Ala sma kan leri wan sani fu a video Noach — Hij wandelde met God
Leisi Genesis 6:1 te go miti 9:19, noso luku den tekst disi syatu baka. Baka dati yu kan luku a Noach video, èn yu kan sidon denki fa yu sa piki den aksi disi: (1) Fa grontapu ben de na ini a ten fu Noa, èn fa dati ben du kon? (2) Fu san ede Noa ben de so wan bun sma? Sortu wroko Gado ben gi en èn fu san ede? (3) Pe den ben bow na ark kande? O langa a teki den fu bow na ark, èn o bigi a ben de? (4) Boiti taki den ben abi fu bow na ark, dan san moro Noa nanga en osofamiri ben abi fu du? (5) Fa yu denki taki a libi ben de na ini na ark baka di a doro ben tapu? (6) Fa yu ben o firi efu na yu ben libi pasa a Frudu dati? (7) Ten na ten wi e si wan sani di e memre wi fu a Frudu. San na a sani dati èn san a wani taki? (8) San a Bijbel tori fu Noa leri yu fu yusrefi, yu osofamiri, nanga a wroko di Gado gi wi fu du? (9) San yu wani aksi Noa nanga en osofamiri te yu sa miti den na ini a Paradijs? (10) San yu abi na prakseri fu du now nanga a Noach video?