Toe doesoen!

Dati na a nomroe foe preikiman di wi ben sa wani si taki den e gi raport na Suriname gi augustus 1998. Wi man doro dati? Ija, wi man! A rapport foe wi now foe den 32 gemeente nanga 4 groepoe e sori ala nanga ala 2022 preikiman. Fa wi kan pasa a nomroe dati di ben de wan heimarki? A kan efoe ibri preikiman na ini a gemeente e seti sani krinkrin foe abi wan prati na a velddienst na ini augustus èn e gi den raport foe na aktiviteit foe den wantewante. Foe di den fosi toe dei foe a moen na satra nanga sonde, foe san ede joe no e seti sani foe abi wan prati na ini a velddienst foe bigin na a kaba foe a wiki dati? Efoe joe sa go fisiti wan kongres, kande joe kan doe pikinso okasi preikiwroko te joe e go na a kongres èn baka dati joe kan wroko makandra nanga a gemeente na a kaba foe a wiki di e kon. Efoe wi e bigin froekoe ini a moen, dan a no sa de so taki wi no sa teki prati na ini a kotoigiwroko na ini augustus. Efoe wi bondroe wi krakti kon na wan, dan wi sa si wan njoen heimarki di e pasa a marki foe 2000 preikiman gi a fositron oiti na Suriname. Disi sa de wan bigi babari foe prèise gi Jehovah! — Ps. 47:1.