Doro na Ati fu a Studenti fu Yu
1 Bifo Yesus ben opo go na hemel, a ben taigi den disipel fu en fu leri trawan fu „du” ala den sani di a ben komanderi den (Mat. 28:19, 20). Fu wan sma kan „du” ala san Krestes komanderi, dan den bodoi musu doro en ati (Ps. 119:112). Fa yu kan doro na ati fu wan sma di yu e studeri Bijbel nanga en?
2 Begi fu Yehovah Tiri Yu: Na Gado na a sma di e meki disipel. A blesi fu en, no den koni fu wi, de fanowdu fu meki sani waka bun (Tori. 16:14; 1 Kor. 3:7). Fu dati ede a prenspari fu begi Yehovah fu yepi wi te wi e leri trawan a waarheid.—Yes. 50:4.
3 Kon Frustan San a Studenti E Bribi: Te wi sabi san sma e bribi èn fu san ede den e bribi dati, dan dati kan yepi wi fu frustan san wi musu taki fu doro na ati fu den. Fu san ede wan studenti lobi wan spesrutu leri? San ben overtoigi en fu bribi a sani dati? Te wi sabi den sortu sani dati, dan a kan yepi wi fu taki nanga koni.—Tori. 17:22, 23.
4 Gi Bijbel Buweisi Di No Muilek fu Frustan: Wan studenti musu man frustan bun san na waarheid (Tori. 17:24-31). Wi musu gi den wan bun reide fu a howpu fu wi (1 Petr. 3:15). Ma du dati ala ten nanga switifasi èn nanga pasensi.
5 Gebroiki Agersitori fu Poti Krakti Tapu San Wi E Leri Trawan: Agersitori no e meki en moro makriki nomo gi a studenti fu frustan wan tori ma den e wroko tapu a firi fu a studenti tu. Agersitori abi krakti tapu a frustan nanga na ati. Yesus ben gebroiki den furutron (Mark. 4:33, 34). A no de fu taki dati efu yu wani taki wan agersitori di yu e gebroiki doro en marki, dan a musu fiti a penti di yu e taki. A musu abi fu du so srefi nanga a libi fu a studenti.
6 Sori a Studenti Sortu Wini a Sa Kisi efu A E Teki Waarheid: Sma wani sabi sortu wini a abi te den e fiti den sani di den e leri. Yepi a studenti fu yu fu si o koni den wortu de di Paulus skrifi na ini 2 Timoteus 3:14-17.
7 No lasi-ati efu son sma no wani teki a leri di yu e gi den. A no ala sma sa wani teki a leri (Mat. 13:15). Ma toku son sma e kon tron bribiman (Tori. 17:32-34). Meki a de so, taki nanga den muiti di yu e meki fu doro sma ati nanga a bun nyunsu, yu kan yepi moro sma fu teki èn „du” san Yesus komanderi.