Pristeri a bun nyunsu — Nanga na krakti fu overtoygi wan sma
A fiti gi wan bedinari fu a bun nyunsu fu overtoygi sma fu den teki na waarheid? Dati de seyker so! (Tori. 18:4) Na apostel Paulus e memre Timóteus taki nanga yepi fu en mma nanga granma a ben kisi overtoygi fu go bribi (2 Tim. 3:14, 15). Overtoygi wan sma wani taki buweygi en gi wan sani nanga yepi fu wan tranga begi, taki-go-taki-kon seryusu nanga en fu wan beybri leri, wan bosroyti ofu wan fasi fa sma musu tyari den srefi.
2 Na apostel Paulus ben meki bun kobroyki fu a kon fu overtoiygi sma. Aladi a ben de na ini Athene, „a yeye fu en ben tigri en di a ben si taki a foto ben furu nanga afkodrey popki” (Tori. 17:15 ). Ma di a ben tanapu mindri na tapu na Areópagus, Paulus no ben fruteri den sma di ben de drape langalanga na ini den fesi taki a anbegi fu den fu kruktu gado ben de fu soso. Aladi na wan bekwaam fasi a ben way pasi gi wan tranga, emotioneel boksu nanga den, a ben poti den prakseri tapu „wan altari pe skrifi a tapu: ’Gi na Gado di sma no sabi.’” Baka dati a ben preyki wan krakti fasi, nanga tumusi bun bakapisi. — Tori. 17:23, 28, 29, 34
SORI A KONI FU KAN SI SANI
3 Paulus ben sori krin taki fu overtoygi wan sma e aksi moro furu leki soso wan emotioneel pristeri ofu wan heri ipi wortu. Wi musu abi inzicht èn musu sori koni fu man si sani na ini a tori fu den firi, beybri leri nanga belangstelling fu sma nanga suma wi e taki. Wi musu de na ay èn musu si gaw te den firi fu na oso sma kan de wan trutru skotu gi wan sondro wan krutu a fesi luku fu den beybri leri. — Odo 15:23.
4 Fa sma ben si den bribi fu eksempre taki na sili no man fu dede fu di nanga en firi a fasi fa wan lobiwan di dede èn di a e memre. San ben sa de na fasi fu overtoygi en fu yepi en nanga a waarheid? Na presi fu den fruteri en langalanga taki na bribi fu en no yoysti èn taki na sili e dede, a no ben sa de moro betre fu wan sma kobroyki en krakti fu overtoygi wan sma fu psa go na ini den emotioneel di a abi kande èn taki-go-taki-kon nanga en? Wi ben sa kan fruteri en taki wi e frustan den firi fu en fu di wi so srefi tu lasi lobiwan na ini dede. Wi feni trowstu ini na pramisi fu na opobaka, wan ten pe wi sa kon wan makandra baka nanga lobiwan di lasi libi èn sa nyan bun baka fu a demakandra. Baka dati den ben sa kan leysi beybri tekst di fiti èn taki makandra fu den. Efu wi sori koni fu man si sani èn moksi wi taki nanga sowtu, dan wi kan pristeri na bun nyunsu nanga krakti fu kan overtoygi wan sma. — Odo 13:21; Kol 4:6.
KOBROYKI ILLUSTRATIE
5 illustratie kan de tumusi bun na a taki fu overtoygi wan sma fu tiri den fasi fu denki. Wan eksenpre di warti fu kari dyaso de na tumusi yoysti fasi fa Nathan ben doro a ati fu kownu David (2 Sam. 12:1-14). Illustratie di teki bun e du wan kari tapu a frustan, fu na fasi fa a e wroko tapu yu firi. Den e meki en moro makriki gi sma fu teki ini den nyun prakseri. Fu eksenpre: den ben kan agersi a grontapu nanga wan oso èn den libisma nanga den wan di e yuru en. Efu den sma di e yuru en e mankeri fu tan sorgu bun gi na oso, dan na eyginari no sa pori na oso, ma a sa poti den sma di e yuru en na doro sey. So srefi tu Gado no sa pori na grontapu ma a sa puru den takru sma. — Yes. 45:18.
6 Overtoygi sma abi en skotu. Efu sma no wani bribi ofu no wani tyari wan kenki kon ini den libi, den sa tan so leki den de (Matt. 13:14, 15). Ma furu opregti sma de te now ete ini na grontapu di wi kan miti ete nanga a Kownukondreboskopu. Fu yepi den, wi musu du ala redelek muyti fu kweki èn kobroyki a koni fu man overtoygi wan sma na ini wi diniwroko.