Wan komakandra di e gi wi tranga na jeje fasi
1 Paulus ben taki dati „tranga njanjan . . . de foe lepi sma, na den di nanga gebroiki ben oefen na powa foe si boen nanga ogri” (Hebr. 5:14). Den gemeente komakandra e gi na tranga jeje njanjan di de fanowdoe foe tranga na froestan èn na ati. Na komando foe na bijbel foe ’no libi den komakandra foe wi foe dat-ede no moe teki lekti. Wi abi boen rede foe gi jesi na a gronprakseri disi foe santa jeje. — Hebr. 10:23-25.
2 Te joe e go alaten na ala tra gemeente komakandra èn joe e abi wan prati na den, joe njan boen èn dringi foe den, dan joe noiti moe tjari doro-ai na a waarde foe na ala wiki gemeente boekstudie. Dati na georganiseerde komakandra di foe moro pikin groepoe, e hé na jeje waarde foe en. Nanga dati ibri wan sma kan abi wan moro bigi prati na ini. Nofotron moro ten de foe soekoe bijbeltekst foe lési èn foe taki foe den. Njoen sma nanga pikin-nengre e feni en moro makriki foe gi piki èn den e go esesi na fesi te den e kisi moro froetrow ini den srefi te den e tjari kon ondro wortoe san den e bribi. Commentaar foe lepi prékiman foe moro „hebi” stof e meki dati ala sma di de e kisi tranga èn en bribi e bow. Nanga a gi dekati na makandra tapoe na boekstudie, dan ala sma di e hori baka gi na seti disi, den bribi e kon moro krakti èn disi e meki wan moro tranga banti foe wanfasi kon. — Odo 27:17; Rom. 1:11, 12.
3 Ini na wiki foe toe januari den gemeente ini bakratongo e bigin tapoe na gemeente boekstudie nanga a studie foe na boekoe „Joe Kownoekondre moe kon”. Ini den Sranantongo gemeente wi e go doro foe studeri na boekoe „Gado doesoen jari kownoekondre kon krosbé kaba”. Sorgoe dati alaten joe de a tapoe den boekstudie èn dati joe sreka joesrefi a fesi èn abi wan prati na en.
SREKA JOESREFI A FESI
4 Te wi e sreka wisrefi alaten foe na boekoestudie èn wi e abi wan prati na en, dan wi e tranga na jejefasi (1 Kor. 16:13). Den komakandra e kon moro switi èn den e gi wi moro dekati te wi e teki prati na den. Na bakapisi de moro prisiri satisfaksi èn jeje gro. Te wi e gi piki na den komakandra, dan wi brada nanga sisa sosrefi toe e kisi dekati nanga tranga foe disi.
5 Ibri osofamiri kan seti moro boen gi densrefi na sreka a fesi foe na boekstudie, ini kroederi nanga den fanowdoe èn omstandigheid foe na osofamiri. Ini son osofamiri ibri sma foe a osofamiri e sreka densrefi aparti na fesi foe na studie. Sowan foe den e studeri ibri dé wan toe paragraaf te den e reis go na ofoe e komoto foe wroko. Papa nanga mama kan jepi den pikin foe te den e memre den èn e gi den dekati foe sreka densrefi na fesi foe na studie. Son osofamiri e feni wan switi sani foe poti ten na wan sé foe sreka na heri les makandra na fesi.
STUDIELEIDER NANGA LÉSIMAN
6 Na studieleider moe sreka ensrefi boen na fesi sodati ala sma di de drape sa njan a moro boen pisi foe na studie (1 Tim. 4:15, 16). Foe di sowan hafoe foe na studie joeroe de foe na lési foe den paragraaf dan na fesi wan boen lésiman moe kisi na wroko foe lési. A moe froestan na stof boen èn a moe lési nanga na joisti klemtoon èn krin. (Loekoe Wi Kownoekondredienst foe augustus 1980, blz. 4, aksidosoe.)
7 Ini wi Kownoekondredienst foe november wi ben kisi gronprakseri ini a tori foe na weri foe krosi di fiti tapoe na boekstudie. A ben taki „te joe e fisiti na boekstudie a sa de wan sani di fiti foe weri krosi leki te joe e fisiti alaten den komakandra ini na Kownoekondre-komakandra-presi”.
VELDDIENST
8 Te wi e teki prati na a diniwroko nanga wi heri ati, dan disi de wan kibri gi wi èn wi e kisi tranga disi na jeje fasi (Rom. 12:11). Nanga a studie di wi e teki prati na den komakandra, dan na lostoe e kweki ini wi èn na faja foe prati nanga trawan den sani di wi ben leri. Foe dat-ede dati na adres pe na boekstudie e hori foeroe tron e gebroiki toe foe go ini na velddienst.
9 Tan krakti ini na bribi te joe e go alaten tapoe ala gemeente komakandra èn sreka joesrefi a fesi. Joe sa kisi tranga te joe e teki prati na den.