Na yuru fu Gado krutu doro kba
„Frede Gado èn gi en glori, bika na yuru fu na krutu fu en sey doro kba.” — OPENBARING 14:7.
1. Den fosi kapitri fu na buku Openbaring e fruteri fu sortu sani?
NA BUKU Openbaring abi span profeyti tori di e kon tru na ini wi ten. Na ini na artikel dya na fesi wi ben luku wantu fu den makandra nanga den profeyti tori fu na opo fu den siksi agersi lakstanpu. Den lakstanpu disi di ben opo ben tyari kon a krin na rèy fu den fo apokalipti man di e rèy asi na ini den kriboy dey disi èn na rèy disi e tyari pori kon (2 Timoteus 3:1; Openbaring 6:1-8). Den ben fruteri wi so srefi fu den sma di sa tiri nanga Krestes na ini heymel èn den sma di sa psa libilibi „na bigi banawtu”. Den siksi lakstanpu e sori taki Gado „faste ten” fu tyari a krutu kon ’de krosibey’. — Openbaring 1:3; 7:4, 9-17.
2. Gi san den seybi agersi tronpèti fu Openbaring kapitri 8 o kobroyki gi?
2 Ma wan lakstanpu de ete, na di fu seybi. Openbaring 8:2 e fruteri san e kon a krin te na lakstanpu dati e opo: „Èn mi ben si seybi engel di tanapu na fesi Gado, èn den ben kisi seybi tronpèti.” Vers siksi e taki: „Èn den seybi engel nanga den seybi tronpèti ben sreka den srefi fu bro a tapu.” Na ini beybri ten den ben bari wroko gi prenspari sani nanga yepi fu tronpèti bbari. Na so tu nanga na bro tapu den seybi tronpèti disi prakseri e poti tapu afersi di de tumsi prenspari na ini wi ten. Èn ala di den engel e meki sma yere na tronpètibbari, dan libisma di de kotoygi a grontapu e meki disi moro fara bekènti fu di den e meki na ala pe na tumsi prenspari nyunsu bekènti di na bro tapu ibri tronpèti e meki bekenti.
San na bbari fu den tronpèti wani taki
3. San na bbari fu den seybi tronpèti wani taki?
3 Na bbari fu den tronpèti disi e meki wi denki na den plaag di Yehovah ben kanti tapu na owru Egipti. Den plaag dati ben sori na krutu fu Yehovah tapu na fosi grontapu makti dati èn tapu en falsi relisi, den ben opo na pasi gi Gado pipli fu lon komoto. Tapu a srefi fasi na bro tapu den tronpèti fu Openbaring abi fu du nanga disiten plaag, di a tron disi e kanti go tapu Satan heri grontapu èn en falsi relisi. Ma a no de trutru plaag ma boskopu fu Yehovah krutu di yu kan gersi nanga plaag. Den e marki so srefi ooktu na pasi gi a pipli fu Gado fu lon komoto.
4. Fa wan kontru e feni presi na ini wi ten fu na bro fu den seybi tronpèti?
4 Ini akruderi nanga na bbari fu den seybi tronpèti disi dan tapu ibri wan fu den seybi spesrutu alayari kongres fu Yehovah pipli di ben hori fu 1922 te 1928, dan wan srapu resolutie kontrari grontapu ben fu poti fu sma teki. Hondrohondro milyunmilyun ekemplaar fu den resolutie ben prati. Ma na bariwroko gi den faya boskopu dati no ben de nomo soso gi den yari dati, ma na tronpèti bbari ben tan go doro ini na heri ten fu den kriboy dey. Èn na ini na ten disi na bari wroko fu den boskopu disi e de moro krakti leki oyti wan ten, now di miyunmilyun memre fu na „bigi ipi” ben moksi den sten fu den na di fu na pikin grupu salfuwan di ben bigin teki fesi fu preyki baka na fosi Grontapu Feti (Openbaring 7:9). Nanga wan krakti èn nomru di ala yari e kon moro bigi èn tranga den milyunmilyun sma disi e meki now bekènti taki Satan grontapu seyker sa go ini pori.
5. San na di fu „dri pisi” fu na grontapu di leki fosiwan bun fu kisi krutu, e prenki èn fu san-ede?
5 Na ini Openbaring 8:6-12 den fosi fo tronpèti e piki. Agra, faya nanga brudu e trowe kon leki plaag, nanga leki baka pisi na pori fu „wan di fu dri pisi” fu na grontapu. Fu san-ede den e kari „wan di fu dri pisi” leki na pisi fu na grontapu di abi fowtu èn di bun ini na fosi presi fu kisi krutu? Fu di, ala di a heri seti fu Satan na ini na ay fu Gado abi fowtu, toku wan pisi abi moro furu fowtu. Sortu pisi? Na pisi di teki na nen fu Krestes — na krestenhèyti. Èn di baka na fosi Grontapu Feti den krutu boskopu fu Gado ben taki gi na kontren fu na krestenhèyti, a ben de wan sani fu wan di fu dri pisi fu na libisma famiri.
6. Fu san-ede Yehovah ben gi na krestenhèyti abra fu kisi pori?
6 Na relisi fu na krestenhèyti de a froktu fu na fadon komoto fu na tru krestendom di owru so wan 1900 yari kba èn di Yeyses nanga en disipel ben taki fu en na fesi (Mateus 13:24-30; Tori fu den apostel 20:29, 30). Den kerki fesiman fu na krestenhèyti e fruteri taki den de leriman fu na tru krestendom, ma den leri fu den e meki Gado nen e kisi doronomo syen. Na brudu payman di e tyari kon a tapu den fu na yepi fu den di gi na den feti fu na di fu twenti yarihondro disi, ben puru kon a doro na publiki. Na krestenhèyti de wan pisi fu Satan seti fu sani. Fu dati-ede a e kisi krakti boskopu fu Yehovah di yu kan teki gersi nanga plaag èn di e sori taki a no e frudini no wan enkri bun ati fu Gado. Yehovah ben gwe libi netso seyker na oso fu na krestenhèyti a baka fu gi en abra na pori leki a ben du nanga na dyu oso na ini na fosi yarihondro! — Mateus 23:38.
Tyari kon baka a libi gi wan preykiwroko na a heri grontapu
7, 8. (a) San Openbaring kapitri 9 e tyari kon a krin nanga na bro fu na di fu feyfi tronpèti? (b) Suma den sprenka e prenki?
7 Na ini Openbaring 9:1 na di fu feyfi engel e bro tapu en tronpèti èn na fisyun e sori wan stari di e fadon kon na grontapu. Na stari disi abi wan sroto na ini en anu. Nanga dati a e opo wan peti pe wan bigi ipi sprenka ben tapu na ini. Na stari na Yehovah heymel kownu di poti a tapu na tron Yeyses Krestes. Den sprenka de den dinstknekti fu Gado, di ben kisi frufolgu èn di leki fa a gersi ben puru a pasi di den ben poti den tiriman fu den na ini strafu-oso na ini 1918. Ma Krestes, di abi now na ini heymel Kownukondremakti, e lusu den so taki den kan du agen den publiki preykiwroko na a heri grontapu, san e meki den kerki fesiman de nanga bigi fruwondru, èn den kerki fesiman ben meki mofo fu tyari a wroko fu den kon na wan kba fu ala ten. — Mateus 24:14.
8 Openbaring 9:7 e taki fu den sprenka na a fasi disi: „Èn a skin fu den sprenka ben gersi asi di ben de srekasreka fu go a feti; èn tapu den ede fu den wan sani ben de di ben gersi kron, neleki gowtu, èn den fesi fu den ben de leki libisma fesi.” Vers 10 e taki moro fara: „Ooktu den abi tere nanga maka leki skorpiyun.” Den sprenka disi de wan moy prenki fu na fika pisi kownukondre erfgenaam di ben kon baka na libi èn di fu sensi 1919 ben go agen na ini na yeye feti. Nanga nyun krakti den ben meki Gado krutuboskopu di e sutu sma bekènti, spesrutu kontrari na pori krestenhèyti.
9, 10. (a) San a bro tapu na di fu siksi tronpèti e tyari kon a krin? (b) Suma de na ini den miriade fruwondru asi?
9 Dan na di fu siksi engel e bro tapu en tronpèti (Openbaring 9:13). Nanga disi e kon na krin taki den legre fu asi e lusu go. Vers 16 e taki taki na nomru fu den de „tu miriade tron miriade”, ofu 200 milyun! Èn na ini vers 17, 19 den e skrifi fu den na a fasi disi: „Den ede fu den asi ben de leki lew-ede, èn komoto fu na mofo fu den faya nanga smoko nanga swarfu e kon. . . . . Den tere fu den gersi sneki.” Nanga bigi dondru bbari den legre disi e hari kon na ondro tiri fu na kownu, Yeyses Krestes. Èn fa den de wan sani di e gi yu frede!
10 San den tranga fruwondru asi disi e prenki? Fu di den de milyunmilyun, dan den no kan prenki soso na salfu fika pisi, di so wan 8800 de now ete na grontapu. Den miriade asi disi musu abi so srefi tu na ini den na „bigi ipi” fu Openbaring kapitri 7, den sma di abi na howpu fu libi fu têgo na grontapu. Na ini na beybri na wortu „miriade” nofotron abi fu du nanga wan bigi nomru di no poti soyfri. Fu dati-ede meki den agersi asi disi no wwan e de a nomru fu den salfuwan di dey fu dey e kon moro pikinso ma ooktu na nomru fu den milyunmilyun memre di e kon moro furu fu na „bigi ipi” „tra skapu” èn di e tan opo den sten krakti na ini na publiki wroko di na salfu fika pisi di yu kan teki gersi nanga skapu ben meki wan bigin nanga en. — Yohannes 10:16.
11. Fu san-ede den e taki taki ’na makti fu na asi de na ini a mofo fu den’ èn fa den e du ogri nanga a tere fu den?
11 Openbaring 9:19 e taki: „Na makti fu den asl de na ini a mofo fu den” èn „[nanga a tere fu den] den e du ogri.” Na sortu fasi na makti de na ini a mofo fu den? Na a fasi dati taki Gado dinstknekti tintin yari langa nanga yepi fu na theokratis diniwroko skoro èn tra konmakandra ben kisi leri fa den musu kobroyki den mofo fu preyki den krutu boskopu fu den tapu wan krakti fasi. Èn fa den e du ogri nanga a tere fu den? Fu di den e prati na a heri grontapu milyardmilyard buku di abi den fondamenti tapu na beybri, so taki den e libi boskopu a baka di e dyuku na grontapu fu Satan. Gi den gensman fu den den legre disi fu asi gersi trutru miriade tron.
12. San den agersi sprenka nanga asi e tan du èn san na a baka pisi fu dati?
12 Omoro Gado dey fu refensi e kon krosibey, dan den agersi sprenka nanga asi musu meki moro krin èn moro tranga den krutu boskopu fu Gado bekènti. Gi den opregti sma fu ati den boskopu disi de a moro bun nyunsu na grontapu. Ma gi den sma di wani Satan grontapu, a de takru nyunsu, bika den wani taki taki a grontapu fu den dyonsro sa kisi pori.
13. San de na ini na „di fu dri helu”, di abi fu du nanga na bro fu na di fu seybi tronpèti èn na sortu fasi a de wan „helu”?
13 Den sprenka nanga legre fu asi di yu kan teki gersi nanga wan plaag den e skrifi fu den leki na fosi èn na di fu tu fu dri ’helu’ di Gado poti (Openbaring 9:12; 11:14). San na „na di fu dri helu”? Na ini Openbaring 10:7 wi e kisi fu yere: „Na ini den dey pe na di fu seybi engel e meki sma yere en, . . . dan na santa kibri tori fu Gado akruderi na bun nyunsu di a ben meki bekènti na en eygi knekti, èn profeyti, trutru e tyari kon na wan kba.” Na santa kibri tori disi abi fu du nanga na „siri” di Gado ben pramisi fu na fosi tron na ini Eden (Genesis 3:15). Yeyses na a fosi pisi fu na „siri” dati ma a abi so srefi tu en salfu konpe na ini, di sa tiri nanga en na ini heymel. Na santa kibri tori abi so bun fu du nanga na heymel kownukondre fu Gado. Na kownukondre e meki na di fu dri „helu” kon di Gado ben poti na ini en prakseri, bika a sa tyari den krutu fu Gado kon krinkrin tapu Satan grontapu.
Den e opo na Kownukondre
14. Gi san na bbari fu na di fu seybi tronpèti ini Openbaring 11 vers 15 e bariwroko gi?
14 Dan a e psa! Openbaring 11:15 e taki: „Èn na di fu seybi engel e bro tapu en tronpèti. Èn tranga sten na ini heymel ben de fu yere, di ben taki: ’A kownukondre fu grontapu de a kownukondre fu wi Masra [Yehovah] èn fu en Krestes, èn a sa tiri leki kownu têgo èn ala ten.’” Iya, nyunsu ben gi taki Gado Kownukondre ini anu fu Krestes ben opo ini na yari 1914 na ini heymel. Èn di na fika pisi baka na fosi Grontapu Feti ben kisi nyun libi, den ben meki na nyunsu disi alape bekènti.
15. San ben de na ini 1922 na bigin marki fu a kon gro agen fu na kownukondre preykiwroko?
15 Na wan kongres di Yehovah dinstknekti ben hori na ini Cedar Point (Ohio, V.S.), dan den dusudusun sma di ben de drape ben yere na span sani di ben meki bekènti: „Disi na a dey fu den dey. Luku, na Kownu e tiri! Unu de en publiki preykiman. Fu dati-ede: Preyki, preyki, preyki na kownu nanga en kownukondre.” Dati ben de na marki fu bigin nanga na krakti publiki kownukondre preykiwroko di ben o kon moro bigi èn pe ben de ooktu na ini fu den krutu di den seybi engel nanga den tronpèti e bari wroko gi. Nownow so wan dri nanga afu milyun dinstknekti fu Yehovah na ini moro leki 55.000 gemeente ini na heri grontapu de bezig nanga na kownukondre preykiwroko disi na a heri grontapu. Iya, trutru wan ipi di de miriade miriade sma!
16. San na bro tapu na di fu seybi tronpèti e tyari kon na krin fu san skrifi na ini Openbaring kapitri 12 fu san o psa moro fara pe heymel nanga grontapu de ini na tori?
16 Ma na di fu seybi engel abi moro fu tyari kon a krin. Openbaring 12:7 e taki taki ne „feti [ben kon] na ini heymel”. Vers 9 e fruteri wi san de na baka pisi fu na wroko fu Krestes, na Kownu: „Den ben iti fu dati-ede na bigi draak, na fosi sneki, di nen Ddibri nanga Satan, di e kori na heri grontapu pe sma e libi; den ben iti en go na grontapu, èn den engel fu en ben iti go nanga en.” Vers 12 e taki moro fara: „Prisiri fu dati-ede, unu heymel èn unu di e libi drape!” Iya, den heymel ben kon krin fu na na krakti fu Satan, wan reyde fu bigi prisiri a mindri engel. San disi wani taki gi na libisma famiri? Na srefi vers e piki: „Helu fu na grontapu èn na se, bika Ddibri saka kon na unu, èn a abi bigi atibron, fu di a sabi taki a abi soso wan syatu ten.”
17. Fu san-ede a de wan sani di fiti taki en tiri fu a grontapu Openbaring 13 e prenki den leki „wan ogri meti”?
17 Openbaring 12:3 e fruteri fu Satan leki ’wan bigi draak, nanga seybi ede èn tin ttu’, wan kofarliki sma di e pori sani neleki wan ogri meti. Fu disi e kon a krin taki a de a mekiman fu na grontapu politiki „ogri meti” di kapitri 13:1 e taki fu en. Na meti dati abi so srefi tu seybi ede èn tin ttu, neleki Satan, Vers 2 e taki: „Na draak [Satan] ben gi a meti en krakti nanga en tron nanga bigi makti.” Èn seyker a de wan sani di fiti fu agersi den politiki tiri leki wan ogri meti, bika soso wwan na ini na di fu twenti yarihondro disi moro leki wan hondro milyun sma ben dede na ini den feti fu den nâsi.
18. San na a tu ttu meti na ini Openbaring 13:11, èn fa na fasi fa a e wroko de leki wan marki fu kon sabi en?
18 Na tra tafreel na ini Openbaring e tyari kon na krin fa, so leki vers 11 e taki, „wan tra, ogri meti [e opo] komoto fu na grontapu, èn a ben abi tu ttu èn ben de leki wan lam, ma a ben go taki leki wan draak”. Na tu ttu meti disi de na Anglo-Amerkan politiki belang gemeenschap. Yu kan teki en gersi nanga wan lam fu di a e sori en srefi leki a de sondro fowtu, na moro frulekti fasi fu tiri. Ma a e taki leki wan draak, leki Satan, èn den e kari en „wan tra ogri meti” fu di ini a fasi fa en tiri e opo du sani yu kan teki en gersi nanga wan meti. Ala tron te sma no e teki na luku fu en fa fu tiri sani, dan a e ben dwengi sma èn a e bigin fu tapu skreki gi sma èn srefi e go abra fu kobroyki tranga. A no e gi deki-ati fu trowe na kownukondre fu Gado na gron ma moro furu a e gi deki-ati fu saka ondro na grontapu fu Satan. Fu dati-ede vers 14 e taki: „A e kori den sma di e libi na grontapu.”
19, 20. (a) San na soyfri retifasi fu Yehovah dinstknekti e sori? (b) Fa wi sabi taki na salfu fika pisi seyker sa wini Satan grontapu?
19 A grontapu disi ondro Satan tiri de wan muylek presi fu libi gi den sma di no de wan pisi fu en ini akuderi nanga Yeyses kobòt gi tru kresten (Yohannes 17:16). A de fu dati-ede ooktu wan aparti demo fu Yehovah makti nanga blèsi taki en dinstknekti na ini na ten disi alape na grontapu musu kibri den soyfri retifasi èn na ini wanfasi musu go doro fu gi grani na Yehovah nanga en regtvaardiki pasi. Den e du disi awinsi hebi gensi, frufolgu èn srefi dede kofar de.
20 Spesrutu den memre fu na salfu fika pisi ben de ala ten na sani pe Satan ben poti spesrutu prakseri a tapu, fu di den sa de konpe tiriman nanga Krestes. Ma Openbaring kapitri 14 e meki wi si taki ala 144.000 na heri nomru fu den, na wan victorie fasi e tyari kon makandra nanga Krestes na ini Kownukondre makti. Den tan loyaal na a Masra fu den, ma so leki vers 4 e taki: „A de den disi di e tan waka baka na Lam ala pe pe a e go tu” — disi awinsi Satan ben tyari na takru-ati frufolgu kon tapu den.
A e kisi a krutu fu Gado fosi
21, 22. (a) Sortu boskopu den engel e meki wi yere na ini Openbaring 14:7, 8? (b) Fu san-ede wan engel e fruteri taki na relisi Babylon fadon ala di a grontapu makti disi de te now ete?
21 Na ini Openbaring 14:7 wan engel e bari nanga wan tranga sten: „Frede Gado èn gi en grani, bika a yuru fu na krutu fu na dey fu en kon, èn anbegi fu dati-ede na sma di meki heymel nanga grontapu èn na se èn den watrafonten.” Suma e kisi fosi na takru krutu fu Gado? Vers 8 e piki: „Èn wan tranga engel, wan di fu tu, ben kon èn ben taki: ’A fadon! Babylon na Bigiwan fadon, en di ben meki ala nâsi dringi fu na win fu na atibron fu en hurudu!’” Dyaso Openbaring e taki fu a fosi tron ma no fu a kriboy tron fu „Babylon na Bigiwan”, na grontapu makti fu falsi relisi.
22 Fu san-ede na engel e fruteri taki Babylon na Bigiwan fadon kba. Ala di relisi na ini difrenti pisi fu na grontapu e abi makti te now ete? We, san ben psa di na owru Babylon na ini 539 bifo gewoon teri ben fadon ma no ben pori krinkrin ete? We, tu yari na baka Yehovah dinstknekti di ben de na ini katibo ben kon fri, ben dray go na den eygi kondre baka èn ben meki na tru anbegi kon bun baka! Taki Gado dinstknekti na ini 1919 ben kon bigin nyun baka nanga aktiviteit èn ben go a fesi na yeye fasi fu di den ben kon bun baka, de na a srefi fasi na krin buwèysi taki Babylon na Bigiwan na ini na ten dati, na ini 1919, ben fadon te yu sa luku en fu a sey fu Yehovah. Na a srefi ten a ben krutu en fu kisi pori baka ten.
23. (a) San de na bigin fu na pori fu Babylon na Bigiwan? (b) Sortu tra profeyti tori wi sa luku na ini na tra uitgave fu Na Wachttoren?
23 Leki wan bigin fu na pori di e kon krosibey fu na disiten Babylon, dan a abi kba bigi probema. Na pori fasi fu en, bigi hurudu, bidrigi fasi èn politiki triki puru kon a doro na alape. Na ini wan bigi pisi fu Europa pikinso sma e go ete na kerki. Na ini furu socialist kondre den e si relisi leki „opiyon fu na pipli”. Na so na disiten Babylon kisi syen ini den ay fu ala sma di lobi a Wortu fu Gado fu waarheid. So bun now a e wakti te yu luku en bun na ini en dedecel tapu na dede strafu di a frudini. Iya, „na faste ten de krosibey” gi sani di o psa di o teki na grontapu! Èn ini den tra uitgave fu Na Wachttoren wi sa taki na ini tra studi-artikel fu den proteyti tori ini na buku Openbaring di abi fu du nanga na pori di de fu kon gi na relisi „huru” èn ooktu fu Satan heri seti fu sani.
Fa yu ben sa piki?
◻ San a bbari fu den seybi tronpèti di na ini Openbaring kapitri 8 wan bigin e meki nanga den, wani taki gi wi ten?
◻ Fu san-ede na krestenhèyti bun fu kisi leki fosi wan wan takru krutu?
◻ Fa den e taki fu na preykiwroko fu na salfu fika pisi èn „na bigi ipi” na ini Openbaring kapitri 9?
◻ San na sani di skrifi na ini Openbaring 11:15 e wani taki gi na grontapu?
◻ Fa na relisi Babylon ben fadon na ini 1919, so leki Openbaring 14:8 e skrifi fu en, èn san disi wani taki gi en?