Yepi den sma di e misi komakandra
1 David ben sori pe en tranga winsi ben go di a ben taki: „A mindri den ip’ipi sma di komakandra mi sa blesi Yehovah” (Psalm 26:12). David ben meki wi kon sabi den ip’ipi sma di ben komakandra leki anbegiman fu Yehovah. Na tranga winsi fu wi de asrefi wan leki a di fu David? Wi kan sori dati disi de so fudi wi e fisiti geregeld komakandra pe wi kan blesi Yehovah èn gi trawan dek’ati fu du asrefi. — Hebrewsma 10:24, 25.
2 Seiker kande yu abi na ini yu gemeente wantu sma di e fisiti komakandra ma di no de ete preikiman fu na bun nyunsu. Den laste cijfer fu na fisiti fu komakandra ini na kondre disi e meki wi si dati na nomru fu sma di e go na publiki taki de moro leki 50 procent moro hei leki na nomru fu preikiman. San wi kan du fu yepi den sma disi fu kon sofara fu teki prati na a diniwroko? Sonwan de pikin fu anbegiman fu Yehovah, ma wan bun bigi pisi de fu nyun sma di ben kisi belangstelling. Wi ben sa man fu yepi den sma disi di abi belangstelling? Wantu fu den ben de sma di no e kisi bijbelstudi ete. Efu yu e taki nanga den tapu den komakandra, dan kande yu sa si dati sonwan fu den ben sa feni en moi efu yu ben sa ori wan bijbelstudi nanga den.
3 Na lobi fu den brada gi makandra èn gi nyun sma no e tan wan sani di sma no e si. Soleki wán yonguman e taki baka di a ben fisiti fu fostron wan komakandra: „Mi ben fruwondru dati den ben sabi alamala densrefi èn dati na zaal den nyungunyungu fu switi takmakandra.” Disi ben meki dati a ben wani tan fu kon. A ben kan si dati na lobi di den brada nanga sisa ben abi gi makandra ben de wan trutru wan.
FASI FU GI YEPI
4 A lobi nanga brok’ede fu wi gi trawan wi kan sori te wi e taki nanga den bifo èn baka den komakandra. Wan srefi sortu tranga belangstelling gi na tanbun fu trawan Paulus ben sori. Ini Romeini kapitel 16 a ben seni odi gi wan tu sma fu san ben kon a krin dati a ben sabi den bun èn ben broko ede nanga den skin èn yeye tanbun (Romeini 16:1-16). A ben seni odi gi wantu di ben de moro langa ini wanfasi nanga Kristus leki en, fu san en belangstelling ben kon a krin gi sma ini ala stadium fu yeye gro. Na kommentaar fu en gi den e sori dati a ben teki a ten èn ben sori belangstelling fu leri sabi den. A ben frustan den problema fu den èn a ben kan yepi na yeye fasi. Kon biten na den komakandra, e gi yu wan moi okasi fu kon de bekenti nanga tra sma èn fu gi den dek’ati. Fu san-ede yu no ben sa kan proberi fayafaya fu de 15 te 20 minuut bifo na komakandra bigin drape èn baka te a komakandra klari tan wan pisten ete, sodati yu kan abi wan prati dorodoro na a gi dek’ati fu trawan?
5 Wi kan gi dek’ati na den sma di e fisiti komakandra nyunyun fudi wi e sori den fa den kan sreka densrefi a fesi tapu den komakandra. Den kan kisi dek’ati fu gi piki tapu den komakandra èn fu teki prati na a theokratis diniwrokoskoro te den doro a marki fu dati. Wantu praktis rai fu wan preikiman nanga ondrofeni kan yepi nyun sma ini na sreka a fesi fu lezing èn a gi fu syatu kommentaar ini eigi wortu. — Luku Handleiding-buku studi 4, 7 nanga 18 par. 6.
6 Leki pisi fu den ipi-ipi sma fu Yehovah di komakandra èn di e sori trutru lobi gi makandra, wi e gro na yeye fasi, èn wan tranga banti fu wanfasi de wan bakapisi fu dati (Galasia 6:10). Na lostu fu wi fu de na ini den gemeente activiteit e kon moro dipi èn wi e proberi fu abi wan moro bigi prati ini a wroko di de ini a preiki èn a meki fu disipel. Meki fu dat’ede wi tan sori lobi muiti fu yepi nyun sma fu prijse èn gi grani na Yehovah.