Yepi Sma fu Warderi De Bijbel — Het oudste moderne boek van de mensheid
Den aksi di e kon now e poti prakseri na sani di yu si kande, di yu luku a video disi: (1) Sortu tru tori e sori taki no wan buku de leki Bijbel? (2) Kari wan eksempre di e sori fa Bijbel e agri nanga a disiten sabidensi, awinsi o owru a buku disi de. (3) Fa wi kan de seiker taki a Bijbel di wi abi tide no kenki fu san ben skrifi biginbigin? (4) San na wan tumusi aparti sani fu den owruten Bijbel buku di ben skrifi nanga anu, èn sortu frutrow a sani dati e gi yu? (5) Na sortu fasi John Wycliffe, Johannes Gutenberg, William Tyndale, Mary Jones, nanga Charles Taze Russell ben yepi fu prati Gado Wortu na heri grontapu? (6) Fa den kerki ben gens Bijbel fayafaya, ma san ben meki taki a tan te na ini wi ten? (7) O furu Yehovah organisâsi du fu poti Bijbel na ini tra tongo, èn fu meki Bijbel? (8) Fa a bun rai fu Bijbel yepi sma fu kakafutu gi den problema fu dòbel nomonomo (1 Tim. 6:9, 10), gi brokotrow nanga sutadu (1 Kor. 13:4, 5; Ef. 5:28-33), èn gi a broko di sma e broko den ede nomonomo fu kisi materia gudu (Mat. 16:26)? (9) Sortu buweisi de di e sori taki, te sma e libi akruderi den gronprakseri fu Bijbel, dan den kan puru a bita-ati fasi di sma na grontapu abi fu di den abi tumusi furu lobi gi den eigi kondre, nâsi, noso ras? (10) Na sortu fasi yu kon moro koloku, fu di yu ben kon leri sabi san skrifi na ini Bijbel? (11) Suma, yu e prakseri, sa kan kisi wini fu a video disi èn san yu o taki fu sori den a video disi?