Njoen kring-konmakandra programa

„Hori den komando foe Gado èn tan na libi” na a thema foe a toe dei kring-konmakandra programa di e bigin na ini september (Odo 4:4). A sa poti prakseri na tapoe foe san ede a gi di sma e gi jesi na den komando foe Gado no de wan hebi lai gi wi. Moro fara, a sa sori fa a doe di wi e doe a wani foe Gado e tjari kowroe-ati nanga troe kolokoe kon èn nanga howpoe so srefi gi a ten di de na wi fesi. — Mat. 11:28-30; Joh. 13:17.

Den wan di wani teki dopoe na a konmakandra foe di den e gi jesi na a komando foe Krestes moesoe taki nanga a fesiman opziener, èn en sa seti den sani di de fanowdoe. — Mat. 28:19, 20.

Wan symposium sa froeklari den praktis fasi fa wi kan sori lobi gi Gado èn gi den brada foe wi (Joh. 13:34, 35; 1 Joh. 5:3). Bodoi di e naki joe ati di teki foe Psalm 19 nanga 119 sa de toe na ini a programa. Ala di a froemane ini den psalm disi di sma skrifi doesoendoesoen jari pasa kaba nanga jepi foe Gado en santa jeje, tokoe wi sa si fa a e gi winimarki gi wisrefi na ini a ten disi.

A poeblikitaki di a distriktopziener o hori abi a nen „Frede Gado èn hori den komando foe en” (Preik. 12:13). A lasti lezing foe a kringopziener o sori fa jongoewan kan njanboen na a moro boen fasi foe a libi now èn foe san ede den kan abi froetrow, ini wan tamara di o tan foe têgo. A distriktopziener e tapoe a programa foe di a e kari den foeroe winimarki di e kon foe di sma e libi akroederi „a kownoe wet” foe lobi (Jak. 2:8). Foe troe, disi na wan konmakandra programa di no wan sma ben sa wani foe misi!