Wan feti fu asi-tyariman di abi fu du nanga yu
1, 2. Fa den dinari fu Gado na ini a ten disi abi wan prati na a kontru fu a fisyun fu a profeititori di skrifi na ini Openbaring 9:13-19?
1 „A di fu siksi engel ben bro en trompeti.” Baka dati, „a legre fu den asi-tyariman”, di ben abi „tu hondro milyun srudati” ben meki wan babari neleki dondru. A legre disi no de leki ala tra legre. „Den ede fu den asi ben de leki lew-ede.” Faya, smoko, nanga swarfu ben komoto na ini den mofo, èn „den tere fu den gersi sneki”. Na agersi legre disi fu asi-tyariman, e pori ala sani di de na en pasi (Openb. 9:13-19). Yu sabi san yu abi fu du nanga a kontru fu na aparti fisyun disi?
2 A salfu fikapisi nanga den kompe fu den, den tra skapu, e meki den krutu boskopu fu Gado bekènti na ini wánfasi. A bakapisi na taki sma kan si krin dati Krestenhèit dede na yeye fasi. Meki wi go luku tu penti di kari na ini a fisyun disi, di e sori fu san ede a preikiwroko fu den dinari fu Gado abi so wan bun bakapisi.
3. Sortu leri yu kisi di yepi yu fu meki a boskopu fu Gado bekènti nanga bun bakapisi?
3 Wi kisi leri, èn wi abi yepisani fu meki a boskopu fu Gado bekènti: Nanga yepi fu a Theokrasia Diniwroko-skoro èn nanga yepi fu den tra gemeente konmakandra, den dinari fu Gado ben kisi leri fu tyari a boskopu fu Gado sondro frede. Neleki Yesus nanga den disipel fu en, den e tan suku den wan di warti, fu di den e preiki na ala presi pe den kan miti sma (Mat. 10:11; Mark. 1:16; Luk. 4:15; Tori. 20:18-20). Fu di wi e preiki na a fasi disi di Bijbel e sori wi, meki wi ben abi bun bakapisi srefisrefi!
4. Sortu yepisani furu preikiman abi fu du den wroko na wan bun fasi?
4 Kresten dinari prati milyardmilyard Bijbel, buku, brochure, nanga tijdschrift kaba na ini a preikiwroko di Gado gi den fu du. Den publikâsi disi ben prati na ini pikinmoro 400 tongo, èn den e taki fu furu difrenti tori; den e tyari sani kon na fesi, na wan fasi di e hari a prakseri fu ala sortu sma. Yu e gebroiki den publikâsi disi na wan bun fasi?
5, 6. San e sori taki Yehovah e horibaka gi a pipel fu en?
5 Gado e tiri, èn a e horibaka gi a wroko: Soleki fa a fisyun e sori sosrefi, dan Gado e horibaka gi a wroko di a feti fu den asi-tyariman e prenki (Openb. 9:13-15). A preikiwroko di e feni presi na heri grontapu, no e du nanga a koni èn a krakti fu libisma, ma nanga a yeye fu Gado (Sak. 4:6). Yehovah e gebroiki den engel fu tiri a wroko disi (Openb. 14:6). Sobun, makandra nanga den libisma di e kotoigi fu en dyaso na grontapu, Yehovah e gi yepi fu tyari den safri-ati sma kon na en.—Yoh. 6:45, 65.
6 Noti no kan tapu a pipel fu Gado, fu di den kisi bun leri, fu di den abi bun yepisani èn fu di engel e tiri a wroko di den e du. Meki wi tan du san wi musu du na ini a kontru fu a tumusi moi fisyun disi.