Sai na waarheidsiri èn sorgoe moro fara foe en
1 Te wi e gi sma kotoigi, e presteri boekoe, e libi traktaat nanga strooibiljet na baka, dan wi e sai siri foe Kownoekondrewaarheid. Jezus ben agersi wi wroko nanga wan gronman di e sai siri (Luk. 8:5-8). Wi wani sai siri ini a ati foe someni sma leki a kan. Joe toe no e prakseri so foe disi?
2 A moro bigi groepoe foe wi e psa wan bigi pisi foe wi ten te wi de ini na velddienst, na a oso na oso wroko èn disi de joisti. Wi ben sa wani troetroe foe taki na ibriwan oso nanga wansi wàn sma nomo. Ma nofotron a de fanowdoe foe tjari wan di foe toe noso di foe dri fisiti bifo joe miti wan sma na oso. Kande wi e gi tra sma na wi wrokope kotoigi. Foeroe prékiman e doe stratiwroko dorodoro èn nanga disi den e meki moeiti foe miti tra sma baka. Ini Wi Kownoekondre dienst wi ben kisi na rai foe go taki nanga sma di e wroko ini a djari noso a prasi foe den èn foe taki toe nanga sma di e tjari sani gi joe èn sma di e krin noso sorgoe foe sani Prékiman 11:6 e gi wi rai foe ’sai wi siri’ nanga wan boen konsensi, bikasi wi noiti sabi na fesi pe a sa meki roetoe.
PRESTERI A BIJBEl
3 Januari de na moen foe wroko nanga a bijbel. Disi e gi eri boen okasi foe gi wi birti dekati foe teki wan foe den Nieuwe Wereldvertaling, makandra nanga wan boekoe foe 192 bladzijde. Na boekoe „Uw koninkrijk kome” kan presteri heri boen nanga na bijbel.
4 Foe san-ede wi sa gi den sma a rai foe teki wan Nieuwe-Wereldvertaling, foe di foeroe foe den kande abi wan bijbel kaba? Foe di a de wan moderne vertaling, di vertaal wantron wantron foe na Hebrew nanga Griki tongo di ben de den tongo di a bijbel ben skrifi na ini ini na bigin. Den sma di vertaal a Nieuwe-Wereldvertaling ben doe ala san den kan foe djaranti wan soifri vertaling. Wan bigi fanowdoe de foe tjari na Nieuwe-Wereldvertaling go na den sma. Fa joe ben sa kan presteri a bijbel na den doro? Kande difrenti fasi ben wroko boen ini joe kontren. Leki wan rai joe ben sa kan proberi en na a fasi di e kon now, nanga di joe e gebroiki na Tori foe Takimakandra:
5 „Morgoe, mi nen . . . . . èn mi bréti foe miti joe na oso. Na gron foe san-ede mi kon na joe de foe di mi ben sa wani foe ferteri joe sortoe loesoe na bijbel e gi na den problema foe na libisma-lo. Soleki kande joe ben si, dan foeroe sma e frede na ten di e kon gi na grontapoe. (Lési Lukas 21:26.) Kolokoe dati wi kan lési sosrefi toe ini na bijbel foe a pramisi foe Gado di a ben gi foe na grontapoe. (Lési Psalm 119:90.) Soboen, wi no abi foe frede gi na ten di e kon gi na grontapoe. Foe di den piki disi foe na bijbel e gi wi howpoe, meki nanga ala prisiri mi ben sa wani libi wan foe a modern vertaling disi, makandra nanga a boekoe disi, foe Sf 7,50.” Den sma ini na grontapoe moe froestan a Wortoe foe Gado, efoe den wani kisi loesoe. Jezus nanga den fosten kristen ben de loyaal sma di ben meki na Wortoe foe Gado go na fesi. Meki wi de disi sosrefi toe te wi sa presteri a moen disi na Nieuwe Wereldvertaling makandra nanga dri sakaformaat-boekoe.
GOBAKA
6 Na apostel Paulus ben taki foe na prani èn na nati foe na waarheidsiri (1 Kor. 3:6). Disi e kroederi nanga Jezus komando foe leri sma èn meki den tron discipel (Matt. 28:19, 20). Soboen, na wi tapoe na frantwortoe de foe go fisiti sma di wani jere èn foe doe moeiti foe nati na waarheidsiri èn foe sorgoe moro fara gi en. Fa wi kan doe disi?
7 Gi sma nanga wan opregti ati na Kownoekondre-boskopoe de boen njoensoe. Na kownoekondre sa loesoe den problema foe den èn sorgoe gi ala fanowdoe foe na libisma-famiri. Soboen, te joe e go baka na den sma disi, meki den si ini na bijbel san na Kownoekondre sa doe. Proeberi foe kon sabi foe san den e broko den de èn foe san den abi belangstelling. A sa jepi joe foe kon sabi sortoe wan foe den blesi foe na Kownoekondre e taki moro nanga den. — Matt. 10:7, 12, 13; 9:36.
8 A de moro boen, foe poti ten na wan sé leki wan gwenti foe go baka na sma èn foe proeberi foe opo studi. Foeroe ben meki en leki wan gwenti foe teki prati alaten na a oso-na-osowroko tapoe sonde. Moro foeroe ben si dati wan sma e kisi jepi moro boen te, baka na fosi kontakti, wi go esesi baka. Joe ben go baka oiti wan dé ini na pisi ten foe wantoe dé, te na belangstelling no kon moro pikinso soboen? Disi kan de toemsi boen.