Wan prenspari kenki gi A Waktitoren!
1 Na a bigin fu a yari disi, wan span sani meki bekènti na ini den gemeente. Bigin nanga yanuari 2008, tu difrenti Waktitoren o kon na doro. A fosi Waktitoren fu ibri mun sa de fu prati na ini a preikiwroko, èn a di fu tu Waktitoren fu ibri mun o de gi wi Kresten brada nanga sisa! Kande yu aksi yusrefi: ’San o de a difrenti na mindri den tu tijdschrift disi? San na den wini fu abi tu difrenti tijdschrift? San na den nyun sani di o de na ini den tijdschrift?’
2 A difrenti na mindri den tu tijdschrift: A tijdschrift di o kon na doro na a bigin fu a mun na a wan di wi o prati gi sma. Ala den artikel na ini a tijdschrift disi o sreka spesrutu gi a publiki. A di fu tu Waktitoren fu a mun sa de a tijdschrift di wi o studeri, èn wi no o prati a tijdschrift disi na ini a preikiwroko. Ala den artikel di wi o studeri a heri mun dati, o de na ini a wán tijdschrift dati. Boiti dati, a sa abi tra artikel na ini tu di de spesrutu gi dopu Kresten. Kotoigi o lobi a tijdschrift di wi o prati gi sma, ma a de spesrutu gi den sma di no de Kotoigi èn di kande e bribi na ini Bijbel. Ma na a tra sei na Ontwaakt! o de ete gi ala sma, sosrefi gi sma di e tweifri na san skrifi na ini Bijbel, èn gi sma di no de Kresten.
3 Den winimarki: Na ini A Waktitoren di o abi den studie-artikel na ini a no o de fanowdu moro fu fruklari den wortu soleki ’pionier’ gi sma di no de Kotoigi. A tijdschrift disi o abi tori na ini tu di de spesrutu gi Yehovah Kotoigi èn gi bijbelstudenti di e go na fesi kaba. Fa a de nanga A Waktitoren di wi o prati gi sma na ini a preikiwroko? Fu di den artikel o skrifi spesrutu gi sma di no de Kotoigi, meki den o prisiri fu leisi a heri tijdschrift. A no de fu taki dati ibri Kotoigi fu Yehovah o kisi winimarki te den e leisi ala den tijdschrift. Fu di wi sa prati soso wán Waktitoren nanga wán Ontwaakt! a heri mun, meki wi sa abi a heri mun fu luku na sortu bun fasi wi kan pristeri den tijdschrift.
4 Nyun sani na ini den tijdschrift: Wan tu nyun sani o de na ini A Waktitoren di wi o prati gi sma. Wan artikel o de di o leri sma moro fu Bijbel, èn den sani skrifi na so wan fasi taki sma man frustan den makriki. Wan tra artikel sa sori fa Bijbel kan yepi osofamiri. Artikel o de gi yongu sma fu yepi den studeri Bijbel. Ibri nyun tijdschrift o abi wan artikel nanga Bijbel tori di o sori wi den moi fasi fu Yehovah.
5 Wi e begi Yehovah fu blesi den nyun sani di seti gi A Waktitoren. Wi e howpu taki a tijdschrift dati makandra nanga na Ontwaakt!, o yepi furu sma fu yere a bun nyunsu.—Mat. 10:11.