San yu o du nanga yu libi?
1 Son leisi wi e aksi pikin-nengre: „San yu wani tron te yu kon bigi?” San yu ben o piki efu yu ben de wan pikin boi? Kande yu ben o taki dati yu ben o wani tron wan datra, wan skoromeester, noso wan kring-opziener. Efu yu ben de wan pikin meisje, kande yu ben o taki dati yu ben o wani tron wan skoromisi, wan ati-oso zuster, noso wan zendeling. Ma now di yu kon moro bigi, yu musu aksi yusrefi: „San mi o du nanga mi libi?” Yu de klariklari fu teki wan bosroiti?
2 Fu yepi yu teki a moro bun bosroiti, na organisâsi fu Yehovah meki wan DVD di nen Jonge mensen vragen — Wat ga ik met mijn leven doen? (Yongu sma e aksi—San mi o du nanga mi libi?) Grantangi, luku a DVD disi, èn poti seryusu prakseri na ala den pisi, soleki a drama, den interview, nanga den tra sani. Den sani di de fu si tapu a DVD skrifi na ini a faki di nen „Hoofdmenu”.
3 A Drama: Te yu e luku a drama, dan poti prakseri na den aksi disi: (1) Den Kresten Griki Buku fu Bijbel e taki fu Timoteyus. Sortu sani di pasa nanga Timoteyus, ben pasa nanga Andre tu? (Tori. 16:1; 1 Tim. 4:8; 2 Tim. 1:5) (2) Suma ben e dwengi Andre fu kon moro bun na ini a sport di a ben du, èn fa den ben e du dati? (3) Suma ben yepi Timoteyus èn suma ben yepi Andre fu teki bun bosroiti, èn na sortu fasi den sma ben du dati? (2 Tim. 1:1-4; 3:14, 15) (4) Fa a rai na ini Mateyus 6:24 nanga Filipisma 3:8 ben yepi Andre fu teki wan bun bosroiti, èn fa dati kan yepi yu tu?
4 Spesrutu pisi fu a drama: Baka te yu luku a drama, prei den pisi disi ete wan tron, èn piki den aksi disi. „Paulus en Timotheüs” (Paulus nanga Timoteyus): San ben de a lasti rai di Paulus gi Timoteyus? (2 Tim. 4:5) „Jehovah het beste geven” (Gi Yehovah den moro bun sani fu yu): San na den marki di yu wani doro na ini a diniwroko? „Voor Jehovah kiezen” (Teki a sei fu Yehovah): Pe yu kan feni trutru koloku? „Oma’s raad” (A rai fu a granmama): A de wan fowtu sani efu yu wani tron wan pôpi sma na ini a grontapu fu Satan? (Mat. 4:9) „Geen spijt” (Mi no e sari kwetikweti): Sortu sani kan yepi yu fu feni trutru koloku na ini a libi?—Odo 10:22.
5 Interview: Te yu e luku ibriwan fu den pisi disi, dan aksi yusrefi: Fa den sani di mi e si, kan yepi mi fu gi Yehovah den moro bun sani fu mi? (1) „Bezig met nutteloze doelen of met God?” (Yu e gi yu ten na soso sani, noso yu e gi yusrefi na Gado?) (1 Yoh. 2:17); (2) „Leer van de dienst te genieten” (Leri fu feni prisiri na ini a preikiwroko di yu e du) (Ps. 27:14); nanga (3) „Een deur tot activiteit” (Furu okasi de fu du moro na ini a diniwroko).—Mat. 6:33.
6 Den e prakseri fa den libi ben de fosi: Yu kan gi piki tapu den aksi disi? (1) Sortu wroko a brada nanga sisa ben du, èn fu san ede? (2) Sortu wini den ben kisi fu a wroko dati? (3) San meki taki ibriwan fu den teki wan prenspari bosroiti, èn fa dati kenki den libi? (2 Kor. 5:15) (4) Sortu sani den e du now na ini a diniwroko fu Yehovah, na presi fu a wroko di den ben du fosi? Fu san ede den feni taki den no man du ala den tu sani dati? (5) Den e sari taki den kenki a marki di den ben abi na ini den libi? (6) Wan spesrutu sani ben de di den taki èn di meki yu go denki san yu o du nanga yu libi?
7 Extra interview: San yu leri fu den interview disi, di kan yepi yu fu du moro na ini a diniwroko fu Yehovah? (1) „Het nut van persoonlijke studie”, (Den wini di yu e kisi te yu e studeri Bijbel) (2) „Andere vormen van velddienst”, (Tra fasi fu du a preikiwroko) (3) „Betheldienst”, (Wroko na Bethel) (4) „Gileadschool”, (Gileadskoro) nanga (5) „Bedienarenopleidingsschool” (Dinariskoro). Luku na „Index voor gepubliceerde informatie over verwante onderwerpen” (Index fu buku di e taki fu sani di abi fu du nanga a tori disi) èn leisi den tori di yu e feni moi.
8 Sobun, yu bosroiti kaba san yu o du nanga yu libi? Paulus ben gi Timoteyus a deki-ati: „Prakseri bun fu den sani disi; denki soso dati wawan, so taki ala sma kan si taki yu e go na fesi” (1 Tim. 4:15). Wi e gi yu a deki-ati tu fu prakseri bun fu den sani di yu si èn yere tapu a DVD disi. Aksi Yehovah fu yepi yu fu teki wan koni bosroiti. Disi sa gi yu trutru prisiri nanga koloku nownow kaba, ma sosrefi wan moi èn koloku tamara.
[Faki na tapu bladzijde 6]
HOOFDMENU
Film
Scènes (11 mogelijkheden)
Interviews
Alles bekijken
Thema’s (3 mogelijkheden)
Een terugblik
Extra
Extra interviews
Index van gepubliceerde informatie over verwante onderwerpen
Ondertitels
Doven en slechthorenden
Ondertiteling Uit
Gebruik Volgende ▶, ◀ Terug en Hoofdmenu om door de menu’s te bladeren.