Prisiri nanga a gro di Gado e gi
1 Den kresten na ini a fosi jarihondro ben de fajafaja Kownoekondre preikiman. Den ben prisiri te den ’gemeente ben kon moro foeroe ibri dei’ (Tori. 16:5). A preiki di den ben preiki sondro frede, ben doro na Asia, Europa, nanga Afrika, èn den ben feni foeroe bribiman na ini a kotiwroko.
2 Jesus ben taki na fesi taki na ini den lasti dei, a preikiwroko ben sa doro na ’heri grontapoe pe sma e libi èn gi ala den nâsi’! (Mat. 24:14) Na ini a dienstjari 1996, wi ben tan kisi raport foe kefalek moi gro èn njoen heimarki foe preikiman foe kondre na heri grontapoe. Foeroe njoen gemeente ben opo. A esi gro disi meki a de fanowdoe foe bow hondrohondro njoen Kownoekondre zaal nanga kongreshal èn so srefi foe meki bijkantoro kon moro bigi.
3 Wi Kownoekondre Dienst foe augustus 1996 ben froeteri foe bigi bow wroko di e feni presi na Afrika. Wan srefi sortoe sani e feni presi now na ini heri Latino-Amerika. Gi a dienstjari 1996, Meksikow gi wan kefalek heimarki foe 470.098 preikiman èn wan gemiddelde foe 600.751 bijbelstudie, èn dati meki a ben de fanowdoe foe seti 466 njoen gemeente! A meki di den e meki a bijkantoro foe den kon moro bigi, poti na tapoe schema foe klari na a kaba foe 1999. Wan srefi sortoe gro na foeroe tra kondre e meki taki wi no man tapoe foe bow den foeroe sortoe theokratis bowprojekt.
4 Na ala presi den kostoe foe bow de hei, èn den brada foe wi na foeroe kondre no abi foeroe materia sani foe gi leki bijdrage. Ma foe di den abi faja na ini a diniwroko foe Jehovah, meki den e gro foe troe na jejefasi èn den e kon moro foeroe na ini nomroe. Odo 28:27 e gi wi a djaranti taki „a sma di e gi sani na sma di no abi foeroe, no sa mankeri noti”. A de di wi de klariklari foe sorgoe gi den sani di den brada disi abi fanowdoe, èn bowkostoe, abi leki bakapisi taki den materia sani de ini „balansi”, èn dati e meki taki ala sma e ondrofeni a prisiri di e kon te wi e gi èn a prisiri di e kon te wi e si a gro di Jehovah e gi! — 2 Kor. 8:14, 15; Tori. 20:35.
[Prenki na tapoe bladzijde 4]
Paragwei bijkantoro
[Prenki na tapoe bladzijde 4]
Ekwador bijkantoro
[Prenki na tapoe bladzijde 4]
Den e meki a bijkantoro foe Meksikow kon moro bigi
[Prenki na tapoe bladzijde 4, 5]
Dominikan Republiek bijkantoro
[Prenki na tapoe bladzijde 4]
Brasjonkondre bijkantoro nanga moro gebow
[Prenki na tapoe bladzijde 4]
Oeroegwei bijkantoro di e bow ete
[Prenki na tapoe bladzijde 5]
Eksempre foe Kownoekondre zaal di e bow nanga lagi kostoe nomo na ini Latino Amerika
1. Brasjonkondre
2. Nikaragwa
3. Chili
4. Kolombia
5. Meksikow
6. Brasjonkondre
7. Peroe
8. Venezuela
9. Meksikow