Sani di yu kan fruteri fu den tijdschrift

A Waktitoren 15 yuli

„Yu denki taki oiti wan tirimakti sa kon di sa man puru den problema fu a libisma famiri? [Gi a sma na okasi fu piki.] Yesus ben leri den disipel fu en fu begi gi so wan tirimakti, soleki fa wi kan leisi na ini Mateyus 6:9, 10. [Leisi en.] A tijdschrift disi e fruklari fu san ede Gado Kownukondre bun moro den tirimakti fu libisma, èn a e taki fu den blesi di a Kownukondre sa tyari kon gi libisma.”

Ontwaakt! yuli

Te yu e miti wan yongusma, dan kande yu kan taki: „Furu speri fu yu e denki fu trow. Pe yu denki yu kan feni den yoisti rai di abi fu du nanga a tori disi? [Gi a sma na okasi fu piki.] Luku suma seti a trowlibi. [Leisi Mateyus 19:6.] A tijdschrift disi e taki fu wan tu Bijbel gronprakseri di e yepi wi fu kisi wan koloku trowlibi.”

A Waktitoren 1 aug.

„Na ini a ten disi a de wan aladei sani taki sma e du wan lo ogri nanga trawan. Yu denki taki sani ben o de tra fasi efu moro sma ben o gebroiki a rai disi fu Yesus? [Leisi Mateyus 7:12. Gi a sma na okasi fu piki.] A tijdschrift disi e sori nanga yepi fu Bijbel taki wan ten sa kon pe ala sma sa meki trawan firi taki den warti.”

Ontwaakt! aug.

„Wi alamala wani kisi bun datrayepi. Yu sabi taki na ini a ten disi furu datra e frede fu gi sma brudu? [Gi a sma na okasi fu piki.] A tijdschrift disi e tyari kon na krin fu san ede dati de so. Nanga yepi fu Bijbel a e tyari kon na krin tu fu san ede Gado e si brudu leki wan warti sani.” Leisi Lefitikus 17:11.