Meki na furuten-wroko leki a wroko fu yu libi
1 Wan wroko di e yepi langalanga fu wi du a wroko fu san wi gi wi srefi abra èn fu kisi libi fu têgo de na kresten diniwroko (Rom. 10:10; 1 Tim. 4:16). Di Yeyses ben gi tra sma na kari fu tron en bakaman, a ben meki kon a krin taki disi ben abi na ini a meki bekenti fu na kownukondre fu Gado na ala sey (Luk. 9:57-62). Aladi a du di wi du wan sani tapu na kari disi kande no e aksi taki wi kenki fu wroko, a wani taki wel seyker wan kenki ini a poti fu sani di de moro prenspari na a fosi presi. Wan tumusi prenspari wroko na a „meki bekenti na alasey fu den tumusi bun wroko” fu Yehovah, di abi na ini en tu a meki fu disipri (1 Petr. 2:9; Mat. 24:14; 28:19, 20). Ala sma di dorodoro e gi den srefi ini a dini fu Yehovah, e meki na diniwroko leki na moro prenspari sani ini a libi. Furu sma di den eygi situwâsi ben gi pasi fu dati, ben man fu meki na furutendienst leki den libimarki. — 2 Kor. 4:1, 7.
WAN LIBIFASI DI E PAY
2 Di wan pionier ben luku baka tapu 54 yari furutendienst a ben buweygi en fu skrifi: „Na prisiri di Yehovah gi e meki den tesi moro leki bun. Efu den ben gi mi na okasi fu libi mi libi ete wantron baka, den nanga ala prisiri mi ben sa kobroyki mi ten na a prèyse fu na bigi Gado Yehovah.” No wan wroko ini grontapu ben sa kan gi na sortu dipi inisey satisfaksi nanga prisiri di e kon fu sowan fasi fu du. A feti baka wan libi fu furutendienst na wan sori fu a gi di wan sma e gi en srefi ini a dini fu Gado di now kba e tyari so wan bigi pay nanga en, di sma no kan frustan, èn seyker blesi di sa kon tru ini a ten di e kon. — 1 Tim. 4:8.
3 A meki fu na furuten diniwroko leki a wroko fu yu libi kan gi furu koloku fu di so furu gi fu yu sey de ini a tori (Tori. 20:35). Den moro warti matifasi, di yu kan abi nanga Yehovah èn nanga en Manpikin, Yeyses Krestes, e ondrow èn e meki kon moro tranga fu di moro finifini yu de bezig nanga Kownukondre afersi (Luk. 16:9; 1 Kor. 15:58). Yu sa ondrofeni tevrede fasi èn wan krin konsensi fu di yu, e handri akruderi yu situwâsi èn nanga yu heri sili. YU libifasi di orga pikinso moro span e yepi yu fu du moro furu ini a gi yesi na Krestes kobôt ’fu suku fosi na kownukondre nanga En regtfardikifasi’. — Mat. 6:33.
DE PROGRESSIEF INI YU DINIWROKO
4 Na wan wroko fu yu libi a doro fu progressief bakapisi tapu wan bepaalde kontren de ini a tori. Progressief bakapisi de prenspari fu hori doro leki pionier èn hori yu prisiri nanga faya. Nanga yepi fu en organisâsi Yehovah e sorgu tapu gemeente konmakandra nanga bigi konmakandra gi yeye leri. Boyti fu dati konmakandra de nanga den owruman ini december èn nanga na kringopziener te a e fisiti yu. Ini a wiki fu na kringkonmakandra wan spesrutu konmakandra orga gi pionier. Yu e skrifi penti èn e kobroyki den tumusi bun ray di den e gi tapu den sortu konmakandra disi nanga wan bun konsensi?
5 Efu yu no e lèy progressief beybristuka, yu e poti dati dan gi yu srefi leki wan marki? Yu ben sa kan meki yu inleiding na a doro ofu na fasi fa yu e piki gens taki di furutron de fu yere ini yu gebied kon moro betre. Yu prakseri fu na grani fu froysi fu wan pisten ofu fasti fu oribaka gi wan gemeente di abi yepi fanowdu? Ini disi èn furu tra fasi yu sa man kande fu meki go na fesi ini yu wroko fu yu libi èn fu tyari kenki kon ini yu koni fu du a wroko fu Gado.
6 Efu seryusu yu e prakseri fu moksi yu srefi na den furu sma di e bigin na baka yari disi nanga na pionierwroko, hori doro dan na ini begi na Yehovah ini a tori fu na afersi disi (Mat. 7:7, 8). Furu sma bow den frutrow na ini Yehovah fu di den dini fosi leki yepi pionier.
7 A no de wan ofu tra aparti koni ofu wan presenti di e meki sma man fu pionier. San yu abi fanowdu de opregti lobi gi Yehovah èn gi libisma, makandra nanga na de klariklari fu tyari ofrandi fu yu srefi (Mat. 22:37-39; Fil. 4:13). Na kresten diniwroko kan yepi yu fu kweki eygifasi di musu de fu si krinkrin na sma di sa psa Armageddon libilibi. Feti na baka na furuten diniwroko disi, kan meki yu lobi, bribi, prisiri nanga vrede gro (Gal. 5:22, 23). Feti sobun baka na diniwroko leki pionier èn hori fasti na en leki a diri wroko fu yu libi!