Léi progressief bijbelstudi
1 Léi bijbelstudenti op tapu wan progressief fasi fu miti a punt fu de wan disipel, e aksi furu denki nanga bun planning. Studi musu bigin èn léi nanga wan krin marki ini prakseri, dati na fu yepi na sma di e kisi leri fu tron wan disipel fu Kristus Yesus di e meki froktu (Matt. 13:23). Leri den so bun fu ondrow ala sani di Yesus gi leki komando (Matt. 28:19, 20). Na sma di e kisi leri o frustan taki na studi sa hori ala wiki fu yepi en fu kisi wan fondamenti sabi fu Gado Wortu. Tyari kon ooktu na krin na wan switifasi o fanowdu a de fu go a fesi trutru fu di a e du san a e leri (Odo 22:17; Fil. 3:16). Ma tapu sortu aparti kontren go na fesi musu de fu si?
2 Na preikiman doro nomo musu tanapu tiri na den go na fesi di a bijbelstudi e meki. Aksi yusrefi; A e sreka ensrefi tapu a les èn a e suku, den tekst di no skrifi? (Tori. 17:11; 1 Thes. 2:13). A e gi komentaar nanga en eigi wortu èn a e sori dipi firi fu warderi gi den bijbel waarheid di a e leri? (Odo 2:1-6) A ben sa fiti fu gi en dek’ati fu leisi ekstra ini Gado Wortu èn den publikatie fu na Genootschap? A abonneer tapu Ontwaakt! èn Na Wachttoren? A go na fesi so fara dati a ben sa warderi na seti fu na dagtekst?
3 A e sori nanga en taki, fasi èn maniri fu tyari ensrefi dati a e teki den bijbelmarkitiki ini a tori fu na moraal? (1 Korinte 6:9, 10) A e tyari kenki kon ini en persoonlekheid? (Ef. 4:22-24) Opregti warderi gi den bijbel waarheid e beweigi en fu taki nanga en famirman, kompe ofu birti tapu wan informeel basis fu den sani di a leri? (Luk. 6:45) Efu na skinfasi èn akruderi en omstandigheden a man, ai meki dan wan faste patron fu a fisiti fu komakandra du kon? (Hebr. 10:23-25) Wan luku fu den go na fesi di na sma di e kisi leri meki tapu den kontren disi, sa de wan yepi fu bepaal ini ofara ’a teki nanga safri ati fasi na fu na Wortu fu Gado’. — Yak. 1:21.
TAPU DEN STUDI DI NO E MEKI FRUKTU
4 Efu wan sma di e kisi leri no e go na fesi na wan fasi di wani taki wan sani èn dati bakadi yu ben yepi en nanga pasensi na wan reidelek fasi, a kan de a moro bun sani fu gebroiki yu ten moro betre na a suku fu den sma di warti (Matt. 10:11-13). Akruderi den omstandigheden a kan de wan frustan sani fu no go doro moro langa nanga a studi. Prijse na ososma opregti gi den go na fesi di a meki. Ma tyari kon na krin dati den bijbel waarheid di a e leri, musu gebroiki ini en aladei libi. Te yu e gebroiki na agersitori fu Yesus fu na saiman, yu ben kan taki fu ibriwan fu den fo sortu gron na tapu san a e sori, èn dan yu ben kan sori fa na illustratie disi e poti krakti na tapu na fanowdu fu du wan sani positief na tapu na kownukondreboskopu. Disi ben sa kan yepi na sma di kisi leri fu frustan san tapu en fu tan go na fesi. Kande yu e kisi na okasi fu gi komentaar tapu san yu si. Abi switifasi ma taki en leti fa a de èn krin (1 Kor. 14:8, 9). Meki a sabi dati a studi ben sa kan bigin baka te den fanowdu kenki meki. Na ini a pisiten dati ten na ten yu kan fisiti en fu gi en dek’ati. Luku Wi Kownukondredienst, april 1970 blz. 4.
5 Te wi miti sma ini a gebied di kisi studi a fesi dan a de wan frustan sani fu kon sabi o langa den studeri èn nanga suma. Fu san-ede den stop? Efu a de bekenti suma ben léi a studi fosi, dan a ben sa bun fu taki na afersi nanga en èn nanga a dienstopziener bifo fu bigin na studi baka. Soleki fa a sori dan sani de di abi fu du nanga a rutu fu na tori fu san yu no de sabisabi. Son sma na ini den yari di pasa ben studeri nanga furu difrenti preikiman, sondro fu meki wantu go a fesi wan ten trutru. Wi musu gi ten na den di e sori opregti belangstelling gi na waarheid.
6 Efu yu now e tapu wan bijbelstudi ofu yu e bigin baka nanga wan di stop bifo, yu ben kan taki nanga na ososma fu na tumsi bun materiaal di ben kon ini na artikel „Ten de alaten ete fu ’drai go na Yehovah”, tapu bladzijde 437-439 fu Na Wachttoren fu 15 yuli 1976. Efu wi verbeter wi koni fu hori produktief bijbelstudi, dan furu tra sma kan kisi yepi ete fu leri sabi na waarheid, teki den na ini na aladei libi. Disi kan tyari gi den wan demakandra nanga Yehovah di en feni bun. Èn te fu kaba tego libi. — Fil. 4:9; Yoh. 17:3.