Na jepi-pionierdienst — Joe ben proeberi en kaba?
1 Na seti ini a ten disi foe na jepi-pionierdienst go now na ini a di foe erfoe jari foe en. Foe sensi a ten di a ben bigin na ini september 1975 dan foeroe doesoendoesoen foe wi brada nanga sisa ben gi den nen foe dati. Doesoendoesoen foe den e seti sani foe de ini a jepi-pionierdienst wan toe moen ini a jari. Trawan ben man foe de leki jepi-pionier geregeld wan moro langaten baka makandra. Alamala ben abi na okasi foe njan boen na jejefasi foe kweki wan moro krosbé banti nanga Jehovah èn foe tron moro boen bedinari foe na boen njoensoe.
2 Ini april 1976 298 sma ben gi den nen foe de jepi-pionier; dati ben de 175 moro leki na nomroe foe pisten-pionier di ben gi rapport na ini a jari a fesi. Na nomroe foe jepi-pionier ben tan gro ini den jari di pasa èn wi ben doro wan hémarki foe 317 ini april 1985. Ini april 1986 294 jepi-pionier ben de, foe di wan toe jepi-pionier ben tron gewone pionier. Na ala moen gemiddelde de na ini na heri jari hé, san de séker wan bewijsi foe oen lobi nanga warderi gi na grani disi foe dienst. Ini augustus 1986 wi ben doro wan hémarki foe 2043 jepi-pionier na ini België.
3 Gi foeroe sma a jepi-pionierdienst ben sori taki a de wan djompoplanga go na grani leki gewone pionierdienst èn na Betheldienst. Ma srefi efoe na omstandigheid foe joe ini a ten disi no e gi pasi dati joe teki na tapoe joe wan tra spesroetoe dienst, dan joe no ben sa wani sote dan foe teki prati ini a prisiri di foeroe sma e ondrofeni leki jepi-pionier?
FOEROE SMA BEN MAN FOE DOE EN
4 Joe de wan papa ofoe mama nanga pikin di e libi ete na oso? Joe moe doe heri dé grontapoe wroko foe ondrow joesrefi nanga joe osofamiri? Joe owroe kande ofoe joe abi skotoe a skinfasi? No teki esesi na bosroiti, dati aladi joe ben sa wani sote foe de wan jepi-pionier, joe no kan foe de dati srefsrefi. Efoe joe abi wan tranga lostoe foe moro pikinso wan ofoe toe moen ini a jari foe pionier, dan kande wan okasi sa sori ensrefi foe dati.
5 Na marki foe siksitenti joeroe kan sori leki a de wan moeilek tjalansi, ma te joe e loekoe en foe a sé, dati disi de wan gemiddelde foe soso toe joeroe ini wan dé, sodati na tra pisi foe joe ten joe abi ete foe sorgoe gi tra fanowdoe ferplekti, dan a kande dati a joeroe no gersi so bigi. Joe kan gi ibri dé wan pisi ten na a velddienst èn horidoro na dati foe wan bepaalde ten?
6 Loekoe grantangi pikinso san wantoe gemeente bon doe foe gi dek’ati foe go ini na jepi-pionierdienst èn den prisiri bakapisi di a moeiti foe den ben tjari kon. Na ini wán gemeente pikin moro afoe foe den prékiman ben gi den nen foe de jepi-pionier. Na mindri den joe ben abi dri owroeman èn dri dinari na ini a diniwroko. Wán sani di ben meki so wan toemsi moi bakapisi ben kon ben de dati difrenti moen bifo april krakti ben poti na tapoe den gemeente komakandra tapoe na pionierdienst. Ibri sma ini a gemeente en prakseri ben poti a tapoe dati april moe de wan pionier moen. Ala nanga ala 28 sma ben gi den nen. Moro leki afoe foe den ben de man nanga oema. Wan trowpaar ben abi féfi pikin èn wan trawan siksi, èn tokoe den ben man nanga loekoe sani soifri foe sorgoe tapoe wan joisti fasi foe den osofamiri frantwortoe èn foe doro den marki foe a pionierwroko. Sébi sma ini a groepoe ben abi wan heri dé wroko. Wan brada di biginbigin ben hari ensrefi go na baka, ben taki: “A de troetroe moro makriki leki mi ben prakseri. A wani taki soso wan boen schema.”
PERSOONLEK BLESI
7 Pikinmoro sondro uitzondering den sma e ferteri di foe a fositron ben go na ini na jepi-pionierdienst, nanga faja omeni boen den ben kisi foe na moro hé velddienst activiteit. Sonwan e taki dati den ben firi densrefi moro krosbé na Jehovah, ben abi moro prisiri ini a dienst, ben man foe taki moro fri na den doro èn ben kisi moi ondrofenitori di bow den èn di kande noiti den ben sa ondrofeni.
8 Wan sisa ben man foe teki na jepi-pionierdienst, aladi a abi féfi pikin, e doe grontapoe wroko èn abi wan masra di no dopoe. Fa a ben kisi en paiman? A masra foe en ben gi en jepi èn leki wan bakapisi foe na boen eksempre foe na oema a ben kisi tranga foe bigin a tra moen nanga na velddienst. Wan tra sisa di ben gi en nen kaba foe na jepi-pionierdienst ben skrifi foe taki dati a basi foe en ben teki en wortoe baka foe gi en fri. Soboen a ben taigi en dati a ben moesoe libi en wroko efoe a no ben ba kisi a ten di a ben abi fanowdoe. A ben sori na basi foe en dati a ben sa kan melde taki a siki soleki tra sma kande ben doe, ma dati a no ben sa doe noiti sowan sani foedi a no de eerlek. A basi ben agri foe gi en a ten di a ben abi fanowdoe. Fa a ben kisi pai? Soso wantoe dé ini na jepi-pionierdienst ben meki a fertrow foe en ini Jehovah ben kon tranga. A ben taki: „Mi no e broko mi ede so foeroe foe moni afersi soleki a ben de a gwenti. Jehovah ben moesoe leri mi troetroe foe fertrow na en tapoe.”
9 Wan malengri brada ben skrifi a Genootschap foe na winimarki di en nanga en oema ben abi leki jepi-pionier. A ben taki: „Mi malengri èn ibri dé soso wan skotoeten mi kan go na ini a dienst sodati 60 joeroe ini wan moen didon net na ini san mi kan doe. Wi ben bigin tapoe 1 september èn abi na prakseri foe tan na ini. Wi abi foeroe blesi èn foe a fositron sensi wi go wroko makandra nanga na gemeente, wi abi na firi dati wi e doe wan sani ini a gebied.” Disi de wantoe nomo foe den kommentaar foe sma di ben seti na ten foe den so dati den ben kan go ini na jepi-pionierdienst.
JOE E GO PROEBERI EN?
10 Joe de wan foe den foeroe prékiman di wani sote foe de pionier ma di kon na a bosroiti dati persoonlek omstandigheden no ben sa gi pasi foe pionier tapoe geregelde basis? Na Genootschap ben abi joe na prakseri di a seti foe na jepi-pionier ben tjari kon. Jehovah blesi èn na go loekoe sani finfini de fanowdoe, ma joe, kan abi na overtoigi dati na jeje gro èn na prisiri di joe sa ondrofeni, sa sorgoe dati a warti seker na moeiti (Neh. 8:10). Foe san-ede joe no sa meki now positief plan foe go ini maart nanga april na ini na jepi-pionierdienst? Gi sonwan mei sa de wan boen moen foe pionier foedi a moen dati abi féfi foeroe weekend a jari disi. Soboen april nanga mei de moro boen gi joe kande.
11 Hori na ini prakseri dati te joe seti sani boen a fesi, dati dati de fanowdoe foe sani waka boen. Disi e kon a krin foe den ondrofenitori foe den sma, di ben man foe teki na jepi-pionierwroko a tapoe den awinsi den ben abi osofamiri frantwortoe, den ben moe doe heri dé grontapoe wroko èn den ben abi tra ferplekti foe a bijbel. Ibri wan sma kan aksi ensrefi: ’Foe san-ede mi wani pionier? Fa mi kan doe foe doro a marki foe mi?’ Na kotiwroko no psa ete( èn ini foeroe kontren troetroe „a bigi”. — Matt. 9:37, 38; Joh. 4:35.
12 A de now a ten na ini san ala den dienstknegti foe Gado moe span densrefi krakti foe doe moro activiteit. Joe no ben sa kan poti ibri jari wan ofoe moro moen gi wan moro bigi velddienst activiteit ini na jepi-pionierdienst? (Ef. 5:16) Hondro doesoendoesoen ben proeberi en kaba. Joe kan abi ooktoe wan prati na ini?