Nyan bun fu teyokrasiya demakandra
Yehovah Kotoygi e kari makandra „brada” nanga „sisa”. Disi e sori tapu na krosibey mati fasi di musu de na mindri ala dienstknegti fu Yehovah Gado.
2 Den wortu „brada” wani taki letterlek „manpikin fu na srefi pa nanga mma”. Yu e firi den banti fu wan waran yeye famiri-matifasi nanga ala den wan di de dienstknegti fu Yehovah di gi den srefi abra? Fa wi kan meki na sortu fu lobi gro moro fara di e sori taki gi wi kompe kresten wi brada de nanga sisa?
NA TAPU KONMAKANDRA
3 Den disipel fu Yeyses ben frustan o prenspari a de fu konmakandra (Tori. 2:42, 45; 20:7, 8). Wi tu e warderi na grani fu waran kresten brada fasi (Rom. 16:3, 5). Ma den wortu fu wi na tapu den konmakandra e tyari kon na krin taki yu e broko yu ede trutru gi na yeye tan bun fu wi brada nanga sisa? Nanga yepi fu wi kommentaar na tapu konmakandra wi kan meki wi lobi nanga belangstelling sondro wini gi wi srefi gi na tan bun fu trawan go na fesi. Wi wani gi wi brada nanga sisa deki-ati fu de faya ini na meki bekenti fu na bun nyunsu èn fu de eksempre ini ala pisi fu na ala dey libi. — Hebr. 10:24, 25.
4 Bifo èn baka den konmakandra furu okasi de gi teyokrasiya demakandra. Wi musu kobroyki na ten disi fu meki wi demakandra kon moro bradi fu di wi e gi nyun sma wan switi kon èn e kon bekenti nanga so furu sma leki a kan. A fruteri fu velddienst ondrofenitori èn, tra takimakandra di e bow sma, sa yepi fu gi trawan deki-ati. — 1 Thess. 5:11, 15.
GESONTU DEMAKANDRA
5 Wan sma no kan waka nanga Gado aladi a de ini konpani fu den wan fu na godelowsu, siki seti fu sani di e feni ala sani bun di Gado abi wan tegu fu den. Na beybri e warskow: „Takru konpe e pori bun gwenti” (1 Kor. 15:33). Son wan na ini na gemeente abi kande na gwenti fu gi grontapu sma di den sabi èn famiriman di no de na bribi èn di no abi belangstelling gi na waarheid, wan kari fu prisiri demakandra fu di den e prakseri taki disi sa gi den deki-ati fu teki na waarheid. Ma disi de wan frustan sani èn ini akruderi nanga den Buku?
6 Wi kisi na ray fu de frusigti ini wi kontakt (Luku Na Wachttoren Sr fu 15 november 1988, blz. 6, 7; Ned. blz. 15, 16.) Fu san-ede wi, sondro taki a de fanowdu ben sa abi kontakti nanga sma di e feti ete baka grontapu pasi èn di no tron anbegiman fu Yehovah? (2 Kor. 6:14, 15) Son sma di na yeye sey abi wan mi-no-ke fasi e piki kande sma a mindri trawan di e hori so srefi tu grontapu fasi fu prakseri nanga grontapu pasi, na presi fu den suku demakandra nanga lepi kresten di ben sa kan yepi den fu kon tranga na ini bribi. Den no e si taki a de fu den tapu prisiri konmakandra nanga grontapu sma, di no e hori na gronprakseri di no kan swaki a bribi fu den èn kan pori den. — Teki gersi nanga 2 Thessalonikasma 3:14, 15.
7 San taki a fesi de trutru prenspari ini den fakansi mun di e kon. Te yu skrifi na bèykantoro di abi fu du nanga dati biten èn aksi fu na adres fu na zaal nanga den konmakandra ten, dan a sa kan fu nyan bun fu bun demakandra. Ala sma di wani meki a waarheid wroko na ini en libi musu suku konpe di e gi den srefi fu dini Yehovah, di sa yepi en fu waka na ini na waarheid èn di sa yepi fu a go na fesi ini a dini fu Gado. Wi mati nanga konpe kan abi wan krakti tapu wi di e go dipi. Fa a de fu dati-ede wan frustan sani fu suku konpani fu sma di e gi densrefi na ini a dini fu Gado èn di e kibri wan krosibey matifasi nanga Yehovah!