Nyun Kring Konmakandra Programa

Sortu trutru wini yu e kisi now fu di yu e waka nanga Yehovah? Fa yu kan kakafutu gi a tesi fu meki taki tra sani di no de theokrasia sani, e puru Kownukondre afersi fu a fosi presi na ini yu libi? (Mt. 6:33) ¿Yu feni taki a muilek fu si san bun èn san ogri na ini wan grontapu di e meki taki san ogri luku leki a bun? (Hebr. 5:14) A „Kisi Wini Now fu Di Yu E Waka den Pasi fu Gado” kring konmakandra, di e bigin na ini september 1999, sa taki fu den tori disi.​—Ps. 128:1.

Wan nyun sani fu a kring konmakandra disi na satra sa de a hori di den sa hori wan model Diniwroko Konmakandra. A kringopziener fu yu sa taigi den gemeente sortu sani seti, so taki ala sma kan sreka densrefi fu nyan bun fu a programa dorodoro.

A pisi di nen „Pionier​—Luku Bun Fa Yu E Waka” sa sori wi fa fu gebroiki koni nanga reidelekfasi so taki wi kan bai a yoisti ten gi a pionierwroko (Ef. 5:15-17). A tori „Luku Bun Nanga Pasi Di Gersi Nomo Taki den Bun” sa leri wi fa wi kan de seiker san Gado e feni bun na ini ala pisi fu a libi. A lezing „Fa Profeititori Di Kon Tru Abi Krakti na Tapu Wi” sa yepi wi fu furu wi denki nanga wi ati nanga lobi gi a Wortu fu Gado. A publikitaki „Den Pasi fu Gado​—¡Den Bun Srefisrefi!” sa poti krakti tapu den trutru wini di wi e kisi now, fu di wi e libi akruderi den regtfardiki markitiki fu Yehovah.

¿Yu wani sori na publiki fu di yu e teki dopu, dati yu wani waka Gado pasi leki wan futuboi fu en di gi ensrefi abra? Dan taki nanga a fesiman opziener, so taki a kan sreka den sani di de fanowdu.

Abi a fasti bosroiti fu no misi a kring konmakandra disi di sa de na a reti ten. Fisiti a heri programa fu tu dei, bika „koloku fu ibriwan sma di e frede Yehovah, di e waka den pasi fu en.”​—Ps. 128:1.