Horibaka dorodoro gi a poebliki konmakandra programa foe joe gemeente
1 Wan toe jari pasa, wan jonkoeman ben feni wan papira tapoe san den ten foe den konmakandra foe a gemeente foe a kontren ben skrifi. Foe di a ben soekoe a waarheid, a ben bosroiti foe fisiti a poebliki konmakandra a sonde di ben o kon, èn a ben de na a zaal froekoe kaba. Wan preikiman ben gi en odi tapoe wan waranfasi, èn a joeroe ten di den ben taki, a pristeri en wan bijbelstudie, di a jonkoeman ben weigri. Ma, a poebliki taki di ben sreka boen, ben abi so wan krakti na tapoe en taki a ben kenki en prakseri, èn baka a konmakandra a ben teki a bijbelstudie. A jonkoeman disi ben meki go na fesi esi-esi èn wan toe moen baka dati a teki dopoe. Wi kan leri no moro mendri leki dri lès di e jepi foe na ondrofenitori disi.
2 Na a fosi presi: a poebliki taki ben meki bekènti. Joe e gebroiki den papira di druk foe meki a programa foe joe gemeente konmakandra bekènti? Te a fesiman e meki a titel bekènti foe a poebliki taki foe a tra wiki, prakseri dan foe den sma ini joe gebied di kande abi belangstelling gi a tori, awinsi a no so langa ete den bigin foe leisi den poeblikâsi foe wi, noso no e leisi den. Son sma no lobi leisi, noso den e leisi nanga foeroe moeiti, ma den sa wani kande foe arki wan lezing di e taki foe wan bijbel tori.
3 Di foe toe: den ben gi a sma disi di ben kon foe a fosi tron, wan waran switi kon. Efoe joe meki plan foe doro so froekoe leki joe man ini a zaal, joe man gi den brada nanga den sisa odi èn so srefi denwan di abi belangstelling (Heb. 10:24). Efoe wan sma e kon foe a fosi tron, kande a no sabi san foe froewakti. Froeklari taki den konmakandra foe wi e bigin nanga singi nanga begi, èn taigi en fa a konmakandra sa hori. Efoe a fiti, aksi en foe sidon nanga joe, so taki a kan loekoe nanga joe ini joe bijbel nanga joe singi-boekoe. Aksi en foe taki makandra nanga joe foe iniwan aksi di kande a abi, te a konmakandra kaba.
4 Di foe dri: a lezing ben sreka boen. Denwan di kisi a grani foe teki presi gi a gemeente leki poebliki takiman, e gebroiki foeroe joeroe foe sreka èn oefen a materiaal, so taki a kan gi den arkiman deki-ati foe sori moro lobi èn foe doe toemoesi boen wroko. Disiten wi alamala de ondro kwinsi, èn den waarheid foe Gado Wortoe di e gi kowroe-ati, na san wi abi joisti fanowdoe foe jepi wi foe horidoro. A no de foe taki, dati awinsi o foeroe bodoi a poebliki taki kan abi, a no sa abi waarde gi wi boiti te wi e poti prakseri finifini na tapoe san den e taki. Joe abi problema sontron foe poti prakseri doronomo tapoe a lezing? A kan de wan jepi gi joe foe meki sjatoe notisi, so leki fa wi gwenti foe doe na den kongres foe wi. Doe moeiti foe leisi ini joe bijbel toe te den e leisi den tekst, èn te den e froeklari den.
5 A Genootschap gi poebliki taki di e taki foe foeroe tori di abi foe doe nanga bijbel. Nanga jepi foe a fesiman opziener noso wan brada di a sori, a skin foe owroeman e orga a poebliki konmakandra programa foe a gemeente. Den tori tapoe a schema di a Genootschap e gi, ben teki na so wan fasi taki den e fiti den fanowdoe foe a gemeente na a momenti dati. No misi no wan foe den prenspari bodoi disi, èn horibaka dorodoro gi a poebliki konmakandra foe joe gemeente, di e hori ibri wiki.