Yu prati fu meki den konmakandra abi winimarki
1 Den konmakandra fu wi e yepi wi fu leri sabi Yehovah moro bun. Den e yepi wi fu frustan den weti nanga gronprakseri fu en èn den e gi wi a deki-ati fu libi akruderi den. Den konmakandra e sreka wi fu abi nanga moro bun bakapisi wan prati na a preikiwroko di e kibri sma libi. Èn den e yepi wi fu doro wi marki fu têgo libi na ini Gado nyun grontapu. Wi sa nyanbun morofuru fu den yuru di wi de makandra na den konmakandra efu ibriwan fu wi aparti e du wi prati fu meki den konmakandra abi winimarki.
2 Dri prenspari fasi de fu meki den konmakandra abi winimarki — a sreka fu yu srefi, a teki prati na den èn a praktisfasi fu kobroiki den. Den disi abi fu du nanga makandra. Wan bun sreka e meki taki a de makriki èn prisiri fu teki prati. Wroko fu a bribi di e sori prisiri nanga wan faya fu du sani e gi den wan di e arki deki-ati èn e yepi den (Ef. 4:29). A de moro seiker taki ala sma di de drape sa kobroiki den bodoi dati efu den e frustan èn e kisi yepi fu a fasi fa kobroiki den na ini den eigi libi èn na a yepi fu trawan fu tron disipri.
WAKTITOREN-STUKA NANGA GEMEENTE BUKUSTUDI
3 Na Waktitoren-stuka nanga a gemeente bukustuka de tumusi prenspari konmakandra fu di nanga den disi a „kotrow èn koni srafu” e gi nnyan na a osofamiri fu bribi (Mat. 24:45-47). Yu e poti ten a wan sei fu studeri a materiaal fu san den sa taki? Yu sreka fu gi piki na den konmakandra? A de krin taki yu e prei wan prenspari ròl ini a tori disi?
4 Efu yu studeri a materiaal fu Na Waktitoren-stuka nanga a gemeente bukustudi finifini, dan yu sa de klariklari fu teki prati ini a moro bigi koloku di a gi fu sani e tyari kon (Tori. 20:35). Furu sma e feni en wan yepi fu hari strepi na ondro den prenspari wortu. Fu di yu e suku den beibri tekst di no skrifi finifini ini a paragraaf èn e luku fa yu kan kobroiki den disi, dan yu o kisi frustan fu na beibri gron gi den piki. Yu kan gi piki now nanga yu eigi wortu, ofu yu musu leisi den piki? A moro prenspari marki fu teyokrasia stuka de fu meki a bodoi tron wan pisi fu yu èn fu handri akruderi en nanga opregti warderi èn frustan fu sani. — Odo 2:5; 4:7, 8.
TEYOKRASIA DINIWROKOSKORO NANGA A DINIWROKO KONMAKANDRA
5 Yu e si den oefenlezing fu yu tapu a skoro leki wan sani di yu kisi fu du èn di komoto fu Yehovah èn disi e kon a krin ini a fasi fa yu e sreka yu srefi? Yu musu de seiker taki yu e frustan a materiaal èn taki yu kan pristeri en na wan fasi di e hori a sma prakseri. Ma srefi efu yu no abi wan aparti sani di yu kisi fu du, dan toku yu musu studeri, fu di ibri wiki yu e leisi den kapitri fu a beibri èn den tra materiaal di de tapu a schema. A srefi musu du tu nanga a diniwroko konmakandra. Efu yu e du disi na fesi, dan yu kan denki fayafaya fu san den e taki, te a konmakandra e hori, na presi taki yu musu span yu srefi fu kon sabi na materiaal fu a fosi tron.
6 Den demonstrâsi na a diniwroko konmakandra nanga a fasi fa den oefenlezing e hori musu de tru sani èn musu sori den situwâsi fu a kontren dati di ala sma kan kon sabi. Oefen a prati fu yu bun èn moro leki wan tron. Weri krosi tu di fiti, so taki yu krosi de wan bun eksenpre gi trawan.
7 Du muiti fu abi wan prati di sreka bun èn di e hori na wan faya fasi. Ppa nanga mma, unu yepi unu pikin fu sreka den srefi èn fu gi piki nanga den eigi wortu te na okasi de fu du dati. Iya, efu ala sma aparti e broko en ede fu de biten èn srekasreka fu abi wan prati, dan den konmakandra fu wi sa furu nanga prenspari bodoi di e buweygi wi, èn di e tyari kon na so wan fasi na fesi taki a e hori a prakseri fu den arkiman. Yu sa du yu prati na ini a tori disi so taki „ala sani e du fu bow” den tra sma di e konmakandra nanga yu? — 1 Kor. 14:26.