Njoen kring-konmakandra programa
1 A njoen kring-konmakandra programa di e bigin na ini september, sa taki foe a thema „Ondrofeni moro foeroe kolokoe na ini a gi di joe e gi” (Tori. 20:35). Den e taki foe kolokoe leki „a de di wan sma de gosontoe èn tevrede”. Na ini a ten disi, moro foeroe sma e graboe ala sortoe prisiri di den man kisi foe a libi, èn te den e doe en, foeroe tron na foe wan pisiten nomo. Disi a no troe kolokoe. Ma tokoe Jehovah e leri wi fa foe gi wisrefi wini foe têgo (Jes. 48:17; 1 Joh. 2:17). A njoen kring-konmakandra programa sa poti krakti na tapoe fa wi kan kisi moro foeroe kolokoe foe di wi e gi na jejefasi.
2 Wi sa leri den praktis fasi fa wi kan gi wisrefi na ini a diniwroko. Son wan foe den lezing di den opziener di e rèis sa gi, abi leki nen: „Meki mati nanga jepi foe onregtfardiki goedoe”, „Lespeki a sorgoe di Gado e sorgoe gi ’presenti na ini sma’” nanga „Ondrofeni den foeroe fasi foe troe kolokoe”. Den wan di abi a winsi foe teki dopoe tapoe a konmakandra disi, sa wani taki nanga a fesiman opziener, so taki a kan sreka sani taki den owroeman kan doe den dopoe-aksi nanga den. A dini foe Jehovah na ini wan soifri matifasi sa tjari foeroe kolokoe kon gi den wan di no teki dopoe so langa ete.
3 So srefi, a joisti fasi foe erken a makti foe Jehovah e tjari troetroe kolokoe èn seikerfasi kon. Ala sma moesoe foe sabi disi. Foe dati ede, a poeblikitaki foe a kring-konmakandra sa taki finifini foe a thema: „Moksi joesrefi nanga a kolokoe pipel foe Gado.” Sorgoe taki joe kari ala den wan di sori belangstelling gi waarheid foe kon na a taki disi. Den no feni opregti seikerfasi èn kolokoe di e tan na ondro libisma tiri na ini a grontapoe disi di didon na ini a makti foe Satan (Preik. 8:9). Ma den sa feni prisiri srefisrefi te den abi demakandra nanga a kolokoe pipel foe Jehovah! — Ps. 144:15b.
4 Ala di sani e kon moro takroe na ini a seti foe sani disi, a kolokoe Gado no sa libi den wan di e ondrofeni moro foeroe kolokoe na ini a gi di den e gi na jejefasi (1 Tim. 1:11). A njoen kring-konmakandra programa sa sori taki disi de so. No misi en!