi e sari, a fasi fa wi e si sani èn fa wi e waka èn libi. Wi e kon de moro kolokoe te wi e doe a wroko di Jehovah Gado e feni boen. Boiti foe dati wisrefi e kon moro bekwaam na ini a ferteri foe na boen njoensoe na ini wortoe di de moro krin foe ferstan. Spesroetoe prisiri de na bakapisi efoe wi kan opo wan osobijbelstudi. Boiti foe dati den froktoe foe a jeje moro foeroe tron e de krin foe si na ini wi libi. Son prékiman ben taki srefi taki a fasi foe den nanga tra sma ini na gemeente èn na ini den égi osofamiri e kon moro boen te den e doe moro ini na velddienst. Trawan e taki, taki den, te den seti den afersi so taki den kan doe jepi-pionierwroko, e doe moro foeroe na oso èn na ini na velddienst. Sma e agri ini algemeen, taki moro foeroe activiteit e meki na matifasi foe wan sma nanga Jehovah kon moro tranga.
4 Na gemeente toe e njan boen foe dati. Den sma di no ben man foe seti den afersi so dati den ben kan go na ini na jepi-pionierwroko ini april tokoe sa meki de dienstactiviteit kon moro foeroe èn den kan doe disi te den e wroko makandra nanga den jepi-pionier. Te den brada nanga sisa nanga prisiri e hori baka gi na spesroetoe activiteit disi dan disi kan abi leki bakapisi dati na heri gemeente e sori wan pionierprakseri, foe di joisti memre foe doe moro foeroe dienst teki foeroe foe den abra. Den ben taki taki na jeje tanboen foe wan gemeente anga krosbé nanga en velddienstwroko.
5 Den sma di wi e préki gi e njan boen foe a dienst foe wi di kon moro foeroe. Na fosi fisiti ofoe leki wan bakapisi go-baka di pionier e tjari, den kan opo moro osobijbelstudi di e tjari son sma kon tapoe na pasi di e go na libi. Moro foeroetron a de so taki moro boen e prati na ini na gebied èn disi wani taki den di gersi skapoe e kisi wan moro bigi kans foe leri sabi na waarheid. — Ezech. 33:33.
MEKI NOW PLAN GI MORO FOEROE DIENST INI JUNI
6 Foeroe sma de na ini na moen mei ini na jepi-pioniersdienst. Joe ben kan meki joe prijse-ofrandi gi Jehovah kon moro foeroe foe di joe sa dini toe ini na moen juni leki jepi-pionier? (Hebr. 13:15) Joe ben prakseri tranga foe na mogelekheid foe meki wan schema sodati ete wan moen joe kan dini leki jepi-pionier ofoe a jari disi joe de a fosi tron kande na ini na jepi-pionierwroko? Foe san-ede joe no ben sa taki disi nanga joe trowpatna ofoe joe papa nanga mama ofoe wan tra prékiman na ini na gemeente? Krosbé wroko makandra na ini disi kan tjari foeroe wini kon. — Odo 15:22.