Sani di wi o go doe moro eenvoudig — Wan jepi foe ’go loekoe san na den moro prenspari sani’
1 Joe e angri taki wi leki kristensma abi ’foeroe foe doe ini a wroko foe Masra’? (1 Kor. 15:58) A no de foe taki dati joe abi wan druk schema foe theokratis activiteit na ini san joe abi persoonleke studi, osofamiristudi, na fisiti foe kristen komakandra èn na préki èn na leri foe sma foe na boen njoensoe. Boiti ala den sma disi a kan de ooktoe dati joe moe sorgoe gi difrenti afersi foe sani foe a grontapoe. Sontron a de so dati activiteit di no de fanowdoe e bigin aksi foeroe ten ofoe e bigin klari a moni foe wan sma. Ekstra frantwortoe kan kon didon a wi tapoe sodati a e aksi moro boen gebroiki foe wi ten nanga sani di wi abi. Ini den sortoe ten dati dan wan oso-famiri e doe boen foe go wegi-go-wegi-kon san kan doe foe ’go loekoe san de den moro prenspari sani’. — Fil. 1:10.
2 Net se wan srefi sortoe situwasi de ini na osofamiri foe Gado leki wan bakapisi foe na esesi gro di na grontapoe famiri foe wi e ondrofeni (1 Tim. 3:15). Na Tiri Skin ben feni en fanowdoe èn e si en leki wan froestan sani foe meki wan moro eenvoudig programma kon. Sani e seti sodati na organisatie te joe loekoe en boen kan „bradi ensrefi” foe fanga foeroe njoen sma di e kon na inisé èn na a srefi ten foe go doro foe sorgoe gi wi alamala foe den toemsi prenspari jeje sani. — Jes. 54:1-3; Matt. 24:45-47.
3 Na inlegvel foe Wi Kownoekondredienst foe augustus 1986 ben tjari kon a krin tapoe sortoe fasi wan moro eenvoudig fasi foe skrifi den rapport foe Gewone pionier ben sa kisi krakti ini september 1986. A seti disi ben wani taki moro mendri wroko kaba gi wi kantoro-sma èn o moro a ten e psa wi howpoe dati disi sa go doro moro fara.
ALA JARI KRINGKOMAKANDRA
4 A Genootschap meki ala gemeente kon sabi nanga jepi foe wan brifi dati ibri kring foe bigin nanga september 1987 sa abi wán kringkomakandra ini wan jari. ’Na kenki disi sa tjari foeroe boen kon. Den kring di e meki gebroiki foe kringhal nanga wan foeroe schema no sa abi kringkomakandra moro di soso wan toe wiki a fesi ofoe a baka na congres foe den sa hori. Den congreshal no sa gebroiki foe wan toe wiki èn ini a pisten dati fanowdu wroko foe ondrow na zaal sa doe. A mindri den kringkomakandra ten sa de foe hori na Pionierskoro èn ten na ten ooktoe den Kowoekondrediniwrokoskoro. Kringopziener nanga gemeente owroeman sa kisi pikinso ten foe doe tra theokratis frantwortoe. Na districts-opziener san man bakadi a dini den kringkomakandra ini wan kring, foe psa wan wiki nanga na kring-opziener di e fisiti wan gemeente. Na seti disi na ini tra fasi ooktoe sa sori taki a boen.
SPESROETOE WAN-DÉ-KOMAKANDRA
5 A de now so wan toe jari kaba dati ongeveer afoe foe den kring ini den Verenigde Staten foe Amerkankondre ibri jari ben hori wan spesroetoe komakandra pe wan takiman foe Brooklyn Bethel ben de a tapoe. Na den sortoe okasi disi wan toe ofoe dri joeroe programma ben pristeri. A Genootschap de bezig foe fiti na seti disi sodati foe bigin foe september 1987 gi ibri kring ofoe kringsector ini den Verenigde Staten a sa kan pasa foe hori wan spesroetoe wan-dé-komakandra. A seti disi sa kon de so ooktoe ini wi kondre foe sofara dati sa man foe doe.
6 Na kringopziener sa meki den Gemeente ini en kring kon sabi na datum tapoe san a Genootschap ben seti na komakandra disi. Disi sa feni presi tapoe wan ten foe a jari di no sa de krosbé foe a datum foe oenoe geregelde kringkomakandra ofoe na districtcongres. Den kring di den taki moe go na wan congreshal, sa gebroiki den hal disi tapoe wan satra ofoe tapoe wan sonde. Disi wani taki dati alape pe a kan psa toe difrenti kring ofoe toe sector foe a srefi kring tapoe wán weekend sa kan gebroiki a congreshal.
7 Na ala jari spesroetoe wan-dé-komakandra di o kon alaten baka sa de ete wan toemsi moi okasi tapoe san den brada nanga sisa sa kisi boen jeje leri èn kan gi makandra dek’ati (Hebr. 10:24, 25). Bodoi foe a bijbel di wi no kan doe sondro den na ini wi ten, den takiman sa pristeri di sa de na ondro na ai foe na Genootschap. Ini foeroe geval a sa de so dati bepaalde bekwaam brada foe Bethel makandra nanga opziener di e waka lontoe loekoe gemeente èn tra bekwaam owroeman ini na kring abi wan prati na a programma. Ooktoe wi sa prisiri foe sabi dati na den okasi disi sani sa seti gi wan dopoe. Gi den sma di gi den libi abra na Jehovah Gado èn di ben loekoe makandra nanga den owroeman den aksi na ini a Diniwroko-boekoe, sa abi te now ete dri okasi ini wan jari foe kisi dopoe.
MORO EENVOUDIG SETI FOE NJANJAN SANI
8 Wi e warderi na toemsi moi lobi wroko di doesoendoesoen foe wi brada nanga sisa ini den jari di psa ben foe sorgoe foe den cafetaria njanjan. Ini akroederi nanga den gronprakseri ’foe go loekoe den moro prenspari sani’ èn foe hori wi „ai soifri!”, meki a de boen gi wi tapoe den kringkomakandra èn spesroetoe komakandra di sa bigin na ini september 1987 foe bigin nanga wan moro eenvoudig seti foe gi njanjan. — Fil. 1:10; Matt. 6:22.
9 Na moro eenvoudig seti foe njanjan sa kroederi nanga na fasi tapoe san sani sa seti tapoe districtscongres. Foe meki den njanjan èn a fasi fa den o prati kon eenvoudig, meki a no sa de fanowdoe dati boen foeroe brada nanga sisa moe gi foeroe joeroe foe go bai wan lo foe njanjan sani, foe bori a njanjan bifo a programma èn wasi sani baka dati. A moro bigi pisi brada nanga sisa ben doe a wiki dati kaba grontapoe wroko kaba. A no ben sa de moro betre gi den efoe den ben sa kan gi a ten dati tapoe a weekend foe poti den prakseri a tapoe jeje sani foe di den e sdon ini a zaal èn e arki na programma? Ija! Wi alamala abi na jeje kowroe ati fanowdoe sodati wi no kon weri foe doe a wani foe Jehovah. — Hebr. 12:3; Jes. 40:29-31.
10 Ini a ten foe den ala jari fesa foe na Israel foe owroeten dan a pipel no ben mag doe nowan hebi wroko tapoe den dé tapoe san santa komakandra ben e feni presi. Wan uitzondering foe dati ben de den sreka foe fesa, pe joe ben abi ooktoe na sreka foe njanjan gi den sma di ben kon makandra. Ma ini a njanjan afersi disi Jehovah nanga krakti ben ferklari: „Soso san ibri sili abi fanowdoe foe njan soso dati mag doe gi joe” (Ex. 12:16; Lev. 23:6-8; adE blz. 375; ad blz. 370). A moro prenspari marki foe den bigi komakandra disi foe owroeten ben de asrefi leki den komakandra foe wi na ini disi ten, dati wani taki foe poti wi prakseri na tapoe Jehovah Gado èn foe wi bow wisrefi na jejefasi sondro foe sani poeroe wi prakseri. Disi de troetroe „den moro prenspari sani”. Den wortoe di Jezus ben taki na wan bepaalde okasi gi Martha, e sori na srefi prakseri. Te a e sori na tapoe sani di seti na skinfasi a e taki: „Tokoe soso pikinso sani de fanowdoe, ofoe soso wan” (Luk. 10:38-42). Wi abi na overtoigi dati na moro eenvoudig seti foe njanjan sani sa jepi wi alamala foe sorgoe dati wi doro na marki foe wi bigi komakandra.
JOE KAN LIBI MORO EENVOUDIG?
11 Foe den bodoi di de na tapsé dja e kon na krin dati Jehovah organisatie e seti moro doeltreffend ini a toemsi druk ten disi foe na kaba. „Na ten di tan abra kon sjatoe” èn hondro doesoendoesoen sma e moksi densrefi na oenoe ini na strélon foe kisi tego libi ini wan regtvaardiki njoen seti foe sani (1 Kor. 7:29). Netleki wan strélon-man ini wan strélon e hori soso den moro fanowdoe sani, na so wi alamala moe loekoe san wi persoonlek kan doe foe libi moro eenvoudig. Paulus e gi a dek’ati: „Meki wi poeroe ibri hebi nanga na sondoe di makriki e kisi oenoe poti a wan sé èn nanga horidoro waka na strélon di de a wi fesi” (Hebr. 12:1). Ini a tori foe sani na skinfasi ofoe grontapoe wroko, wi kan aksi wisrefi: „Na wan sani di mi abi fanowdoe foe tan na libi èn dini Jehovah? A sa jepi mi foe tron wan moro boen dienstknegti foe Jehovah ofoe a sa tjari mi kon so fara foe go doe en moro safri?”
12 Efoe wi e waka na baka na eksempre foe Jehovah organisatie foe di wi e gebroiki wi ten nanga den sani di wi abi so boen leki a kan foe meki Kownoekondre-afersi go na fesi èn foe gi grani na Jehovah nen dan wi kan ferwakti séker foe wini na strélon foe na libi èn foe kisi wan prati na ini den wondroe blesi di Jehovah abi foe gi na en dienstknegti a krosbé ten di e kon èn na alaten foe tego! — Teki gersi 1 Korinte 9:24-26.