Yepi trawan fu warderi a lobi fu Gado
1 „Gado e rikomanderi en eigi lobi na wi na ini disi, dati Kristus ben dede gi wi aladi wi ben de sondari ete” (Romeini 5:8). Den wortu dati e tyari kon na krin na krakti di de na baka a pramisi fu Yehovah fu fri na libisma-famiri fu sondu, sari nanga dede (Yoh. 3:18). A granfasi fu Gado lobi e kon moro krin a fesi te wi e frustan dati a ben du disi gi na heri libisma-famiri. Iya srefi aladi na moro bigi pisi fu libisma no e erken en Gado-fasi èn ooktu en makti na ini den libi.
2 Fudi na okasi fu kisi tego libi de gi ala sma fu kisi, meki wi wani du ala sani san wi kan fu bow warderi gi na lobi fu Gado ini den ati fu den sma di wi e prati na bun nyunsu nanga den. Efu sma wani dini Yehovah tapu wan fasi di en e feni bun, dan wi mu abi warderi gi ala sani san a ben du gi den, spesrutu nanga yepi fu na ferlusu ofrandi fu en manpikin. Fa wi kan yepi den fu warderi na bigi lobi fu Gado?
PRISTERI NA GADO MEKI SANI-BUKU
3 Boiti na presenti fu en manpikin, Yehovah ben sori en lobi gi na libisma-famiri ete nanga yepi fu den sani di a ben meki. Toku milyunmilyun sma no e gi Yehovah na grani fu den wondru sani di a meki èn e lontu wi. Sma mu frustan na waarheid di e go fu na bigin fu na libi. Fu san-ede? Fudi, soleki den e taki disi ini par. 3 tapu blz. 8 fu na Mekisani-buku „na heri luku fu wi tapu a libi èn a ten di e kon de ondro na krakti fu na prakseri fu wi fu na du kon fu libi. Fa na libi du kon abi langalanga fu du nanga a tamara fu ibriwan fu wi èn na Gado mekisani-buku kan gebroiki fu yepi sma di de opregti fu ati fu begrijp dati Yehovah de na Mekiman fu na libi èn fu na seti fu na osofamiri.
4 April nanga mei de tumsi moi mun fu de ini a yepi-pionierdienst. Sondro degedege dan furu owruman nanga dinari ini a diniwroko makandra nanga den famirman fu den, sa kan abi wan prati na a yepi-pionierwroko, èn na so fasi gi wan tumsi moi eksempre na a gemeente.
5 Gebroiki na mun april fu yepi trawan na ibri okasi fu warderi na lobi fu Gado fudi yu e kari nyun sma fu kon na a memre-fesa, èn fudi yu e pristeri a Gado meki sani-buku. Na so fasi wi kan sori dati wi e warderi na lobi fu Gado srefsrefi.