Poti prakseri na den graniwan na wi mindri
1 Wan kristen frantwortu fu san wi alamala kan du, de a sori di wi e sori dati wi e frustan wi grani brada nanga sisa. Te den yari e psa dan den lobiwan disi e kisi fu du nanga skin problema. Fu sani ede di den no abi ini anu meki dati sonwan no man fu du someni ini Yehovah dienst leki fosten. (Preik. 12:1-6). Èn net soleki wi alamala na so den ooktu e firi den furu fasi fu druk di a seti fu sani disi e tyari kon tapu den.
2 A Wortu fu Gado e tyari kon na krin dati a sorgu fu den graniwan moro furu de tapu den osofamirman (1 Tim. 5:8). Toku wi ooktu persoonlijk èn leki gemeente sori dati wi e frustan „na persoon fu wan grani man” — Lev. 19:32.
SAN WI KAN DU
3 O moro Yehovah organisatie e gro èn nyun gemeente e kon opo na so son graniwan e kon ini gemeente pe pikinso sma sabi den bun. Wi e taki den odi tapu komakandra? Ofu wi e proberi fu leri sabi den moro bun fudi wi e bigin wan takmakandra nanga den, fudi wi sabi omeni muiti den mu du fu de drape? Wi ben go luku den na oso? Ofu tapu bun momenti wi e hori kontakti nanga den nanga yepi fu telefon? Wi no wawan ben go luku den fu aksi fa a e go nanga den ma ooktu fu si ofu wi kan du wan sani gi den? Ofu e yepi den nanga fanowdu moni afersi? A de wan sani fu prijse dati son sma ini na gemeente e du den sani disi. Ma moro sma de a wi mindri fu sori na sortu brada sorgu disi? (Teki gersi Lukas 10:36, 37). Fu sori dati wi e frustan den graniwan de wan grani pe ala sma kan teki prati na ini.
4 Den owruman kan ferteri na gemeente efu spesrutu fanowdu sori densrefi. Ma wisrefi aparti kan pristeri wisrefi fu yepi graniwan nanga sani nanga san den abi muiti nanga en kande ofu di de tumsi furu gi den. Den abi wan sma fanowdu di kan leisi gi den ofu kan teki den go ini na dienst, awinsi den kan abi wan prati soso fu wan skotu ten? Wi e teki ten fu go luku wi brada nanga sisa di de na ini atoso fu kisi sorgu ofu di fu skinproblema ede tai na oso? — Odo 3:27.
5 Soleki a Wortu fu Gado ben taki a fesi, dan sma de ini a ten disi di „de trangajesi na papa nanga mama, no de nanga tangi, deloyaal, sondro natuurlijk lobi” (2 Tim. 3:2, 3). Ma leki kristen wi wani tan farawe fu na geest fu na grontapu pe sma e prakseri densrefi nomo. Wi no wani abi en tumsi druk fu kan prisiri wisrefi ini na kompani fu graniwan di de tumsi moi eksempre ini lobi nanga a gi di den e gi densrefi ini a dini fu Yehovah. Na getrowfasi nanga san den, so fara den man fu du disi, e fisiti komakandra èn e abi prati na a velddienst, de wan dek’ati sani, spesrutu efu wi e frustan na muiti di a e kostu den.
A FASI DI GRANIWAN MU ABI
6 Noiti wi mu gi graniwan na firi dati den tron wan hebi gi na gemeente ofu dati wi no e warderi den moro langa soso fudi na krakti fu den go na baka èn den no kan du so furu moro leki fosten. Na a tra sei a de wan moi sani fu si na yeye fu warderi na den graniwan. A de wan sani fu prijse te den no tron wan sma di e feni fowtu nomo ofu di e aksi furu. Wan positief fasi fu a sei fu den e yepi den fu ten farawe fu wan yeye fu kragi nomo ini na sabi dati Jehovah kan yepi den fu horidoro gi tesi nanga san den kisi fu du nanga den tapu owrudei. Leki gemeente èn leki aparti memre wi wani sori na wan lobi fasi dati wi e frustan den getrow graniwan di de na wi mindri — Teki gersi nanga Hebrewsma 10:32-34.