Boen njoensoe na tapoe na Internet
Na ini a ten foe wi pe a tèknik go na fesi, son sma e kisi bodoi na elektronis fasi, so srefi na tapoe na Internet. Foe dati ede a genootschap poti na tapoe na Internet soifri materiaal di abi foe doe nanga a bribi nanga den aktiviteit foe Jehovah Kotoigi.
Wi Internet Web site adres na http://www.watchtower.org èn a abi wan toe traktaat, brochure, nanga Waktitoren nanga Ontwaakt! artikel na ini Ingrisitongo, Sneisi (a makriki wan), Doisritongo, Rosiatongo, nanga Spanjoro, èn so srefi na ini tra tongo. Den poeblikâsi na tapoe a Web site disi de foe kisi kaba na ini den gemeente èn wi e gebroiki den kaba na ini a diniwroko. A marki foe a Web site foe wi a no foe tjari njoen poeblikâsi kon na doro, ma foe meki a poebliki man kisi bodoi na wan elektronis fasi. A no de fanowdoe taki wan sma e sreka bodoi foe poti na tapoe Internet, di abi foe doe nanga Jehovah Kotoigi, den aktiviteit foe wi, noso den sani di wi e bribi. Na officieel Web site foe wi e gi soifri materiaal gi iniwan sma di wani en.
Ala di a Web site foe wi no seti gi E-mail, tokoe a abi wan lijst foe post adres foe den bijkantoro na heri grontapoe. So boen, sma kan skrifi go foe kisi moro bodoi noso foe kisi persoonlijk jepi foe Kotoigi na ini en eigi kontren. No frede foe gi na Internet adres di skrifi na tapoesei, gi ibriwan sma di ben sa wani bigin leri a bijbel waarheid nanga jepi foe a sistema disi.