Sai kownukondre siri
1 Psalm 126:6 e taki fu na sai fu letterlek siri en e taki: „Na sma di sondro mankeri e go . . . ala di a abi wan saka na en di furu nanga siri, sondro mankeri sa drai kon baka nanga prisiri babari, aladi a e tyari den bosu fu en.” Na ini Preikiman 11:6 na saiman fu siri e kisi dek’ati nanga den wortu: „Sai ini na mamanten yu siri en no meki yu anu rostu te go doro neti; bika yu no sabi pe disi sa waka bun, efu a de now dya ofu yana, ofu dati alatu sa de bun asrefi.”
2 Te wi abi wan prati na a velddienst, dan te yu luku en bun wi ooktu e tyari wi saka di furu nanga siri ma, dan siri na yeye fasi. Na doeltreffendheid fu na sai fa yeye siri fu wi e kon moro bigi nanga yepi fu lectuur di e poti sma prakseri tapu na bun nyunsu fu na Kownukondre. Na lectuur disi e taki fu tori di de fu belang gi furu sma èn di e sori o tranga fanowdu a de gi den fu kon sabi moro fu na bun nyunsu fu na Kownukondre. Nanga yepi fu na getrouw srafu Yehovah ben sorgu fu wan tumsi bun voorraad fu bijbellectuur fu gebroiki na a wroko di de na ini a sai fu na Kownukondre siri na ini a ten disi fu na kaba.
BODOI PASA MARKI
3 Ini wi velddienst ini februari wi sa tyari na Schepping-buku kon agen na a prakseri fu den sma. Luku pikinso den mogelekheid di wi e pristeri den sma fu leri den sma fu poti fertrow ini a bijbel. A buku disi di e kostu soso f 5,- e gi wan maksin fu bodoi di e go fu na betrouwbaar-fasi fu na bijbel. Opo pikinso bladzijde 199 èn leisi den punt di de ini kapitel 17. Gi sma nanga wan bun skoro opleiding na tori fu na bijbel en na wetenschap di de tapu bladzijde 200 de tumsi moi. Gi sma di abi belangstelling gi gesontu, medische wetenschap èn den sortu sani dati, yu kan meki den si bladzijde 204. Tapu bladzijde 207 yu e feni na edeprakseri Na bijbel èn na historia; disi sa taki nanga den sma di e studeri ete ofu e gi les ofu di abi belangstelling ini historia. Gi sma ini algemeen di wani si a redelek bewijs èn e denki fu prenspari afersi, tanapu tapu bladzijde 214 wan sani di e go fu eerlijkheid nanga wanfasi.
4 Na tra kapitel, kapitel 18 behandel a tori: „Na Gado ben meki den skrifi na bijbel trutru nanga yepi fu en yeye?” Dyaso tumsi moi bijbel profeititori e tyari kon a fesi di abi kaba a kontru fu den ini na historia, èn di na tru tori e sori taki den de tru. Den e taki fu eksempre fu: na fadon fu Babylon, na kon èn go fu den grontapu makti, na taki a fesi fu na kon fu a Messias èn na pori fu Yerusalem ini a yari 70 G.T. Profeititori di e kon tru now, den e behandel na a kaba fu na kapitel disi. Futru, na bijbel ben bewijsi dorodoro na betrouwbaar-fasi fu en èn dati yu kan bribi na ini en leki wan buku di na Mekiman meki den skrifi nanga yepi fu en yeye.
5 Kande a de mogelek srefi fu taki nanga den sma fu kapitel 19 di e go fu wan grontapu paradijs èn fu meki den si fa wan sma kan nyan bun dorodoro fu a libi na ini ala den difrenti pisi fu en. Efu yu kan prani èn e nati den siri fu waarheid, begi dan alaten baka fu na tiri èn blesi fu Yehovah, fu di a de a Gado di e meki sani gro. — 1 Kor. 3:6.