Fa fu prati a buku Teki leri fu a Bigi Leriman

◼ „Yu denki taki grontapu ben o de wan moro bun presi efu sma ben o libi akruderi san skrifi dyaso? [Leisi Mateyus 7:12a. Gi a sma na okasi fu piki.] A buku disi e sori wi furu sani di wi kan leri fu a moro bigi leriman di oiti ben de.” Poti prakseri na den prenki èn na den sani di skrifi na den prenki na ini kapitel 17.

◼ „Na ini a ten disi, furu papa nanga mama e pruberi fu leri den pikin fu den sani di bun. Yu denki taki dati de prenspari? [Gi a sma na okasi fu piki. Leisi Odo 22:6.] Wi e si taki papa nanga mama e kisi a deki-ati fu bigin gi den pikin leri te den yongu ete. A buku disi meki fu yepi den fu du dati.” Poti prakseri na den prenki èn na den sani di skrifi na den prenki na ini kapitel 15, 18, noso 32.

◼ „Furu tron papa nanga mama e fruwondru fu den aksi di den pikin fu den e poti gi den. A no makriki fu gi piki tapu sonwan fu den aksi, a no so? [Gi a sma na okasi fu piki. Leisi 2 Timoteyus 3:14, 15.] Sensi di Timoteyus ben de wan pikin-nengre, en mama nanga en granmama ben leri en san den Buku fu Bijbel e taki. A buku disi kan yepi papa nanga mama na ini a ten disi tu fu du a srefi sani nanga den pikin fu den.” Poti prakseri na wan tu fu den prenki, nanga wan tu fu den sani di skrifi na den prenki na ini kapitel 11 nanga 12, noso 34 te go miti 36.