Tan luku fa yu e waka
1 Na nyun kringkonmakandra-programa gi na dienstyari 1990 sa bigin ini september a sa poti krakti tapu na prenspari fu luku bun fa wi e waka, fu feti baka den sani di e meki a vrede go na fesi èn fu way pasi gi den trapu di Satan èn den yeye bakaman fu en èn so srefi tu libisma bakaman fu en e tyari kon tapu wi pasi.
2 Waka na pasi fu regtfaardikifasi, no e kon moro makriki ini den lasti dey. Na tu dey kringkonmakandra-programa fu dati-ede sa gi deki-ati nanga praktis ray fu yepi Yehovah pipri fu kibri na yeye balansi èn fu buweysi taki den de sma di e kibri den soyfri reti-fasi.
3 Na prenspari tori fu na konmakandra: „Tan luku fa yu e waka”, di abi en gron ini Efesiya sma 5:15, 16 fiti srefisrefi fu na bow nanga pristeri fu na materiaal di sreka. Na leri sa gi nanga yepi fu lezing, demonstratie. ondrofenitori, interview nanga syatu tafereel. Tapu satra, sma di no so langa ben gi den srefi abra sa man teki dopu. Den sma di wani dopu tapu na kringkonmakandra, musu meki na fesiman owruman sabi dati langa ten a fesi, so taki sani kan seti fu luku nanga den den aksi di musu luku bifosi den dopu.
4 Na heymarki fu na kringkonmakandra na a publiki taki fu na distriktopziener. Na tori fu en lezing sa de: „Tyariman fu leti na ini wan dungru grontapu”. Na beybri takimakandra disi sa abi bodoy gi sma di a no langa ben kisi belangstelling no kan misi, èn a sa gi deki-ati na den wan di e dini kba leki bedinari fu na bun nyunsu. — Mateyus 24:14.
5 Unu kringopziener sa meki unu sabi oten èn pe unu kringkonmakandra sa hori. Poti fasti sani na prakseri fu fisiti ala den konmakandra tapu den tu dey. Kwetikweti wi no kan gi pasi fu wi misi srefi wan pisi fu na programa. Yehovah sa bresi yu muyti fu di a e go yepi yu fu luku fa yu e waka.