¡A Profeiti Wortu fu Gado Sa Kon Tru Finifini!
1 Ala ten Yehovah Kotoigi abi belangstelling gi den profeititori fu Bijbel. Fu dati ede wi ben breiti fu yere taki a thema fu a Distrikt Kongres fu a yari disi, ben o de „A Profeiti Wortu fu Gado”. Wi ben angri srefisrefi fu sabi san Yehovah ben abi gi wi leki „nyanyan na a reti ten” (Mat. 24:45). A ben du san wi ben fruwakti.
2 Heimarki fu a Kongres: A thema taki fu freida, „Poti Prakseri na a Profeiti Wortu fu Gado”, ben abi so srefi wan takimakandra fu a transfigurâsi tori di ben leri wi furu sani (Mat. 17:1-9). ¡A ben sori wi krinkrin taki nownowde wi de na a bigin fu a moro bun ten, bika wi de kefalek fara na ini a ten fu a kaba, nanga a nyun sistema di de leti na wi fesi! Wan prenspari fasi fa wi kan poti prakseri na Gado Wortu na fu leisi en doronomo. A symposium, „Abi Prisiri ini a Leisi fu a Wortu fu Gado” ben gi bun rai fu meki wi kisi moro wini èn moro prisiri te wi e leisi Bijbel.
3 Tapu satra bakadina wi ben luku den reide fu san ede wi musu abi na overtoigi taki wi e libi na ini den lasti dei. ¿Yu kan memre ala den reide disi? Sonde mamanten, a profeititori fu Habakuk ben kon na krin di wi ben leri taki a ten fu wi gersi den dei fu en srefisrefi, èn taki prenspari sani sa feni presi heri esi te Yehovah e pori den godelowsuwan èn e frulusu den regtfardikiwan. ¿Yu frustan a les na ini a Bijbel drama fu Yakob nanga Esau? Wi musu tan suku den blesi fu Yehovah fayafaya, èn wi musu kakafutu gi a yeye fu mi-no-ke fasi.
4 Wan Span Nyun Buku: Wi ben breiti srefisrefi fu kisi a nyun buku, ¡Poti Prakseri na a Profeititori fu Danièl! Seiker yu e leisi a span buku disi kaba. A takiman di ben tyari en kon na doro ben taki: „Boiti wan tu finifini tori, ala den profeititori na ini a buku Danièl kon tru.” ¿Dati no e sori krinkrin o prenspari a ten fu wi de?
5 A kongres programa ben tranga na overtoigi fu wi srefisrefi taki ala den pramisi fu Gado di no kon tru ete, sa kon tru. ¡Wi e kisi tranga fu tan fruteri tra sma a profeiti wortu fu Gado!