Njoen Kringkonmakandra programa
1 A thema di sa kon de krin foe si ini a njoen Kringkonmakandra programa, di e bigin ini september, na: „Tan na ai, tanapoe kánkan, kon de makti.” A abi en gron tapoe den wortoe foe na apostel Paulus gi den fosi jarihondro kresten, foe gi den deki-ati èn di skrifi ini 1 Korentesma 16:13.
2 A programa sa bigin nanga foe poti krakti tapoe a ondrosoekoe di wi moesoe ondrosoekoe wisrefi na jejefasi alatron baka. Foe tan hori fasti na san boen ini den „lasti dei” disi, wani taki dati wi e loekoe fa a de troetroe nanga wi matifasi nanga Jehovah èn a nen di wi abi ini en organisâsi na grontapoe (2 Tim. 3:1). Den sa memre wi foe a warderi di Gado e warderi ala a tranga wroko foe wi. Wi moesoe kisi leri foe sabi fa wi kan meki den kresten eigifasi foe wi kon moro boen èn fa wi kan tan tjari wisrefi na wan fasi di de wan boen eksempre.
3 Den sa poti krakti toe na tapoe a fanowdoe foe de fajafaja ini a wroko foe meki disipel, ala di wi e soekoe foe gro na jejefasi èn e soekoe foe abi moro frantiwortoe. Den sa abi sosrefi praktis rai fa aparti sma nanga osofamiri kan tan njan na jejefasi tapoe fasti ten. Disi sa de foe si ini difrenti sortoe lezing, demonstrâsi, nanga takimakandra.
4 Tapoe satra, sma di doro den marki, sa kan meki bekènti na poebliki a gi di den gi densrefi abra nanga jepi foe a dopoe ini watra. Baka dati, tapoe sonde wi alamala wani foe de drape foe arki a poebliki taki, di abi leki nen „San na joe posisi na Gado?”
5 A programa sa tapoe nanga a gi di den sa gi deki-ati foe tanapoe fasti ini bribi, èn ala ten handri nanga makandra ini a jeje foe lobi nanga vrede. A Kringkonmakandra na wán foe den spesroetoe okasi di Jehovah e gi wi alamala foe ’gi makandra deki-ati foe sori lobi èn foe doe toemoesi boen wroko’ (Heb. 10:24, 25). Teki a fasti bosroiti foe de na a heri programa ala den toe dei.