Njoen kringkonmakandra-programa
1 Ini a gi di den e gi jesi na den wortoe foe Jesus na ini Mateus 6:33, troe kresten ben poti a Kownoekondre ala ten na a fosi presi ini den libi. Foe dati ede, „Tan soekoe fosi a Kownoekondre” de wan thema di fiti gi a kringkonmakandra-programa di sa bigin ini december 1993.
2 Foe na bigin, a programa sa tjari kon na fesi taki a Kownoekondre na wan troetroe tiri. A sa sori taki a Kownoekondre na wan tiri di e wroko, di abi wan kontren pe a e tiri, tiriman, sma di de na en ondro, èn di abi wet. Te joe loekoe en boen dan foeroe foe den wet foe libisma tirimakti di e gi wini na a libimakandra abi den gron tapoe den wet foe bijbel.
3 Den sa poti prakseri tapoe a kibri èn den blesi di wi kisi foe di wi e poti a Kownoekondre na a fosi presi ini ala fasi foe wi libi. Rai di kan gi wi foeroe jepi, sa gi foe sori fa wi kan kibri wisrefi gi broko ede di, efoe joe loekoe en boen, no de fanowdoe. Nanga jepi foe lezing, demonstrâsi nanga takimakandra den sa sori foe san ede a de so prenspari foe hori wi ai soifri.
4 Tapoe a satra foe a konmakandra, sma di doro den marki foe teki dopoe sa man foe meki bekènti na poebliki a gi di den gi densrefi abra na Jehovah. Èn tapoe sonde, wi alamala sa wani foe de drape gi na poebliki taki, di abi leki nen „San a Kownoekondre foe Gado sa doe gi libisma famiri”.
5 De seiker taki joe e meki plan so taki joe de drape ala den toe dei foe a kringkonmakandra. A programa makandra nanga a switi demakandra foe brada nanga sisa, sa gi wi jepi na jeje fasi èn deki-ati di e gi kowroe ati di no wan foe wi no sa wani misi.